Sólarorkuver á Spáni framleiða rafmagn í myrkri...!

 

 

Í ljós hefur komið að orka streymir inn á landsnet Spánar frá mörgum sólarorkuverum þar í landi, sérstaklega þegar ekki sést til sólar að nóttu til.    Yfirnáttúrlegt?  

Líklega er frekar um að ræða mannlegt eðli en eitthvað yfirnáttúrulegt.   Í Evrópu er nefnilega greiddur mun hærri taxti fyrir svokallað grænt rafmagn en venjulegt svart, og það kunna menn að notfæra sér. 

Í ljós hefur komið að eigendur þessara orkuvera hafa framleitt rafmagn með díselrafstöðvum og tengt inn á netið að nóttu til    -  Síðan hafa þeir fengið greitt fyrir rafmagnið eins og um væri að ræða grænt rafmagn en ekki svart.  Rafmagn sem framleitt er með sólaorkuverum og vindorkuverum er nefnilega niðurgreitt með styrkjakerfi Evrópusambandsins.

Nú þegar er vitað um svindl sem nemur 2,6 milljónum Evra, en menn telja að það sé aðeins toppurinn á ísjakanum sem kominn er í ljós.   Á Spáni styrkti ríkið framleiðslu með sólarorku með 2,3 milljörðum Evra samkvæmt fréttinni hér fyrir neðan. Það er því eftir miklu að slæðast.

 

Það er ekki nóg að menn græði á kolefniskvótasvindli... 

 

Sjá grein frá í gær um málið hér:  (Google þýðing á ensku hér).

 

 

 16:15 13.04.2010

 

Schwindel mit Solarstrom in Spanien aufgeflogen

Das spanische Industrieministerium ist einem Betrug in der Solarbranche auf die Spur gekommen. Betreiber sollen Diesel-Strom als Solarstrom ausgegeben haben, um an lukrative Subventionen zu kommen.

Presseberichten festgestellt, dass mehrere Solaranlagen angeblich auch nachts Strom produzierten und in das Netz einspeisten. Um eine grössere Leistung der Anlagen vorzutäuschen, sollen die Betreiber Diesel-Stromgeneratoren angeschlossen haben.

Nach vorläufigen Schätzungen beläuft sich der Schaden auf 2,6 Mio. Euro. "Dies ist aber nur die Spitze des Eisbergs", sagte ein Branchenexperte der Zeitung "El Mundo", die den Skandal ans Licht brachte. Wenn Solaranlagen angeblich in der Dunkelheit Strom produzieren, falle das früher oder später auf. Wenn jedoch auch tagsüber Stromgeneratoren angeschlossen würden, sei der Schwindel kaum festzustellen.

Die Verbände der Solarwirtschaft forderten harte Strafen für die Betrüger. Diese brächten die gesamte Branche in Misskredit. Auch das Schweizer Unternehmen Edisun Power kritisierte solche Vorgehensweisen auf Anfrage der Nachrichtenagentur SDA scharf. Edisun Power sei von den Ermittlungen nicht betroffen und distanziere sich klar.

In Spanien zahlte der Staat im vergangenen Jahr rund 2,3 Mrd. Euro an Subventionen für Solarstrom. Dieser macht rund zwei Prozent der spanischen Stromerzeugung aus. Die Subventionen hatten die Zahl der Photovoltaik-Anlagen in Spanien rapide ansteigen lassen. Die Regierung will die Prämien aber um bis zu 40 Prozent kürzen.

 

     Wikipedia: Solar Power in Spain

     Green Energy News: World's Largest Solar Energy Plant in Spain

     The Copenhagen Post: Denmark rife with CO2 fraud

Athugasemdir

[Gunnlaugur Ingvarsson (IP-tala skráð) 14.4.2010 kl. 08:49]

Þetta kemur mér ekki mikið á óvart, því ég bý hér á Suður Spáni og hér er spillingin allri stjórnsýslunni og pólitíkinni uppúr og niður úr og alveg hrikaleg.

Þetta er svo samansúrrað með einkageiranum þar sem stjórnvöldum hefur verið mútað hægri vinstri. 

ESB apparatið og flóknar reglur og tilskipanir þess með snargölnu styrkjakerfi hefur bara orðið eins og olía á eld fyrir þá sem skara hér sem aldrei fyrr í eldi spillingarinnar.

Flóknari stjórnsýsla með fjarlægu tilskipanavaldi sem er mjög fjarri og framandi almenningi hefur einungis fjölgað matarholunum fyrir þetta lið.

Fyrir utan bankaglæponana íslensku þá eru íslenskir embættismenn og íslenskir stjórnmálamenn eins og kórdrengir við hlið þessara spænsku mafíósa.  

