Nú er það svart: Loftslag heimsins hlýnar, segja Rússar og vitna til gagna frá heimsskautasvæðunum... Breytingar í Golfstraumnum?

Er ekki ástæða til að hafa áhyggjur af þessari frétt 12. des?

"World Climate Growing Warmer, Say Russians, Citing Arctic Data"

Two Professors Independently Find Change in Temperature - They See a Gulf Stream Relation, but Look for Deeper Causes"

 

 Loftslag heimsins hlýnar, segja Rússar og vitna til gagna frá heimsskautasvæðunum. Þeir tengja það breytingum í Golfstraumnum, og jafnvel breytingum í útgeislun sólar.

 

Svona hjóðar fyrirsögn áhugaverðar greinar 12. desember í New York Times.

 

Það er vissulega ástæða til að hafa miklar áhyggjur af þessu því eitthvað   u n d a r l e g t   er á seyði !

 

Hvað er svona undarlegt við þetta? Er þetta ekki dauðans alvara?

 

Greinin er ekki úr New York Times 12. desember 2008, heldur 70 árum áður, eða  12. desember 1938.

Svo segja menn að sagan endurtaki sig ekki .    

Það merkilega er að nákvæmlega þessi sama frétt hefði getað verið í blaðiu í gær!

 

Hvernig verða fréttirnar eftir 70 ár?

 

 

 

 

 Sem sagt, þetta var árið 1938. Ekki árið 2008.

 

 

 

Athugasemdir

[Emil Hannes Valgeirsson, 13.12.2008 kl. 17:22]

Kannski ekki undarlegt að menn hafi velt þessu fyrir sér á þessum árum enda hlýnaði mikið á á jörðinni á fjórða áratugnum, ekki síst þarna á norðurslóðum. En þarna í fréttinni er svo minnst á hugsanleg áhrif frá sólinni sem kemur mér dálítið á óvart því ég hélt að þær kenningar væru tiltölulega nýlegar.

[Loftur Altice Þorsteinsson, 13.12.2008 kl. 17:23]

Þú ert enn að stríða umhverfis-flónunum Ágúst. Það er gott verk, haltu áfram.

Kveðja.

[Ár & síð, 13.12.2008 kl. 21:18]

Einhvern veginn held ég að einu umhverfisflónin séu þeir sem telja sig hafa höndlað stóra sannleika en vilja ekki spyrja spurninga og velta fyrir sér nýjum gögnum.
Vonandi hefur nú eitthvað bæst við vísindagrunninn frá þessum tíma sem greinarnar tvær eru frá. Það er líka vert að hafa í huga að einmitt á þessum árum í kringum 1938 trúði heil stjórnmála- og hernaðarhreyfing því að aríakynstofninn væri öllum öðrum kynþáttum æðri. Líklega voru þeir sem drógu það í efa kallaðir kynþáttaflón af sumum.
Hér má t.d. finna ný gögn kanadískra vísindamanna um þróun mála á Norðurskautinu og vonandi heldur áfram að koma ný og aukin vitneskja um þetta óhemju flókna ferli sem kallast veðurfar.
Matthías

[Ágúst H Bjarnason, 13.12.2008 kl. 21:55]

Hér er fjallað um Michail Vodopyanov sem fjallað er um í greininni.

 

[Ágúst H Bjarnason, 13.12.2008 kl. 21:58]

Greinin sjálf er hér hjá

 

[Ágúst H Bjarnason, 13.12.2008 kl. 22:29]

Ferillinn sýnir hitabreytingar á norður-heimskautasvæðum frá árinu 1900 til dagsins í dag.  Takið eftir hvenær á öldinni sem leið var hlýjast. Var það ekki um 1940?

Myndin er frá vefsíðu Ole Humlum sem er prófessor við Olslóarháskóla, Climate4You. Sjá kaflann Polar Temperature hér.

 

[Sólveig Klara Káradóttir, 13.12.2008 kl. 23:07]

Sniðugt hjá þér! Hrikalegt hvað við mannfólkið erum alltaf lengi að ranka við okkur!

Aðventukveðja,