Hröð kólnun lofthjúpsins undanfarið samkvæmt gervihnattamælingum...

 

 

 

Þetta er svosem engin stórfrétt, en áhugavert samt: Fyrir nokkrum dögum voru nýjustu mæligögn gervihnatta um hitafar lofthjúps jarðar birt. Eins og sjá má þá hefur hitafallið undanfarið verið töluvert. Hitinn hefur nánast verið í frjálsu falli. Það eru ekki aðeins gervihnattamælingar sem sýna þessa kólnun, heldur flestallar eins og sést hér.

Rauði hringurinn hægra megin umlykur síðasta mælipunkt, þ.e. meðalhita marsmánaðar, en eins og sjá má þá liggur hann nokkuð undir meðaltali síðastliðinna 30 ára sem merkt er með láréttu strikuðu línunni. Ferillinn táknar frávik frá þessu meðaltali. Granna línan er mánaðameðaltal, en gildari línan 3ja ára keðjumeðaltal og nær því ekki til endanna. Mælingarnar ná aftur til ársins 1979 er mælingar frá gervihnöttum hófust.  Mæligögnin má nálgast hér.  

-

Myndin hér fyrir neðan nær aftur til ársins 1850. Tímabilið sem gervihnattamælinar ná yfir er merkt með rauða borðanum [Satellites], en það er sama tímabil og efri ferillinn nær yfir.

Nákvæmlega hvenær svokallaðri Litlu Ísöld lauk er auðvitað ekki hægt að fullyrða um. Stundum er þó miðað við 1920, en eftir það fór að hlýna nokkuð hratt. Blái borðinn [The Little Ice Age] gefur það til kynna.

 

 

Neðri myndin nær aðeins til og með desember 2010 en efri myndin til mars 2011. Neðri myndin sýnir frávik frá meðalgildi áranna 1960-1990, en sú efri frávik frá meðalgildi áranna 1980-2010. Þetta þarf að hafa í huga þegar myndirnar eru bornar saman.

Einnig þarf að hafa í huga að lóðrétti ásinn er mjög mikið þaninn út, þannig að allar  sveiflur virðast magnast upp.

 

Hefur þetta einhver áhrif á veðrið hjá okkur?  Hef ekki hugmynd. Kannski óveruleg... Samt er sjálfsagt að fylgjast með...

Er þetta eitthvað óvenjulegt eða afbrigðilegt? Nei, bara smávegis náttúrulegt flökt sem stafar af El Niño / La Niña fyrribærinu í Kyrrahafinu. Ekki ósvipað því sem gerðist eftir toppinn árið 1998.

Hvaðan eru ferlarnir fengnir? Ferlarnir eru fengnir af þessari vefsíðu þar sem finna má fjölda hitaferla með því að smella á hnapppinn [Global Temperatures] við vinstri jaðar síðunnar.

Við hverju má búast á næstu mánuðum?  Ef að líkum lætur fer hitaferillinn eitthvað neðar, en sveigir síðan aðeins uppávið aftur. Hve mikið veit enginn.    - Svo heldur hann áfram að flökta upp og niður og upp...    Þannig hagar náttúran sér og hefur alltaf gert...

Hvers vegna er verið að birta þessa ferla hér?  Bara til að svala forvitni þinni og minni :-)

 

 

Athugasemdir

[Sveinn Atli Gunnarsson, 13.4.2011 kl. 23:18]

Eins og flestum ætti að vera ljóst þá gerist þetta "flökt" reglulega, eins og þú kemur inn á Ágúst, og er þetta, eins og þú réttilega kemur inn á, vegna náttúrulegs breytileika, m.a. vegna El Nino og La Nina. Hitt er svo annað mál að hækkun hitastigs sést vel á þessum ferlum, þrátt fyrir hið náttúrulega flökt, bara til að benda á þá staðreynd. Bendi einnig á að svipað gerðist samkvæmt þessu gagnasafni (UAH) árið 2008, ekkert fréttnæmt í sjálfu sér við þetta eins og þú kemur réttilega inn á Ágúst. Mæligögn hitastig við jörðu sveiflast ekki eins mikið og þessi gervihnattagögn sem þú ert að skoða hérna Ágúst, en hvað um það, fróðlegt er þetta engu að síður, ekki síður að skoða hvernig hitastig hefur hækkað á ekki styttra tíma en þeim síðan að gervihnattamælingar hófust árið 1979...og leitnin virðist að mestu leiti halda sínu striki upp á við, þrátt fyrir náttúrulega flökt.

