Eru Jöklabréfin í eigu íslenskra aðila? Er Tortólaauðurinn geymdur á Íslandi?

Getur verið að stór hluti þess fjármagns sem streymt hefur úr bönkunum á undanförnum misserum, og margir telja að geymt sé á Tortóla, sé í raun varðveitt sem Jöklabréf á Íslandi?

 

Getur verið að íslenskir aðilar eigi einhvern hluta svokallaðra Jöklabréfa? 

 

 

Er vitað hverjir eiga þessi Jöklabréf?

 

Vextir á Íslandi eru auðvitað miklu hærri en á Tortóla og það vissu íslenskir auðrónar manna best. Er nokkuð ólíklegt að þeir hafi notfært sér það? Flæddu ekki jöklabréfin inn í landið á sama tíma og fjármagnið streymdi í stórum stíl úr íslensku bönkunum til ákveðinna aðila?

Spyr sá sem ekki veit...   Sjálfsagt eru þessar vangaveltur út í hött...

 

 

Vísindavefurinn: Hvað eru Jöklabréf?

Athugasemdir

[Júlíus Valsson, 9.4.2009 kl. 09:33]

Hver gaf bönkunum leyfi til að gefa út Jöklabréf?

[Einar Þór Strand, 9.4.2009 kl. 10:26]

Jöklabréfin voru ekki gefin út af íslenskum bönkum heldur einkum þýskum og austurrískum og eitthvað í Japan.

[Júlíus Valsson, 9.4.2009 kl. 11:40]

"Því semja útgefendur jöklabréfa alla jafna við íslenskan banka um vaxta- og gjaldmiðilskipti. Með því er átt við að íslenski bankinn tekur að sér að greiða vexti og afborganir í krónum. Íslenski bankinn tekur á sama tíma lán í erlendri mynt sem útgefandi jöklabréfsins tekur að sér að greiða af í staðinn"

Spurningin var ónækvæmlega orðuð hjá mér. Betri svona:

Hver gaf íslensku bönkunum leyfi til þessara viðskipta? Þurftu þeir e.t.v. ekkert leyfi til þess?

[Haraldur Baldursson, 9.4.2009 kl. 12:39]

Skoða

[Sigurður Þór Guðjónsson, 9.4.2009 kl. 15:05]

Auðróni -frábært orð! Standa skör lægra en aðrir rónar sem yfirleitt eru gæðaskinn.

[Gísli Ingvarsson, 9.4.2009 kl. 18:12]

Alveg rétmæt athugasemd. Hverjir eiga Jöklabréfin? Tortola á geymir enga peninga. Þeir gætu allt eins verið hér.

[Hinrik Þór Svavarsson, 9.4.2009 kl. 18:59]

þessari spurningu þarf að koma til FME hið fyrsta..

[Jóhann F Kristjánsson (IP-tala skráð) 15.4.2009 kl. 23:23]

Það eru margir að spyrja þessarar spurningar núna. Enginn hefur getað svarað. Á Eyjunni fyrir nokkrum dögum var umræða um jöklabréfin og þar kom m.a. fram að möguleiki væri á að Íslendingar hefðu notað hollenska og þýska banka sem leppa til að kaupa þessi skuldabréf. Engir vissu meira um háa vexti og tryggingar á Íslandi en einmitt gömlu bankarnir og auðrónar. Einhverjar vangaveltur voru einnig um að ástæðan fyrir því að bréfin hefðu ekki verið "losuð út" væri sú að rannsókn á eignarhaldi væri ekki lokið, málið væri í skoðun. Þetta eru auðvitað bara vangaveltur en sérlega áhugavert og kitlandi efni í samsæriskenningar.

[EE elle (IP-tala skráð) 13.5.2009 kl. 22:50]

"Auðrónar" passar vel.  Megum við hin kannski nota það?

[Ágúst H Bjarnason, 14.5.2009 kl. 05:35]

Orðið auðróni er ekki frá mér komið. Mig minnir að ég hafi séð það einhvers staðar einhvern tíman, eða þannig...

Þð er alveg ljóst að þeir sem hafa orðið af aurum apar eru fíklar, á sama hátt og blessaðir rónarnir.