Vextir af húsnæðislánum í Bretlandi eru í dag um 2,2% - óverðtryggt !

Íslensk fjölskylda sem bloggarinn þekkir vel var að endurnýja húsnæðislánið vegna íbúðar í Bretlandi þar sem fjölskyldan á lítið húsnæði.

Vextir af láninu eru 1,7% yfir stýrivöxtum sem eru 0,5%, eða 2,2% samtals.

Lánið er óverðtryggt. Segjum til einföldunar að mánaðarlegar afborganir séu um 1000 pund, sem er ekki mjög fjarri lagi. Af þessum 1000 pundum fara því um 22 pund í vexti. Sjálfsagt er einhver innheimtukostnaður eins og gengur og gerist, en staðreyndin er sú að í hverjum mánuði lækkar höfuðstóllinn um rúmlega 900 pund.

Hverjir eru raunvextir um þessar mundir af húsnæðislánum hér á landi, þ.e. vextir + vísitöluálag?

Ef þú greiðir 100.000 krónur á mánuði í afborgun og ert með nýlegt lán, hve mikið fer af þeirri upphæð til að greiða niður höfðstólinn?
(Ætli það sé um 90.000 krónur eins og það er hlutfallslega í Englandi, eða getur verið að það sé ekki mikið meira en 9.000 krónur? Humm...).

 

Hvaða ályktun getum við dregið af þessu?

 

Bank of England: Current Bank Rate 0,5%. Sjá hér.

Umrætt lán er af gerðinni Offset Tracker hjá First Direct.

 

 

 

Athugasemdir

[Haraldur Baldursson, 5.4.2009 kl. 18:53]

Oft finnst mér gleymast í umræðunni um krónuna og stöðu hennar hverju hún þó hefur komið til skila. Við höfum á algerum mettíma rifið heilt land upp á hárinu og sett það snyrtilega í fresmtu röð í heiminum í lífsgæðum. Er það þá ályktun þeirra sem halda því fram að krónan sé ónýt að ef við hefðum verið með annan gjaldmiðil að við værum hérna í síðum sloppum eins og Kúvætar, með lífeyri frá ríkinu og öll vinna yrði unninn af gesta-verkafólki ? Ég sé trauðla að stígandinn hefði geta verið annar ef krónan á að vera svona ónýt. Er þetta ekki bara misskilningur ? Er krónan ekki bara að vinna sitt verk, mislofuð ?

[Jónas Bjarnason, 5.4.2009 kl. 22:40]

Samkvæmt nýjustu verðbólgumælingu (miðað við þá mælingu sem notuð er á Íslandi) fer verðlag lækkandi, svo raunvextir hér eru nú í kringum 20%.  Það dapurlega er, að þessir háu vextir nú gera ekkert gagn en þónokkurt ógagn. Meira að segja hefur verið bent á, að þeir valdi meira gjaldeyrisútflæði en ella, því krónubréfaeigendur megi taka út vextina.

[lundi (IP-tala skráð) 6.4.2009 kl. 07:53]

Að við búum í bananalýðveldi með óhæfum aulum við stjórn? Að fólk hér sé heimskt að láta vaða svona yfir sig? Það er hægt að draga ýmiskonar ályktanir af þessu.

[Benedikt Sigurðarson, 6.4.2009 kl. 13:47]

Stefán þetta er rangt hjá þér:  stýrivextir í Bretlandi og mikklu víðar eru undir verðbólgstiginu . . . .og það er eðlilegt ástand að ´vextir séu neikvæðir við tiltekin skilyrði í hagkerfinu . . . þannig er það búið að vera í Sviss síðustu 40 árin t.d.

Það sem verðtryggingin eins og hún er skilgreind í okkar litla hagkerfi gerir til bölvunar er  einkum tvennt.  1) hún flytur alla áhættu af verðbólgu og útlánum frá lánveitanda yfir til lántakanda  - og með því er hún í eðli sínu verðbólguhvetjandi . . .2) hún veldur því að almennar efnahagsaðgerðir og stýrivaxtaákvarðanir virka ekki - vegna þess að grunnur verðtryggingarinnar flytur fjármunina svo grimmt á milli aðila og felur afleiðingar þenslunnar.

Auk þess er neyslugrunnur vísitölunnar svo langt á eftir raunneyslu - að hann er enn að mæla þenslu og verðbólgu á meðan hér er mjög mikill samdráttur kominn fram í neyslu heimilanna . . eins og sést á öllum öðrum mælikvörðum

[Jakob Þór Haraldsson (IP-tala skráð) 6.4.2009 kl. 14:23]

Hjartanlega sammála þér Benedikt, eins og ávalt.., skil ekki af hverju þú náðir ekki 1 eða 2 sæti þarna fyrir norðan, alveg óskiljanlegt.  Það fer auðvitað illa fyrir þjóðinni þegar stjórnmálaflokkum tekst illa til með að virkja sitt hæfasta fólk....!

kv. Heilbrigð skynsemi

[Halldór Jónsson, 6.4.2009 kl. 21:52]

4.9 % og verðtrygging á Íbúðalánasjóð er 2.2 %  hærri vextir en Bretar greiða á pundið.  Sem sagt tvöfalt meiri vextir en Bretar greiða. Verðtryggingin er til langframa svipuð og gengið.

Krónan er besti gjaldmiðill í heimi. EEEeeeeFF fff þú átt hana en skuldar hana ekki. Hvar í veröldinni getur þú fengið raunávöxtun á sparifé ? Svarið er ; AÐEINS Á ÍSLANDI.  Þið krónuböðlar  ættuð aðeins að staldra við með fullyrðingarnar. Það sem hefur eyðilagt krónuna er verkalýðsbarátta allskyns sérþarfahópa eins og kennara og ljósmæðra sem taka börn í gíslingu til að kúga samfélagið til hlýðni. Ræflarnir láta alltaf undan svona terroristum eftir svona 2 vikur.

Einu sinni var verkfall í Svíþjóð sem stóð í tvö ár. Það varð ekki verkfall í Svíþjóð næstu 50 árin á eftir. Íslenzk verkföll eru bara skemmtiskokk og sprell.

[Sverrir (IP-tala skráð) 7.4.2009 kl. 09:56]

Á 20 ára láni er ég að borga ca. 30% af útborguninni inn á höfuðstólinn en útborgunin er líka búinn að hækka um 20.000 á 18 mánuðum og þessi rúmlega 20% sem ég átti í íbúðinni eru eiginlega horfin :/