Þegar ''íslensku'' Fálkarnir fengu gullið á Ólympíuleikunum ...

Miðvikudagur, 27. ágúst 2008

Þegar ''íslensku'' Fálkarnir fengu gullið á Ólympíuleikunum 1920...

Það rifjast upp í dag þegar strákarnir okkar komu heim með silfrið, að árið 1920 fengu íslenskir strákar gullverðlaun á Ólympíuleikunum í íshokkí. Reyndar vestur-íslenskir og voru þeir frá Winnipeg.

Í Winnipeg-Falcons liðinu voru allir nema einn af íslensku bergi brotnir:

Sigurður Franklin "Frank" Fredrickson
Kristmundur N. "Chris" Friðfinnson
Magnús "Mike" Goodman
Halldór (Harold) "Slim" Haldorson
Konráð "Konnie" Johannesson
Jakob Walter "Wally" Byron
Róbert John "Bobby" Benson
Allan Charles "Huck" Woodman (Af enskum ættum)

Gullverðlaunahafarnir á Ólympíuleikjunum 1920

Á efri myndinni eru þeir um borð í skipi á leið til Antverpen

Sjá grein frá árinu 2002 í Morgunblaðinu: "Fálkarnir um alla framtíð"

Myndir af hetjunum: Descriptions of the 1920 Falcons players from "Spalding's Athletic Library"

Wikipedia: Winnipeg Falcons

	Með stöðugan kökk í hálsinum
Ábyrgðarmaður færslu Tilkynna um óviðeigandi tengingu við frétt

Meginflokkur: Íþróttir | Aukaflokkar: Lífstíll, Stjórnmál og samfélag, Vísindi og fræði | Breytt s.d. kl. 22:44 | Facebook

Athugasemdir

Takk æðislega fyrir þessa færslu. Konni var sko náfrændi minn, ég og mín fjölskylda höfum alltaf verið mjög stolt af honum. Kær kveðja

Ásdís Sigurðardóttir, 27.8.2008 kl. 22:26

Ok. kannski ekki svo rosalega skild, en langafi minn og Konny voru systkynasynir. Kveðja

Ásdís Sigurðardóttir, 27.8.2008 kl. 22:31

Ágúst það má ekki heldur gleyma að Konnráð tengist íslensku flugsögunni þar sem margir af fyrstu flugmönnunum okkar lærðu hjá honum.

Einar Þór Strand, 28.8.2008 kl. 07:37

Takk Ásdís og Einar.

Hér er mynd af Konráð frá 1918:

Fleiri myndir hér.

Ágúst H Bjarnason, 28.8.2008 kl. 09:27

En skemmtileg mynd. Annars takk fyrir þennan fróðleik. Gaman að lesa eitthvað sem maður skilur almennilega

Kveðjur inn í daginn.

Rúna Guðfinnsdóttir, 28.8.2008 kl. 11:25

Takk fyrir þetta!!

alva (IP-tala skráð) 28.8.2008 kl. 12:25

Frábær grein, hafði heyrt af þessum hetjum einhventíman, en að fá myndir og sögulega tengingu á þennan hátt er mjög flott.

Fjarki , 28.8.2008 kl. 12:41

Það er gott að halda frásögnum af Fálkunum lifandi.

Kanadamenn af Íslenskum ættum hafa reynt eftir fremsta megni að halda Fálkunum "lifandi". Ágætis upplýsingar má finna á http://www.winnipegfalcons.com/

Þó nokkrar bækur hafa verið skrifaðar um Fálkana, þar á meðal ein barnabók "Falcons Gold", sem ég keypti einmitt fyrir stuttu handa syni mínum.

Ég held að Frank Fredriksson sé sá eini af þeim í Hockey Hall of Fame, en liðið allt er í Manitoba Sports Hall of Fame.

Einhversstaðar var gerð veggmynd(mural) af liðinu en ég man ekki hvar hún er.

Á síðustu Olympíuleikum (að mig minnir) lék Kanadíska landsliðið einn leik í eftirgerð af búningi Fálkanna til heiðurs liðinu.

G. Tómas Gunnarsson, 28.8.2008 kl. 14:38

Hvernig var það var Frank Fredrickson ekki flugmaður nr 2 á Íslandi árið 1920?

Einar Þór Strand, 29.8.2008 kl. 17:46

Það væri gaman að vita svarið Einar.

Á vesíðunni http://www.winnipegfalcons.com/militarybiogs.htm eru skemmtilegar upplýsingar á Íslensku.

F Fredrickson

B Benson

W Byron

K Johannesson

Ágúst H Bjarnason, 29.8.2008 kl. 18:47

Takk fyrir fróðleikinn Ágúst

Gunnar Th. Gunnarsson, 31.8.2008 kl. 15:07

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Ágúst H Bjarnason

Verkfr. hjá Verkís.
agbjarn-hjá-gmail.com

Audiatur et altera pars

Aðeins málefnalegar athugasemdir, sem eiga ótvíætt við efni viðkomandi pistils, og skrifaðar án skætings og neikvæðni í garð annarra, og að jafnaði undir fullu nafni, verða birtar.