Vetrarsólstöður, hænufetið, tíminn og jólakveðja

Enn og aftur er sólin lægst á lofti og nýtt ár hefur göngu sína innan fárra daga. Enn og aftur hefur jörðin nýja hringferð um sólina.  
 

Á morgun fer daginn að lengja aftur um eitt hænufet. Hve stórt er þetta hænufet? Því er svarað í Almanaki Háskólans. Fyrsta skref hænunnar er aðeins 9 sekúndur, síðan 27 sek, svo 44 sek, ... og ekki líður á löngu áður en vorið er komið.

Tempus fugit;   tíminn líður!      

Aldrei virðist vera nægur tími.

Skyldi vísindamönnum einhvern tíman takast að hægja á tímanum?  - Varla, og því verðum við bara grípa til okkar ráða.

Er ekki kominn tími til að gefa sér tíma til að dást að undrum lífsins og náttúrunnar? Gefa sér tíma til að lesa góðar bækur? Gefa sér tíma til að sinna hugðarefnum sínum?    -  Gefi maður sér tíma til þess, þá líður ekki langur tími þar til manni finnst tíminn líða hægar!  Við getum gert það sjálf sem vísindamönnum tekst ekki, við getum hægt á tímanum!

 

Hvað finnst þér lesandi góður. Finnst þér þú hafa nægan tíma til að sinna þínum hugðarefnum, vinum og fjölskyldu?

 

Jólin eru hátíð ljóss og friðar.
Nú skulum við njóta þess að eiga góðar stundir um hátíðarnar.

Ég óska ykkur og fjölskyldum ykkar
gleðilegra jóla.    

 Vetrarsólstöður eru í ár 22. des. kl. 06.08.

Sjá nýjar myndir í athugasemdum 

Athugasemdir

[Gunnar Th. Gunnarsson, 22.12.2007 kl. 02:46]

Gleðileg jól sömuleiðis til þín og þinna og takk fyrir ánægjulegt blogg-ár.

[Ásdís Sigurðardóttir, 22.12.2007 kl. 12:10]

Takk kærlega fyrir kveðjuna og takk fyrir ánægjuleg blogg kynni á árinu.  Njóttu hátíðarinna vel með þér og þínum.  Kær kveðja.

                   

[Ása Hildur Guðjónsdóttir, 22.12.2007 kl. 21:25]

Gleðileg jól sömuleiðis og njóttu hátíðanna vonandi með bók við hönd.

Takk fyrir bloggvináttuna 

[Ágúst H Bjarnason, 22.12.2007 kl. 22:27]

Þakkas ykkur öllum fyrir kveðjurnar, Gunnar, Tinna, Ásdís og Ása

[Sigurður Þór Guðjónsson, 22.12.2007 kl. 23:47]

Gleðileg jól og takk fyrir bloggið.

[Ágúst H Bjarnason, 23.12.2007 kl. 12:56]

Mars og tunglið í Ljósaskiptunum um kl 10 að morgni Þorláksmessu. Séð yfir Arnarnes í átt að Seltjarnarnesi.

[Ágúst H Bjarnason, 23.12.2007 kl. 14:21]

Ekki komst sólin hátt yfir sjóndeildarhringinn í dag þegar hún var hæst á lofti.

    
 

[Ágúst H Bjarnason, 23.12.2007 kl. 14:32]

En tuglið var á sama tíma yfir Esjunni.

    
 

[Ágúst H Bjarnason, 23.12.2007 kl. 19:01]

Um klukkan 17:45 mátti sjá Mars nærri tunglinu. Í nótt hverfur Mars í smá stund bak við tunglið.

    

[Ágúst H Bjarnason, 23.12.2007 kl. 19:04]

Enn ein mynd af tunglinu og Mars frá klukkan 17:45.

    
 

[Birgir Þór Bragason, 23.12.2007 kl. 20:31]

Gleðileg Jól og gott og farsælt komandi ár. Ég hef nægan tíma, það kemur alltaf ný mínúta sama hvað ég geri. :)

[Guðríður Pétursdóttir, 23.12.2007 kl. 22:58]

gleðileg jól

[Finnur Hrafn Jónsson, 24.12.2007 kl. 11:10]

Gleðileg jól og takk fyrir mjög fróðleg og skemmtileg blogg.