Páskahret á tímum náttúrulegrar hnatthlýnunar - Gullfoss og Geysir...

 

 

 

Myndin efst á síðunni er úr vefmyndavélinni við Gullfoss.   Jú, það grillir í eitthvað neðst til vinstri...

 

 

Myndin hér fyrir neðan er úr vefmyndavélinni við Geysi. Hún er full af snjó...

 

 

 

 

Brrr...

 

Báðar myndirnar eru frá því morgun.

 

 

Páskar eru óvenju seint og aðeins fimm dagar til sumardagsins fyrsta, en eitthvað er náttúran dyntótt....  Nú hefur snjóað í tæpa viku á höfuðborgarsvæðinu...     Hvað veldur?  Haustar bara snemma þetta árið?

 

Svona er Ísland í dag...

 

 

 

 

Þar sem menn virðast hafa misskilið eitthvað nafn pistilsins og talið

einhverja leynda djúpstæða hugsun þar að baki, var orðinu "náttúrulegrar" skotið inn.
"Páskahret á tímum hnatthlýnunar" - Gullfoss og Geysir"

var upphaflegi titillinn. Pistillinn sjálfur fjallaði bara um snjó í uppsveitunum en hvergi minnst á

hina "ógurlegu" hnatthlýnun af mannavöldum. Kannski það sé líka vissara að skrifa (hnatt)hlýnunar í stað hnatthlýnunar?
  
Ósköp er þetta nú orðið flókið, en stundum er vandlifað...
Nánar um það í athugasemdunum hér fyrir neðan.
Viljandi var lokað fyrir athugasemdir þegar inn fóru að streyma vangaveltur
um hvað ég hefði eiginlega verið að hugsa með svona fyrirsögn.
Bloggarinn nennir ekki að standa í slíku þrasi og mun meta það
hvort ástæða sé að leyfa yfirhöfuð athugasemdir við pistlana.

 

Athugasemdir

[Sveinn Atli Gunnarsson, 19.4.2014 kl. 21:09]

Svona fyrir forvitnis sakir, hver er hugmyndin með yfirskriftinni? Hefur einhver haldið því fram að páskahret eða önnur hret muni hverfa með öllu við aukna hnatthlýnun og þetta hret hljóti því að rengja vísindastarf þeirra sem rannsaka hnatthlýnun af mannavöldum? Afsakið er bara forvitin, enda tel ég sjálfur að þetta milda "hret" (og þó það hefði verið meira) hafi ekkert með hnatthlýnun af mannavöldum að gera...hvað þá að segi eitthvað um þau fræði - þess vegna spyr ég svona, af því að mér þykir þessi yfirskrift undarleg - en kannski er ég bara að misskilja þetta eitthvað hjá þér Ágúst?

[Ágúst H Bjarnason, 19.4.2014 kl. 21:35]

Yfirskriftin er kannski bara til að stríða sumum :-) Þetta eru ekki nein vísindi sem verið er að fjalla um, bara leiðinlegt páskahret!

[Ágúst H Bjarnason, 20.4.2014 kl. 06:38]

Sveinn, af því þú ert að minnast á "hnatthlýnun af mannavöldum"...

Það getur auðvitað mjög vel verið, og ekki ólíklegt, að ég hafi verið með í huga "hnatthlýnun af náttúrunnar völdum".

Hnatthlýnun af náttúrunnar völdum kemur auðvitað hnatthlýnun af mannavöldum ekkert við og er  allt annað mál.

Gleðilega Páska!

[Gunnar Th. Gunnarsson, 20.4.2014 kl. 18:39]

Á youtube má finna fróðleik um hnatthlýnun. Ef slegið er inn leitarorðinu "51 to 1 project" er nokkur viðtöl við fólk sem ekki er sátt við framgöngu alarmista. Hér er t.d. eitt ágætt viðtal: http://www.youtube.com/watch?v=sUYpa5UHL2I

[Sveinn Atli Gunnarsson, 20.4.2014 kl. 22:02]

