China Town á Grímsstöðum...

 

 

Í byrjun maí s.l. var hér varpað fram 25 spurningum vegna fyrirhugaðrar langtímaleigu Kínverja á 30.000 hekturum lands.  Ekki hafa nein svör borist.

Sjá pistilinn Spurningar sem fá verður svar við áður en rætt verður um langtímaleigu á Grímsstöðum á Fjöllum...

Nú er þó ljóst að þarna mun rísa kínverskt þorp með 100 glæsihýsum fyrir auðmenn, með öllu sem slíku tilheyrir,  þjónustuliði (væntanlega kínversku) o.s.frv.  Þarna mun einnig verða lagður flugvöllur, fyrir "svifflug" samkvæmt fréttinni.

Er þetta virkilega það sem við viljum?

   Lítilla sanda
   lítilla sæva
   lítil eru geð guma. 

-

Í Heimskringlu er frásögn af því að Ólafur Haraldsson Noregskonungur sendi hirðmann sinn, Þórarin Nefjólfsson, til að biðja Norðlendinga að gefa sér Grímsey. En Einar Eyjólfsson Þveræingur kom í veg fyrir það með ræðu sem hefur lengi verið í minnum höfð:

„En um Grimsey er þat at ræða, ef þaðan er engi hlutr flutr, sá er til matfanga er, þá má þar fæða her manns, ok ef þar er útlendr herr, ok fari þeir með langskipum þaðan, þá ætla ek mörgum kotbúöndunum muni þykkja verða þröngt fyrir durum.“

„Ok þegar er Einar hafði þetta mælt ok innt allan útveg þenna, þá var öll alþýða snúin með einu samþykki, at þetta skyldi eigi fást. Sá Þórarinn þá erindislok sín um þetta mál.“

Nú vantar okkur sárlega Einar Þveræing...

 

 

 

Er öllum virkilega sama?    Einnig náttúruverndarfólki?  Eru menn kannski með einhverja dollaraglýju í augunum?

 

Bloomberg 17. júlí:
Chinese Billionaire Huang To Revive Iceland Deal After Rejection

 

 

Huang segir samkomulag í höfn

Athugasemdir

[Jón Thorberg Friðþjófsson, 17.7.2012 kl. 17:13]

ir

Góðan dag Ágúst.

Nei, mér er ekki sama. Ég veit bara ekki hvað þarf til að koma í veg fyrir þetta. Ekki treysti ég stjórnvöldum til þess, þau geta ekki einusinni afgreitt fiskveiðikerfið svo vel sé.

kv. Jón

[Kristinn Snævar Jónsson, 17.7.2012 kl. 20:44]

Mér er ekki sama, Ágúst, og hef ég áhyggjur af þróun mála varðandi samningagerð sveitarfélaga á NA-landi sem lítið sem ekkert hefur heyrst af efnislega. Ég hef bloggað um þessi mál (sbr. t.d. í fyrra http://www.krisjons.blog.is/blog/krisjons/entry/1187691/).

Þá hefur ekkert heyrst af því hvað viðkomandi ráðherrar ríkisstjórnarinnar eru að hugsa um málið eða að aðhafast í því sambandi að því er varðar hagsmuni ríkisins og þjóðarinnar allrar.

En, ég óttast að það sé ekki nóg að vona bara það besta um framvinduna og útkomuna.

[Vilhjálmur Eyþórsson, 18.7.2012 kl. 00:06]

Mig minnir að það hafi verið Filippus Makedóníukonungur, faðir Alexanders sem sagði: „Enginn borgarmúr er svo hár að asni klyfjaður gullli komist ekki yfir hann“. 

Ég er ansi hræddur um að þingeysku asnarnir sem hyggjast þiggja gullið muni fá að iðrast glópsku sinnar biturlega. 

[Ágúst H Bjarnason, 18.7.2012 kl. 06:09]

Það hefur komið mér á óvart að ekkert hefur heyrst frá t.d. Landvernd og Náttúruverndarsamtökum Íslands. Ætli þeim sé alveg sama?