Magnað flug Sukhoi yfir Keflavík...? Vídeó...

Munum við verða vitni að svona flugi yfir Keflavíkurflugvelli innan skamms?

 Hér er notað svokallað vectored thrust, en þá er hægt að beina útblæstri hreyflanna í ýmsar áttir. Sjálfsagt er vélinni flogið með hjálp tölvubúnaðar.

Líklega er neðsta myndbandið skemmtilegast. Þar er enginn tölvubúnaður notaður, en flugmaðurinn er ofursnjall.

 

 

 

 

 

Þetta er reyndar MIG-29, fjarskyld frænka Sukhoi
sem þykist vera betri, en ekki eru allir sammála...
Báðar eru rússneskar.

 

Svetlana Kapanina er þó langbest þegar hún flýgur Sukhoi

 

 

--- --- ---

 

 

13. okt. 2009

Orrustuþotur í íslenska flugflotann

Sukhoi SU-35. Mynd: www.sukhoi.org

Allt að 200 störf gætu skapast á Keflavíkurflugvelli, gangi fyrirætlanir hollensks fyrirtækis eftir, um að byggja upp aðstöðu þar fyrir útleigu á orrustuþotum frá Hvíta Rússlandi. Samningar eru á lokastigi og framkvæmdir við endurbætur á flugskýlum gætu hafist innan nokkurra vikna. Vélarnar yrðu skráðar hér á landi og fengju þá heiti sem byrjar á forskeytinu TF líkt og aðrar flugvélar á Íslandi.

Fyrirtækið sem um ræðir heitir ECA Programs og hefur sérhæft sig í varnaræfingum fyrir Atlantshafsbandalagið. Verkefnið á Keflavíkurflugvelli gengur út á að það verði að jafnaði staðsettar á milli tíu og tuttugu óvopnaðar orrustuþotur af Sukhoi gerð. Þær eru framleiddar í Hvíta Rússlandi og ætlunin er að þær verði notaðar til varnaræfinga hjá flugherjum landa í Nato og reyndar víðar; nokkurs konar óvinur til leigu.

Margir koma að þessu þar á meðal menntastofnunin Keilir á Keflavíkurflugvelli. Rætt er um að fjárfestingin verði um fjórir og hálfur milljarður króna og talsmaður fyrirtækisins segir að framkvæmdir við endurbætur á flugskýlum gætu hafist innan nokkurra vikna gangi allt eftir. Þó er eftir að ljúka samningum til að mynda við Keflavíkurflugvöll um aðstöðuna.

 

Munu beita sér gegn viðhaldsstöð fyrir orrustuflugvélar

Athugasemdir

[Sveinn hinn Ungi (IP-tala skráð) 14.10.2009 kl. 21:41]

Alltaf jafn áhugavert blogg hjá þér Ágúst.

Hvernig er það, ert þú nokkuð skráður á blogggáttina?

Ég held að margir missi af þínu bloggi ef þú ert ekki skráður þar.

[Ágúst H Bjarnason, 14.10.2009 kl. 22:14]

Ég hef ekki minnstu hugmynd um hvað þessi blogggátt er 

[Rauða Ljónið, 14.10.2009 kl. 22:16]

Það má kannski fjárfesta í þessari.

[Sigurður Þór Guðjónsson, 14.10.2009 kl. 22:20]

Ekki má gleyma því að orusþotur eru drápstól, oft til að drepa varnarlausa almenna borgara. Það er þjóðinni til skammar að hún skuli gleypa við þessu. Tvö hundruð störf til að leggja sitt að mörgum til að auðvelda stríðsvélum að brenna fólk lifandi. Sjálfsvirðing þjóðarinnar virðist engin lengur vera.  

[Rauða Ljónið, 14.10.2009 kl. 22:21]

Átti líka vera þessi

[Ágúst H Bjarnason, 14.10.2009 kl. 22:34]

Rauða Lónið: Þessi X-31 er skemmtileg. Ótrúlegt að hún er knúin með rafmagni.  Væntanlega lítill 3ja fasa mótor og LiPo rafhlöður. Sjá hér.

[Ólafur Björn Ólafsson, 14.10.2009 kl. 23:11]

Ég mun fagna því ef að samningar nást og hér verði hægt að manna 200 störf vegna þess...

Svo vil ég benda á að "MIG" og Sukhoi eru og hafa verið í mikilli samkepni og er því ekki hægt að kalla "MIG" frænku Sukhoi...

Mér þótti Sukhoi vélarnar alltaf skemtilegri að sjá en MIG vélarnar...

Kveðja

Kaldi

[Sveinn hinn Ungi (IP-tala skráð) 14.10.2009 kl. 23:37]

Blogggáttin er sameiginlegur vettvangur allra bloggara, sama á hvaða miðli þeir eru að blogga.  (http://blogg.gattin.is/)

Þetta er svo mikið úrvalsblogg hjá þér Ágúst, að þú átt hiklaust að skrá þig þarna. Þarna eru næstum allir helstu bloggarar landsins komnir á skrá. (Maður smellir á "Skrá blogg á BloggGáttina" og bíður í nokkra daga.)

[Sveinn hinn Ungi (IP-tala skráð) 14.10.2009 kl. 23:41]

( Það er næsta lína fyrir neðan þarna á blogggáttinni : "Sláðu inn slóð á RSS veitu:")

[Ágúst H Bjarnason, 15.10.2009 kl. 06:02]

Takk fyrir Sveinn.

Ég prófaði að skrá netfangið í litla gluggann.  Ég hafði ekki hugmynd um gáttina :-)

[Ágúst H Bjarnason, 15.10.2009 kl. 06:51]

Vídéó af hemasmíðuðum einkaþotum af ýmsum gerðum. Smella hér.

[Ágúst Ásgeirsson, 15.10.2009 kl. 15:26]

Frábært blogg sem fyrr. Rússarnir smíða hörku listflugsvélar. Hef séð til þessara orrustuflugvéla leika kúnstir sínar á flugsýningum bæði í Farnborough og í París. Það var hrein unun og því var gaman að sjá þessi vídeó hjá þér.  Í flugorðasafninu er talað um vectored thrust sem stefnikný.

[Guðmundur Bjarnason (IP-tala skráð) 15.10.2009 kl. 22:49]

Hvar verður æfingasvæðið? Yfir uppsveitum Árnessýslu?

Mikið verður gaman þegar þessi vibbi, sem verður daglega í loftinu, flýgur yfir mitt hús.

Er þetta annars nokkuð sniðugt?

[Ágúst H Bjarnason, 15.10.2009 kl. 23:05]

Mér skilst að lítið verði um æfingar yfir Íslandi. Vélarnar verða geymdar hér á landi og fyrst og fremst notaðar erlendis.