Hafísinn minnir á sig. Meiri en síðustu ár...

 

 

 

 

Á myndinni má sjá útbreiðslu hafíss á norðurslóðum í dag 20. október. Eins og sjá má á svarta ferlinum mælist útbreiðslan meiri en flest síðastliðin 10 ár.

Neðri myndin er stækkuð úrklippa úr þeirri efri.

Ferillinn er frá Hafísdeild  Dönsku Veðurstofunnar DMI, en þar birtist daglega nýr ferill.

Það er greinilegt eins og staðan er í dag, að hafísinn er ekkert að hverfa. Ferillinn gefur þó ekki neina vísbendingu um þróun næstu daga, mánuði eða ár, en fróðlegt verður að fylgjast með hvað er á seyði með því að smella hér og hér.

Ef við rýnum í ferlana þá sjáum við þó að bráðnunartímabilið undanfarna mánuði virðist styttra en önnur undanfarinn áratug, lágmarkið í byrjun september fyrr  á ferðinni og aukningin undanfarnar vikur hraðari en áður miðað við ferla síðustu 10 ára. Kannski bara tilviljun?

 

Þykkt hafíssins skiptir líka máli. Á næstu mynd sést að nú (rauði ferillinn) er þykktin meiri en 2004, 2009, 2010, 2011 og 2013.

Heimild: Polar Science Center hér.

 

Sjálfsagt kjósa flestir að hafísinn verði sem minnstur og alls ekki að hann gerist nærgöngull við okkur eins og síðast gerðist á hafísárunum um 1970.  En er það nú alveg víst að við getum stólað á að siglingar um norðuríshafið verði raunhæfar og að umskipunarhöfn í Finnafirði verði að veruleika?  Er alveg víst að landsins forni fjandi heimsæki okkur ekki einhvern tíman á næstu árum? Spyr sá sem ekki veit...