Norðurljósin fallegu um helgina...

 

 

 

Norðurljósin voru einstaklega falleg um helgina.

Máninn lýsti upp landslagið og umhverfið var töfrum líkast.

Myndin er tekin efst í Biskupstungum og er horft til suð-vesturs. Bjarminn í fjarska er frá gróðurhúsunum í Reykholti.

Dans norðurljósanna minnir okkur á hve nálægt okkur hin fallega dagstjarna sólin er. Andardráttur hennar leikur um lofthjúp jarðar og birtist okkur á þennan undursamlega hátt.

 

Smellið tvisvar á myndina til að stækka og njóta betur.

 

Myndin er tekin með Canon 400D síðastliðið laugardagskvöld klukkan 22:35. ISO 800, 10 sek / f3,5. RAW. Linsa Canon 10-22mm.

 

Athugasemdir

[Halldór Jónsson, 12.9.2011 kl. 22:59]

Frábær mynd frændi.Ég gleymdi að koma til að skoða þotuna. Ertu ekki til í að kynna hana á netinu?

[Emil Hannes Valgeirsson, 13.9.2011 kl. 00:09]

Sannarlega fjör í háloftunum - flott mynd!

[Ásdís Sigurðardóttir, 13.9.2011 kl. 12:23]

Dásamleg mynd sem himnagallerýið býður uppá. 

[Rafn Haraldur Sigurðsson (IP-tala skráð) 13.9.2011 kl. 18:30]

Meiriháttar mynd, konfekt fyrir augað.

[Gunnar Th. Gunnarsson, 16.9.2011 kl. 09:21]

Meira ljósop, minni tími. Hefði það ekki gert ljósin í betri fókus?

[Ágúst H Bjarnason, 16.9.2011 kl. 13:52]

Það er hárrétt hjá þér Gunnar.  Ég tók líka mynd á tvöfalt lengri tíma með helmingi lægra ISO, en það var auðvitað mun verra. Hefði átt að prófa styttri tíma (5 sek) og 1600 ISO eða jafnvel 2 sek og 3200 ISO. Auðvitað hætta á meiri suðu (noise)  í myndinni, en til eru góðar noise síur til að lagfæra slíkt.  F3,5 er líklega stærsta ljósopið á þessai Canon 10-22mm linsu.