Hafísútbreiðslan í maí 2013...

 

                                                                       

 

Myndin hér að ofan sýnir útbreiðslu hafíss nú þegar líður að lokum maímánaðar.   Greinilegt er að myndin nú er allt önnur en í september 2012 þegar útbreiðslan var í lágmarki.   

Ferillinn fyrir árið 2013 er rauður, en svartur fyrir árið 2012. 

Í augnablikinu er rauði ferillinn nærri meðaltali áranna 1979-2006 (punktalínan), en í september 2012 var útbreiðsla hafíss sú minnsta sem mælst hefur, a.m.k. síðan mælingar merð gervihnöttum hófust.

Hafa verður í huga að myndin sýnir útbreiðslu hafíss en ekki magn, þ.e. ekki er tekið tillit til þykktar íssins. 

 

Hvernig stóð á lítilli útbreiðslu hafíss í september 2012?  Á vefsíðu NASA kemur fram að öflug heimskautalægð í ágúst 2012 hafi brotið upp ísinn þannig flýtt fyrir bráðnun hans, en hann var tiltölulega þunnur fyrir.

 

 

                   Smella hér til að sjá myndbandið á vef NASA.  Sjá einnig frétt Reuters hér.

 

Stormurinn skall á 5. ágúst og strax 9. ágúst birtist á vef NASA frétt um storminn þar sem leiddar eru líkur að því að hann geti haft áhrif á útbreiðslu hafíss:  "Arctic storms such as this one can have a large impact on the sea ice, causing it to melt rapidly through many mechanisms, such as tearing off large swaths of ice and pushing them to warmer sites, churning the ice and making it slushier, or lifting warmer waters from the depths of the Arctic Ocean".   Þetta gekk eftir.

 

Myndin hér fyrir neðan ætti að uppfærast sjálfkrafa. Fylgist með rauða ferlinum. 

Það verður fróðlegt að fylgjast með hver þróunin verður í ár.  

Hver skyldi staðan vera næstkomandi september þegar útbreiðslan verður í lágmarki?     Það kemur bara í ljós þegar þar að kemur, fæst orð hafa minnsta ábyrgð... 

 

 

                                                         Stærri beintengd mynd hér.

 

 

Næsti ferill sýnir breytingu á heildarflatarmáli hafíss,

á suðurhveli + norðurhveli, frá árinu 1979. 

Stærri beintengd mynd hérá hafíssvef háskólans í Illinois.

 

 

 

Að lokum er ferill sem sýnir stöðuna í dag á hafísnum við Suðurskautslandið.

Greinilegt er að útbreiðsla hafíss er þar meiri en í fyrra og meiri en meðaltal áranna 1979-2000.

 

 

 

 

 

 

 Vefsíður með fjölda ferla:

 

 Arctic Sea Ice Graphs

 

Sea Ice Page

 

 

 

Athugasemdir

[Emil Hannes Valgeirsson, 25.5.2013 kl. 16:33]

Sæll. Við fylgjumst með að venju.

Ég hef trú á að við gætum séð nýtt metlágmark í hafísnum nú í lok sumars því hvað sem líður stórlægðum þá er hafísinn orðinn það þunnur og viðkvæmur að hann má varla við neinu. Má líka benda á það sem NASA segir í sömu frétt og þú vísar í:

“Decades ago, a storm of the same magnitude would have been less likely to have as large an impact on the sea ice, because at that time the ice cover was thicker and more expansive.”

Svo má hafa í huga að útbreiðslan í lok maí segir lítið til um framhaldið, samanber stöðuna í fyrra sem sést á línuritunum efst (svarta línan).

[Ágúst H Bjarnason, 25.5.2013 kl. 16:50]

Satt er það Emil, náttúran á það til að vera dyntótt og koma á óvart.   Best að bíða bara og fylgjast með.

Það mætti kannski setja upp veðbanka eins og þeir hafa gert í áraraðir í Alaska þar sem menn fylgjast með því og veðja um hvenær Nenana áin ryður ísnum af sér. Þá er sumarið komið hjá þeim. 

http://www.alaskadispatch.com/article/20130520/97-year-old-nenana-ice-classic-sets-record-latest-breakup-river-1

[Hilmar Hafsteinsson (IP-tala skráð) 25.5.2013 kl. 18:49]

Sæll Ágúst og þakkir fyrir góða færslu.

Kolefnisklerkar landsins þegja þunnu hljóði yfir auknum hafís við Suðurskautslandið en liggja á bæn um "nýtt metlágmark í hafísnum"(sic) á Norðurskautinu... :)

[Ágúst H Bjarnason, 25.5.2013 kl. 19:25]

Hilmar, það veit auðvitað enginn hvað framtíðin ber í skauti sér. Við skulum bara bíða rólegir og láta ekkert koma okkur á óvart...

[Sveinn Atli Gunnarsson, 25.5.2013 kl. 22:13]

Það þarf ekki að bíða neitt, við vitum afhverju hafísinn er að minnka hratt á síðustu árum og áratugum...hitastig á heimsvísu hefur hækkað vegna aukina gróðurhúsaáhrifa og hafís á Norðuskautinu bráðnar sem svar við þeirri hækkun - ekkert flókið við það í sjálfu sér Ágúst. Þess má geta að það er töluvert langt í að hafísútbreiðslan á Norðuskautinu sé eitthvað í nánd við meðaltalið þegar heildarmyndin er skoðuð, þó svo það megi reyna að skoða eitt og eitt púsl heildarmyndarinnar og spinna út frá því. Um mánaðarmótin apríl/maí í fyrra þá fór hafísútbreiðslan mun nær meðaltalinu en núna, en samt var met slegið í september. Enda rétt að ítreka það sem Ágúst bendir á að útbreiðsla hafísins segir ekki nema hluta af sögunni, enda er hann núna mun þynnri en áður og því mun viðkvæmari fyrir til að mynda veðrum og vindum en áður...

PS. Það er villa í teksta í efsta grafinu - þú lagar það kannski.

Mbk.

Sveinn Atli Gunnarsson

[Ágúst H Bjarnason, 25.5.2013 kl. 22:53]

Bestu þakkir Sveinn Atli fyrir ábendinguna.   Ég er búinn að breyta 13. sept. 2013     í     13. sept. 2012.

[Höskuldur Búi Jónsson, 27.5.2013 kl. 20:02]

Staðan nú er svipuð og í fyrra - en þá endaði hafísárið í meti. Líklega verður staðan í september í ár svipuð og árið 2012 - á jörðinni er hnattræn hlýnun af mannavöldum, en ekki hnattræn kólnun..