Undarlegt ljósbrot í skýjunum í gær - mynd...

 

 

 

Myndin er tekin í gærkvöld nærri Geysi. Bjarminn frá gróðurhúsunum á Flúðum og Reykholti lýsir upp skýin, en bjarta stjarnan er Júpiter. Stjarnan sem er efst til hægri er líklega Altair.

Takið eftir undarlegu ljósbrotunum sem eru eins og lóðrétt strik í skýjunum. Það mátti rétt greina fyrirbærið vinstra megin með berum augum. Fyrst hélt ég að þetta væru norðurljós, en þau voru töluvert björt í norðurátt.  Mér dettur helst í hug að þetta séu ljósbrot í ískristöllum. Hvað heldur þú?

Ljósop myndavélarinnar var opið í 30 sekúndur til að ná bjarmanum. Næmið var 1600 ISO þannig að myndin er nokkuð konótt.

Önnur mynd var tekin síðar um kvöldið. Þá sáust þessi strik ekki lengur, en þau komu fram á öllum myndunum sem teknar voru um svipað leyti. 

 

Myndirnar má stækka með því að smella á þær þrisvar.

(Canon EOS 400D, linsa 17-85 IS, 1600 ISO, ljósop 5,6, 30 sek. RAW)

 

 Hvernig er það annars, eru þetta ekki ótvíræð gróðurhúsaáhrif, það er að segja, þessi einu sönnu?

 

Um svipað leyti mátti sjá norðurljós. Fyrir ofan þau er stjörnumerkið Karlsvanninn, en bjarminn er frá Hótel Geysi.

Athugasemdir

[Rafn Haraldur Sigurðsson (IP-tala skráð) 25.10.2009 kl. 11:24]

Flottar myndir hjá þér. Tek þig trúanlegan með ljósbrotin. Ekki nema það hafi verið búið að stela gróðurhúsalömpunum?

kveðja Rafn.

[Jack Daniel's, 25.10.2009 kl. 11:30]

Flottar myndir hjá þér er sérlega hrifinn af þeirri neðri enda karslvagninn í sérlegu uppáhaldi hjá mér um þessar mundir þar sem hann blasir við mér þegar ég stend úti á kvöldin og fæ mér ferskt loft.

[Lissy (IP-tala skráð) 25.10.2009 kl. 11:45]

Is it OK if I download the second photo? I think it would make a great desktop background. Amazing.

[Ágúst H Bjarnason, 25.10.2009 kl. 11:47]

Of course Lissy. You are welcome to download it.

[Stjörnufræðivefurinn (www.stjornufraedi.is), 25.10.2009 kl. 22:59]

Glæsilegar myndir hjá þér.

Ég veit til þess að Stephen James O'Meara er alltaf að leita eftir spennandi athugunum á fyrirbærum í lofthjúpnum. Þú gætir prófað að senda myndina til hans.

[Ragnar Ágústsson, 26.10.2009 kl. 08:52]

Mjög flottar myndir! Það mætti halda að þú hafir verið að leika þér með græna lazerinn á seinni myndinni

[Hrönn Sigurðardóttir, 26.10.2009 kl. 09:26]

Svakalega flottar myndir hjá þér. Mér dettur helst í hug að gróðurhúsalamparnir hafi náð að mynda þessi ljósbrot í skýjunum á efri myndinni?

[Sveinn Atli Gunnarsson, 26.10.2009 kl. 19:09]

Flottar myndir hjá þér Ágúst. Einnig finnst mér brandarinn sem þú læddir þarna inn á milli um gróðurhúsaáhrifin nokkuð góður

[Halldór Jónsson, 26.10.2009 kl. 22:45]

Af hverju er svona stuttur frestur á athugasemdum hjá þér frændi. Ég ætlaði að þakka þér Schengengreinina frá því á laugardag en hún er búin að loka ? Nú streyma fleiri útlendingar hér inn heldur en Íslendingar að flýja ? Hvað eru þeir að vilja hér í atvinnuleysið? ....*?!

Rétt til getið !

Gaman að þessum myndum. Ekki hef ég skýringar á þessum einkennilegu strikum.

[Halldór Jónsson, 26.10.2009 kl. 22:47]

Er ekki sólin að hressast ? Fallegir blettir.

[Ágúst H Bjarnason, 26.10.2009 kl. 22:51]

Búinn að lengja frestinn

[Ásdís Sigurðardóttir, 28.10.2009 kl. 00:07]

[Hulda Haraldsdóttir, 2.11.2009 kl. 22:04]

Alveg hreint ótrúlega flottar myndir og kærar þakkir fyrir að deila þeim með okkur, en mig langar að spyrja þig um það sama og Lissy hér að ofan, þ.e. hvort ég megi nota myndina þína á desktopið hjá mér ??

[Ágúst H Bjarnason, 2.11.2009 kl. 22:15]

Auðvitað máttu nota myndirnar Hulda.

[Sigríður Benedikz (IP-tala skráð) 6.11.2009 kl. 00:12]

Mikill myndasnillingur ertu. Þetta eru ótrúlega fallegar myndir og áhugaverðar, svona sér maður bara í sveitinni. Langar að eiga þær.

[Ágúst H Bjarnason, 6.11.2009 kl. 06:09]

Auðvitað máttu ná þér í mynd frænka!