Vetrarsólstöður í dag: Lengsta nótt ársins að baki...

 

 

 

Vetrarsólstöður eru í ár 22. desember. Sólin er í dag lægst á lofti, dagurinn stystur og nýliðin nótt sú lengsta á árinu. Á morgun fer sólin að hækka á lofti og dagurinn að lengjast, þó ekki muni nema hænufeti fyrst í stað.  Áður en við vitum af fer vorilmur að finnast í lofti, fuglar að syngja, ástin blómstrar og vorið er komið!

 

"Fyrsta sólarhring frá sólstöðum lengist sólargangurinn í Reykjavík um 9 sekúndur. Annan daginn lengist hann um 27 sekúndur og þriðja daginn um 44 sekúndur. Þetta eru sem sagt "hænufetin" í Reykjavík. Á Akureyri er fyrsta hænufetið 12 sekúndur, hið næsta 37 sekúndur og hið þriðja 62 sekúndur", stendur í grein eftir Þorstein Sæmundsson sem birtist í Almanaki Háskólans árið 1993.  Greinina má lesa hér.

 

 Myndin er tekin fyrir skömmu í uppsveitum Árnessýslu.

 

 

 

Gleðileg Jól

 

Athugasemdir

[Gunnar Th. Gunnarsson, 22.12.2011 kl. 08:40]

Mér finnst alltaf dálítið notaleg tilhugsun að nú fari sólin að hækka á lofti.

Gleðileg jól, Ágúst og takk fyrir ánægjuleg bloggsamskipti á árinu.

[Ásdís Sigurðardóttir, 22.12.2011 kl. 16:15]

Í mínum huga er sá dagur þegar daginn tekur að lengja á ný, ávallt einn sá besti á árinu.  Gleðileg jól og takk fyrir frábær blogg hér á árinu.

[Ágúst H Bjarnason, 22.12.2011 kl. 20:42]

Takk fyrir kveðjurnar Gunnar og Ásdís og Gleðileg Jól. Takk sömuleiðis fyrir blogg ykkar.

Vafalítið eru jólin upprunalega hátíð ljóssins þegar hækkandi sól er fagnað.  Hér er gömul grein úr Mogganum 1931 byggð á ritgerð Páls Vídalíns lögmanns, Jól og Heiðni. 

[Halldór Jónsson, 23.12.2011 kl. 13:16]

Gleðileg jól og farsælt nýtt ár frændi og þín fjölskylda