Hitaveita Suðurnesja verði áfram í meirihlutaeigu sveitarfélaganna

"Selji Orkuveitan hlut sinn í Hitaveitu Suðurnesja – sem nú er vistaður í Reykjavík Energy Invest – til annars aðila, gætu Reykjanesbær, Hafnarfjörður og Geysir Green Energy nýtt forkaupsrétt sinn, segir Árni Sigfússon, bæjarstjóri í Reykjanesbæ. Bæði Árni og Lúðvík Geirsson, bæjarstjóri Hafnarfjarðar, líta svo á að þessum málum verði ekki ráðið til lykta án aðildar þeirra".

 

 

Svo segir í frétt Morgunblaðsins í dag 10. október.

Ég vona svo sannarlega að Hitaveitan verði áfram í meirihlutaeigu sveitarfélaganna, og vitna til pistils míns frá 23. september "Einkavæðing orkuveitanna gæti haft alvarlegar afleiðingar um alla framtíð".

Þar segir m.a.:

"Nú á dögum gerast atburðirnir svo hratt að við náum ekki að fylgjast með. Við höfum enga hugmynd um það sem verið er að gera bakvið tjöldin. Við vöknum stundum upp við það að búið er að ráðstafa eignum þjóðarinnar, án þess að eigandinn hafi nokkuð verið spurður um leyfi...

Okkur ber skylda til að hugsa um hag komandi kynslóða.  Börn okkar og barnabörn hljóta að eiga það skilið af okkur,  að við sem þjóð glutrum ekki öllum okkar málum útum gluggann vegna skammtímasjónarmiða og peningagræðgi....

Orkuveitunum fylgja auðlindir sem fjársterkir aðilar girnast.  Þessar auðlindir eru þjóðareign sem okkur ber að varðveita sem slíkar fyrir komandi kynslóðir".

 

Nú gefst skynsömum mönnum tækifæri til að snúa málunum til betri vegar. 

Reynsla okkar af kvótakerfinu á að geta verið okkur næg lexía til að standa vörð í þessum efnum. 

Kjarni málsins er sá, að auðlindirnar eiga að vera að vera eign þjóðarinnar.

 

Stefna Hitaveitunnar hefur verið "að vera best rekna orkufurirtæki landsins". Það hefur HS staðið við hingað til.

 

Undrun á sölu hlutarins

Athugasemdir

[Gummi (IP-tala skráð) 10.10.2007 kl. 12:01]

Ef enginn á, segjum t.d. orkuveituna eins og hún gerir, hún er í eigu almennings þá er fólki eða almenningi alveg sama hvort hún græði eða verði ríkinu einhver baggi að bera því enginn á þetta og það er vont fyrir alla því allir tapa. Ef það er einhver ákveðinn einstaklingur sem vinnur og berst fyrir því að fyritækið græði þá græða allir,er gott fyrir alla. Ef þetta lætur þig ekki hugsa aðeins þá ættirðu að kynna þér þetta frá rökfræði og sjónarmiðum frjálshyggju manns.

[Ásdís Sigurðardóttir, 10.10.2007 kl. 21:42]

Ég ætlaði á skrifa á þotufærsluna en þá kom upp villa, en þetta var aldeilis flott flug. 

[Ágúst H Bjarnason, 10.10.2007 kl. 21:47]

Ásdís, þetta var bara prufa sem ég setti upp augnablik. Var að prófa að setja inn vídeó. Tók prufuna út aftur

[Ágúst H Bjarnason, 12.10.2007 kl. 13:02]

Sæll Gummi. Hvers vegna þorir þú ekki að koma fram undir fullu nafni. Því miður rökræði ég ekki við þá sem eru í einhverjum feluleik.