Ótrúlegar kvikmyndir af geimskutlunum...

 

  

 

Í hvert sinn sem geimskutlunni er skoti á loft eru yfir 125 hágæða kvikmyndavélar notaðar af verkfræðingum NASA til að fylgjast með skotinu í návígi. Nú, þegar til stendur að leggja geimskutlunum,  hefur verið safnað saman hinu besta úr öllu þessu gríðarlega magni kvikmynda sem til er.

Matt Melis flugverkfræðingur (aerospace engineer) hjá NASA útskýrir það sem fyrir augu ber á mjög greinargóðan hátt.

Í kynningunni segir:

“This compilation of film and video presents the best of the best ground-based Shuttle motion imagery from STS-114, STS-117, and STS-124 missions. Rendered in the highest definition possible, this production is a tribute to the dozens of men and women of the Shuttle imaging team and the 30yrs of achievement of the Space Shuttle Program.”

Þetta er nokkuð langt myndband, heilar 45 mínútur. Í fyrstu myndunum sjást eldflaugahreyflarnir í návígi, en myndbandið endar á myndum sem teknar eru með einum bestu linsum sem til eru af flugi geimskutlunnar upp í himinhvolfið.

Þó myndbandið sé langt, þá er óhætt að mæla með því. Sérstaklega fyrir þá sem áhuga hafa á tækni og vísindum.  Þegar horft er á goshverfla geimskutlunnar í návígi rifjast upp tilfinningin sem fer um mann þegar staðið er nálægt öflugri gufuholu sem blæs milljónum watta upp frá iðrum jarðar...

Auðvitað má horfa á myndbandið í nokkrum áföngum ef mönnum finnst það í lengra lagi, en best er að smella á myndflötinn og stækka hann upp í fulla skjástærð, því gæði myndbandsins eru mikil.

 

Þesss má geta að Matt Melis verkfræðingur hjá NASA og kynnir myndbandsins hefur haldið fyrirlestur við Háskólann í Reykjavík. Sjá hér.

 

 

 

 

Athugasemdir

[Magnús Már Guðnason, 14.12.2010 kl. 23:00]

Sæll Ágúst.

Ég horfði á myndbandið í gærkvöldi og er enn agndofa yfir því. Alveg hreint ótrúlegar myndir. Ég vona bara að NASA gefi út háskerpu útgáfu af þessum myndum, fann það ekki í fljótu bragði.

Takk fyrir að benda fólki á þessar myndir!

Kveðja, Magnús Már
www.eldflaug.com

[Einar Björn Bjarnason, 15.12.2010 kl. 02:36]

Tek undir það, svakalega flottar myndir.

Maður mun sakna skutlunnar, ekki síst vegna þess að þ.s. tekur við, virðist ætla vera síður "spectacular".

En skutlan hefur galla, eins og fram koma þegar bilun varð fyrir nokkrum árum í rússneksku geimhylki en þ.s. hylki í eðli sínu eru stöðug loks þegar þau eru komin inn í lofthjúpinn, þá varð ekki slys. En, skutlan þar tölvustýringu þ.s. aðferð hennar við innkomu er mjög loftflæðilega óstöðug. Ef e-h fer úrskeiðis meðan hún er enn á milli Mac 10 - 20 er lítill séns að nokkur lifi af.

Kv.

[Ásdís Sigurðardóttir, 17.12.2010 kl. 13:03]

þakka fyrir frábært myndefni hér á síðu.  Ég ætlaði nú bara að horfa smá á þetta myndband, en festist alveg við það, þvílíkt flott. Gleðileg jól og takk fyrir samskiptin hér í bloggheimum.