Ágúst - þetta var akkúrat svarið sem ég átti von á frá þér og hef ég alveg húmor fyrir því, sem og upprunalegu færslunni, enda fannst mér rétt að endurgjalda greiðann með því að spyrja þig nánari spurninga varðandi þetta djók (og svarið var eins og maður mátti eiga von á - kannski fremur fyrirsjáanlegt). Það er líka augljóst að ekki er hægt að taka þetta alvarlega í umræðunni um hnattræne hlýnun í sjálfu sér - hvort sem er náttúruleg eða af mannavöldum ;)

PS. Varðandi hnattræna hlýnun af mannavöldum þá er hún vel skjalfest og þarf ekkert að afneita því nú um stundir eins og flestum ætti að vera kunnugt - meira að segja þeir sem velja að kalla aðra alarmista og öðrum uppnefnun ættu að vita að gróðurhúsalofttegundir hafa áhrif á hitastig jarðar...en það er svo sem önnur saga og ótengd húmor þeim sem er stundaður í þessari færslu.

[Emil Hannes Valgeirsson, 21.4.2014 kl. 00:05]

Smá kaldhæðni sakar ekki. En öll él birtir um síðir og sumarið er rétt handan við hornið.

[Ágúst H Bjarnason, 21.4.2014 kl. 07:24]

Vonandi fer hretið að líða hjá. Myndin er þó frá Gullfossi í dag 21. apríl. Frekar kuldalegt þar.

Hretið setti væntanlegastrig í reikninginn hjá fleirum en mér sem ætluðu að nota tímann um páskana fyrir vorverkin. Dálítið hvimleitt.

Annars er fyrirsögn pistilsins rétt, hvernig sem á hana er litið.  "Páskahret á tímum hnatthlýnunannar...".
Sannkallað páskahret og við höfum notið hnatthlýnunar undanfarið.   Á sama hátt og landnámsmenn gerðu, en væntanlega hafa þeir ekki haldið upp á páskana, en upp á sumarkomu hafa þeir væntanlega haldið.

En, eins og Emil segir, þá birtir öll él upp um síðir og nægur tími er framundan til að sinna vorverkunum.

[Gunnar Th. Gunnarsson, 21.4.2014 kl. 13:46]

"... hlýnun af mannavöldum þá er hún vel skjalfest og þarf ekkert að afneita því nú um stundir eins og flestum ætti að vera kunnugt".

Þetta eru rök sem alarmistar nota þrátt fyrir ýmsar mótbárur úr vísindasamfélaginu. Svo ata þeir þá auri sem taka ekki undir heimsendaspádómana og jafnvel halda því fram að viðkomandi sé á launum hjá olífyrirtækjunum.

Þess má geta að mörg þúsundfalt meira fé er varið í málstað alarmista en efahyggjumanna. Alarmistarnir þrífast á fé almennings (skattfé). Fyrir þá er um pólitískan rétttrúnað að ræða.

Ég skora á ykkur að skoða 51 to 1 project. Það er sérstaklega tekið fram að þessir viðtalsþættir eru EKKI fjármagnaðir af "The Big Oil"

[Sveinn Atli Gunnarsson, 21.4.2014 kl. 16:37]

Gunnar minn - það eru litlar sem engar mótbárur úr vísindasamfélaginu - út af þeim þúsundum ritrýndra greina í þessum geira, þá er það nánast teljandi á fingrum hversu margar greinar fá birtingu sem sýna fram á annað en hið vel þekkta samhengi hitastigs og aukina gróðurhúsaáhrifa af mannavöldum (þó finna megi margar fullyrðingar um annað á veraldarvefnum). Og, já, það má finna margt sem ekki stenst nánari skoðun á YouTube (líka margt mjög skemmtilegt og fróðlegt) - nenni þó ekki að setja mig inní hvað sem er þar í bili. Ef Gunnar gæti kannski bent á einhverjar ritrýndar greinar sem styðja mál hans og kannski útskýrt í leiðinni hvað og hvernig þær greinar styðja mál hans, þá væri það líka ágætis byrjun. Einhverjar smjörklípur varðandi málstað "efahyggjumanna" vs. vísindamanna og hversu mikið þeir fá og ekki fá í aurum skiptir í sjálfu sér ekki máli - en að sjálfsögðu ætti það að vera svo að vísindamenn (sem eru allir miklir efasemdamenn) ættu að geta stundað sín fræði og fengið til þess stuðning og fjármagn.

