Halastjarna fremur sjálfsmorð í beinni...

 

 

 

Ný hreyfimynd.

 

Einmitt núna stefnir þessi halastjarna beint á sólina og mun tæplega lifa það af. Hún birtist skyndilega í gær í sjónsviði SOHO gervihnattarins. Hreyfimyndin sýnir ferðalag hennar í gær og fram yfir miðnætti. Hvíti hringurinn í miðju sýnir stærð sólarinna, en dökka skífan hlífir myndavélinni fyrir gríðarlegri birtu hennar.

Takið eftir dagsetningu og tíma á myndinni.

Nýjustu myndir frá SOHO eru hér: http://sohowww.nascom.nasa.gov/data/realtime-images.html

Sjá eldri SOHO halastjörnumyndir hér og bestu SOHO myndirnar hér. Rauntíma hreyfimyndir hér.

 

Á næstu mynd gætu fleiri svona halastjörnur í sjálfsmorðshugleiðingum skyndilega birst...  Sjáið þið halastjörnuna sem birtist í gær 9. apríl?   Þessi mynd er "lifandi" þannig að hún sýnir alltaf síðustu daga.  Leyfið henni að hlaðast inn í nokkrar mínútur, þá fer að færast fjör í leikinn. Takið líka eftir sólvindinum og sólskvettunum.

 

 

 

 

Og svo er það sólin undanfarinn mánuð...

 

 

 Wikipedia: Kreutz Sungrazers

 

 

Athugasemdir

[Ásdís Sigurðardóttir, 10.4.2010 kl. 14:09]

Takk fyrir, flott að vanda og almennileg fræðsla hér í gangi.

[Halldór Jónsson, 11.4.2010 kl. 14:00]

Takk fyrir þessar myndir frændi. Er eitthvað vitað um það hversu mikið sólin sogar til sín af efni úr geimnum vegna massa síns ? Hlýtur það ekki að vera talsvert sem hún hreinsar í kringum sig ?

[Ágúst H Bjarnason, 11.4.2010 kl. 14:16]

Takk fyrir takkið Ásdís

Halldór.  Ég hef ekki hugmynd um svarið, en mest af efninu í sólkerfinu er á braut umhverfis sólu. Ef brautin er mjög ílöng eða sporöskjulaga, eða jafnvel hyperbólsk, og ef brautin liggur nærri sólu, þá er auðvitað hætt við að það brenni upp. En, ég held að sólin nái varla að "soga" til sín efni með þyngdaraflinu, þar sem það fellur yfirleitt framhjá sólinni, eða þannig...