PS. Fróðlegt að skoða hitatölur frá NASA-GISS, mars var hlýrri en febrúar http://data.giss.nasa.gov/gistemp/tabledata/GLB.Ts+dSST.txt eftir að síðustu þrír mánuðir þar á undan voru búnir að vera aðeins kaldari - er viðsnúningurinn kannski orðin nú þegar..?

Mbk.
Sveinn Atli

[Morten Lange, 13.4.2011 kl. 23:36]

Jamm hitinn sveiflast. Alveg rétt, engar fréttir. En ágætt að til er fólk sem fylgjast með þessu :-)

[Gunnar Th. Gunnarsson, 14.4.2011 kl. 11:53]

Takk ... forvitninni svalað

[Bjössi (IP-tala skráð) 15.4.2011 kl. 01:24]

Ég er nú alltaf að hallast meir og meir að því að þessi ferill á fráviki svokallaðs meðalheimshitastigs sé all of grófur og/eða ónákvæmur til að það sé hægt að taka hann verulega alvarlega og hann hafi fengið all of mikið pláss í  umræðu um loftslagsmálin "sådan set¨. þ.e.a.s ég efast um að hægt sé að nota uppsafnað meðalhitafrávik sem nothæfan mælikvarða á   heildar inn-út orkuflæði jarðar eins og gert er í umræðunni í dag. Vissulega má segja að ef lokasumman yfir eitthvað tímabil er jákvæð þegar horft er til baka þá getum við sennilega dregið þá ályktun að það hafi verið fleiri "heit" en "köld" ár  á umræddu tímabili, en er yfirleitt draga einhverja frekari ályktun af því ?. Ég á allavega sífellt erfiðara með að taka  þessa  heimsfrávikstölu  sem einhverskonar marktækt nálgunargildi fyrir tegur yfir varmaflæði jarðar, og það ekki síst þegar verið er að mæla þeð með að mínu mati allt of fáum og þess utan síbreytilegum mælistaðafjölda og sem og með alltof of þröngu skekkjumati að ég held. En nóg um það ég er eiginlega að stinga inn athugasemd hér , vegna þess að ég rakst fyrir nokkru á yfirlit um gestafyrirlestur hollendings að nafni  Noor van Andel hjá veðurfræðistofnun heimalands síns á þessari bloggsíðu   , sem mér fannst rétt að skoða betur , svo ég hafði upp á  prentútgáfu ummrædds fyrirlestur ásamt slidum og lagðis yfir innihaldið. Eftir að hafa  farið í gegnum eðlisfræðina og jöfnunarsem höfundurinn setur fram sem og önnur argument hans fæ ég ekki annað séð en þetta sé allt nokkuð "sólid", og niðurstöðurnar vel rökstuddar, en ég hefði gaman af að fá fleiri álit en mitt eigið, svo ef þú mátt vera að og nennir Ágúst þá væri vel þegið að fá þitt álit. Ég hef ekki rekist á nein komment að ráði um þetta nema á einni eða tveim pólitískum bloggsíðum á efasemdavængnum, og þær eru svo sem ekkert að kafa í yfirborðið á stundum .

[Ágúst H Bjarnason, 5.6.2011 kl. 12:04]

Ég fann slatta af athugasemdum sem ég hafði gleymt að samþykkja. Bæði hér og við fyrri pistla. Biðst afsökunar á því.

Ein ástæðna fyrir þessari gleymsku minni kann að vera að ég hef verið um tíma við störf erlendis, þ.e. í Kenya.  Einnig þarf ég að kanna hvort stillingar bloggsvæðisins hafi breyst þannig að ég fái ekki tilkynningar í tölvupósti.

Reyni að gæta mín betur framvegis