Heimurinn um nótt

 

 

Þessi ofurfallega mynd er af nýju vefsíðunni The World at Night (TWAN), en þar er að finna safn ljósmynda sem teknar eru að nóttu til.  Margar þeirra einstaklega fallegar. Myndin hér fyrir ofan er fengin að láni þar, en hún prýðir einnig vefsíðuna Astronomy Picture of the Day (APOD) í dag, jóladag. (Smellið tvisvar á myndina til að sjá hana í fullri stærð).

Myndin er auðvitað af jólastjörnunni Mars, en þar til hægri er stjörnumerkið Orion. Rauða stjarnan í miðjunni er Betelgeuse, en Orion stjörnuþokan er rauðleit hægra megin á myndinni, gimsteinninn í sverðinu neðan við belti Orions, veiðimannsins mikla. Ljósmyndari er  Wally Pacholka.

 

Gleðilega hátíð.

Fáeinar næturmyndir eftir bloggarann hér 

Athugasemdir

[Jón Agnar Ólason, 25.12.2007 kl. 16:52]

Stórglæsilegt næturskot, og þá eru þær ekki síðri sem síðuhaldari hefur sett inn. Norðurljósamyndirnar eru einkum fallegar. Vel gert.

Gleðilega hátíð!

[Ásdís Sigurðardóttir, 25.12.2007 kl. 21:25]

Yndisleg mynd, ein enn í safnið mitt  þú veist að það er þér að þakka að ég fann fallegu myndirnar á síðunni minni. Takk fyrir mig.

[Ágúst H Bjarnason, 25.12.2007 kl. 22:09]

Ég hef lengi verið hrifinn af svona næturmyndum Ásdís. Oft ótrúlega fallegar myndir sem sameina fallegt landslag og stjörnuhimininn.

[Ívar Pálsson, 25.12.2007 kl. 23:50]

Takk fyrir og gleðilega hátíð. Það er alltaf fróðlegt og skemmtilegt að lesa bloggin þín.

[Ragnar Ágústsson, 28.12.2007 kl. 08:13]

Þetta með fallegri myndum sem ég hef nokkurtímann séð!