Annars hélt ég ekki að uppnefningar væru í ekki í takt við ritstjórnarstefnu hér - þar sem m.a. segir að athugasemdir skuli vera "án skætings og neikvæðni í garð annarra" - en það er kannski einhver misskilningur hjá mér...

[Höskuldur Búi Jónsson, 21.4.2014 kl. 17:24]

Ágúst og Gunnar:  Haldið þið í alvöru að hnattræn hlýnun af mannavöldum sé ekki vandamál?

[Ágúst H Bjarnason, 21.4.2014 kl. 19:57]

Þar sem snjómuggan við Gullfoss og snjórinn á linsu vefmyndavélarinnar við Gullfoss er orðinn að svona miklu hitamáli breyti ég fyrirsögn pistilsins:

Í stað:

"Páskahret á tímum hnatthlýnunar" - Gullfoss og Geysir"

Þá heitir pistillinn núna:

"Páskahret á tímum náttúrulegrar hnatthlýnunar" - Gullfoss og Geysir".

Vona ég að allir verði nú ánægðir og get ég fullvissað dygga lesendur bloggsins um að ég var ekki með neina ljóta hnatthlýnun af mannavöldum í huga þegar ég skrifaði pistilinn. Hugsaði sem sagt ekkert ljótt. Í páskavikunni hugsar maður nefnilega ekki ljótt, og alls ekki um það sem sumum finnst ljótast af öllu, þ.e. hnatthlýnun af mannavöldum. Sussum svei.

Reyndar var ég bara með í huga mjallhvítan og tandurhreinan snjóinn sem þakti jörðina í uppsveitunum viku fyrir fyrsta sumardag, og kom í veg fyrir að ég gæti dundað mér við vorverkin í sveitinni, þar sem náttúran blómstrar á sumrin. 

Annars hvísluðu plönturnar mínar mjög hljótt svo enginn heyrði til, minnugar þess að oft er í holti heyrandi nær, að mikið væri hún nú góð fyrir heilsuna og vöxtinn þessi blessaða kolsýra. Þær höfðu fengið að kynnast því í gróðurhúsinu þar sem þær voru aldar upp fyrstu mánuði lífs síns, þegar garðyrkjubóndinn losaði þetta undraefni sem hann fékk sendan frá Búrfelli í Grímsnesi í stórum stálflöskum. Lífsandi í flöskum. Það gerði hann ekki til að hita upp húsið, heldur til að örva vöxt litlu grænu krílanna sem okkur öllum þykir svo undur vænt um.

[Gunnar Th. Gunnarsson, 21.4.2014 kl. 19:58]

Er "alarmisti" uppnefni? Egið þið eitthvað annað heppilegt orð yfir ykkur?

Ég hef bent á að því sé haldið fram að einungis 2/3 greina úr IPCC skýrslunum eru ritrýndar, þrátt fyrir fullyrðinga um að allt sé ritrýnt. Sumum köflum heimsendaskýrslna þessa pólitíska apparats (IPCC) er ritstýrt af ungu fólki sem ekki hefur lokið nollurri gráðu í háskóla, hvorki í loftslagsvísindum eða öðrum.

Og varðandi að "aurinn skipti ekki máli", þá get ég alveg tekið undir að svo ætti ekki að vera en það hafa þó verið alarmistar klifa á peningahliðinni og halda því fram að olíufyrirtæki fjármagni áróður gegn vísindunum. Alarmistarnir ganga í sjóði almennings.

Höskuldur, hvaða vandamál ertu að tala um? Eitthvað sem hugsanlega, kanski gerist í framtíðinni?

Vandamál eru verkefni allra kynslóða.

[Ágúst H Bjarnason, 21.4.2014 kl. 20:21]

Svona leit Bjarnarfell við Geysi út í dag 21. apríl.  Fallega hvítt, en kannski aðeins óvenjulegt á þessum árstíma.

[Ágúst H Bjarnason, 21.4.2014 kl. 20:25]

Drengir góðir.  Plís.   Munið eftir vini okkar Trausta sem gafst upp á að blogga. Enn og aftur, þá var þessi blessaði saklausi pistill aðeins um óvænt páskahret...