[Vilhjálmur Eyþórsson, 14.4.2010 kl. 20:41]

Ég bjó í mörg ár á Spáni og get fyllilega tekið undir með Gunnlaugi. Þar er engu við að bæta. En þetta er bara byrjunin, og þetta er ekki einskorðað við Spán. Svindlið í tengslum við svonefnda „kolefnskvóta“ er rétt að hefjast og í mörgum löndum innan og utan Evrópusambandsins hugsa menn sér gott til glóðarinnar. Þarna er mörg matarholan.

[Sveinn Atli Gunnarsson, 14.4.2010 kl. 22:55]

Já, margir eru mannlegir brestir. Ég tók eftir því að svindlið (heildartala fyrir Evrópu?) er u.þ.b. 0,1% af styrkveitingum sem veittar eru á Spáni. En svona mannlegir brestir hafa akkúrat ekkert með sólarorkuna sjálfa og hugsanlegt ágæti hennar að gera...

[Vilhjálmur Eyþórsson, 14.4.2010 kl. 23:30]

Og eitt enn: Hvað með eldgosin í Eyjafjallajökli? Af hverju er ekki settur kvóti á þau? Kodíoxíðið sem þar kemur upp er út úr öllu korti, sé tekið tillit til Kyoto- viðmiðanna og hlýtur að rugna alla útreikninga um koldíoxíðlosun langt fram í tímann.

[Ágúst H Bjarnason, 15.4.2010 kl. 06:13]

Þessi pistill fjallar eingöngu um spillingu í fjármálaheiminum, spillingu sem þrifist getur í skjóli styrkjakerfa. Hann fjallar því hvorki um sólarorkutæknina sem slíka né kolsýru, þó svo að minnst hafi verið á CO2 vegna spillingar sem þrifist hefur í skjóli styrkjakerfisins.

[Bjössi (IP-tala skráð) 16.4.2010 kl. 18:48]

Æ nei Gunnlaugur Ingvason, nú ertu algjörlega búinn að spilla fyrir mér deginnum "íslenskir embættis  og sjórnmálamenn eins og kórdrengir " olli eftirfarandi hugsýn hjá mér :

" Íslenska embættis og stjórnmálahirðin í matrósarfötum, Jóhanna Kórstjóri (förðuð upp til að líkjast Maríu Von Trapp-karakter Júlíu Andrews úr Sound of Music) sveiflar prikinu og fyrstu taktarnir úr Edelweiss svífa yfir vötnunum , í bakgrunni sprænir Mannequin Piss í gosbrunnin sinn, á torginu fyrir framan brunnin undir borða sem á stendur "Velkominn til Himnaríkis" bíður EU-Commisjóninn með útbreidda arma og margar hestakerrur fullar af Evrum handa söngflokknum og áhangendum .... ".

  En svona, þetta dæmi sem Ágúst vitnar í er ekket skrítið , ef það er rétt sem ég hef einhver staðar séð að meðgjöfin með kílówattstund af sólplöturafmagni sem kemur til baka inn  á aðalkerfið geti verið 10 - 12 sinnum hærri en það kostar að framleiða það í  lítilli  díselrafstöð, að sjálfsögðu nýta einhverjir framtakssamir einstaklingar sér slíkar gullnámur, í þessu dæmi hefðu þeir  átt hafa sólnæman ræsibúnað til að stjórna dísilstöðinni, þá hefði enginn tekið eftir þessu.Við eigum sjálfsagt eftir að sjá fleiri svona fréttir en annars minnir þetta svolítið á húseigandann sem umventi  hitveitumælinum sínum til að snúa ofan af honum  , en  gleymdi sér svo í eitt skiftið að snúa honum við aftur nógu snemma fyrir aflestur, og lenti í því að vera negatíva heitavatnsnotkun eitt tímabilið og allt komst upp. Hann fékk auðvitað enga meðgjöf frá EU fyrir framleidda orku, þetta var löngu fyrir svoleiðis hugsanagang , en hann sparaði auðvitað nokkrar krónur á heitavatnsreikningnum , og það var nægur hvati. Auðvitað verður dæmið stærra þegar er búið að byggja upp megastyrkjakerfi, þar sem þessi möguleiki er innbyggður í undirstöðuna. Enn meira gaman verður auðvitað þegar við förum að sjá lífeyrisjóðina fjárfesta í afleiðuvöndlum með undirliggjandi verðmætamati  mæld í hvótum á heitu lofti og snefilefnagasi.

Og eins og bítlarnir að mig minnir sungu einusinni og svona eftir á að hyggja  virðist hafa verið einhvers konar forspá um ókomna framtíð :

"
if you drive a car - I'll tax the street
if you try to sit; - I'll tax your seat
if you get too cold- I'll tax the heat
if you take a walk - I'll tax your feet
if take breath - I'll tax your air.(*)
...
cause I´m the taxman
" 

Línan merk (*) er hugsanlega eigin viðbót , en eihvern vegin finnst mér að hún eigi líka heima þarna.