Námskeið í stjörnufræði og stjörnuskoðun fyrir börn og fullorðna

 

(Formaður Stjörnuskoðunarfélagsins það mig um að koma eftirfarandi á framfæri).

Námskeið í stjörnufræði og stjörnuskoðun fyrir fullorðna

Stjörnuskoðunarfélag Seltjarnarness og Stjörnufræðivefurinn standa fyrir tveimur námskeiðum fyrir byrjendur. Þau eru opin öllum þeim sem áhuga hafa á stjörnufræði og stjörnuskoðun. Þeir sem eiga sjónauka ættu að geta lært sitthvað um meðferð þeirra. Námskeiðin standa yfir í tvö kvöld en boðið verður upp á stjörnuskoðun að þeim loknum (þegar veður leyfir). Námskeiðin fara fram í Valhúsaskóla, á Seltjarnarnesi, þar sem Stjörnuskoðunarfélagið hefur aðsetur.

Dagsetningar:

• 22.-23. janúar 2008 (og stjörnuskoðun 24. janúar ef veður leyfir annars síðar)
• 5.-6. febrúar 2008 (og stjörnuskoðun 7. febrúar ef veður leyfir annars síðar)

» Lesa nánar / skráning á fullorðinsnámskeið

 

Námskeið í stjörnufræði fyrir börn og unglinga

Stjörnuskoðunarfélag Seltjarnarness og Stjörnufræðivefurinn standa fyrir tveimur námskeiðum í stjörnufræði fyrir börn og unglinga á aldrinum 9-13 ára. Með hverju barni skal koma einn forráðamaður. Á námskeiðunum verður fjallað um ýmislegt sem tengist himingeimnum auk þess sem börnum og fullorðnum býðst að heimsækja stjörnuverið. Hvort námskeið stendur yfir í 2 klst., þátttakendur velja annan hvorn daginn, en boðið verður upp á stjörnuskoðun að þeim loknum (þegar veður leyfir). Námskeiðin fara fram í Valhúsaskóla, á Seltjarnarnesi, þar sem Stjörnuskoðunarfélagið hefur aðsetur.

 

Dagsetningar:

• Laugardagurinn 19. janúar 2008 kl. 14-16
• Sunnudagurinn 20. janúar 2008 kl. 14-16

»  Lesa nánar / skráning á krakkanámskeið

 

 

Sjá bloggsíðuna Stjörnufræðivefurinn bloggar 

Athugasemdir

[Ásdís Sigurðardóttir, 13.1.2008 kl. 18:24]

Ég sá frétt í Fréttablaðinu í gær um nýtt svarthol sem var að finnst,  18.000.000.000  massameira en sólin, er þetta til á netinu, þvílíkar stærðir ég er bara ekki orðin stærri en kaffibaun í norni þessarar stærðar.    

[Ágúst H Bjarnason, 13.1.2008 kl. 20:55]

Svarthol eru makalaus fyrirbæri sem erfitt er að ímynda sér. Þau allrastærstu eru í miðju vetrarbrautanna. Hér er fjallað um slík risasvarthol. Á Vísindavefnum er svar við spurningunni Hvað er svarthol?

[Rúna Guðfinnsdóttir, 13.1.2008 kl. 21:03]

Úffff...þetta er alltaf ógnvekjandi og maður finnur hvað maður er agnarsmár.

Spennandi stjörnusk. námskeiðið  

[Sigurður Þór Guðjónsson, 14.1.2008 kl. 01:11]

Já, það væri annað en gaman að vera stungið í svartholið.

[Púkinn, 15.1.2008 kl. 12:11]

Bara ef það væri nú unnt að panta heiðan himin stöku sinnum, svo það sæist til stjarnanna.