Brrr - Enn kólnar í heimi hér...

 

 

 

Hitaferillinn hér að ofan er splunkunýr, nánast glóðvolgur beint úr gervihnettinum sem hringsólar umhverfis jörðina og mælir í sífellu hita lofthjúps jarðar.

Eins og sjá má, þá er hitinn með lægra móti um þessar mundir. Rauði depillinn er aðeins 0,033 gráður Celcíus fyrir ofan meðallag, eða 33 millígráður. Eiginlega bara agnarögn.

Granni ferillinn sem hlykkjast ótt og títt sýnir mánaðagildi, dökki rólegi ferillinn sýnir 3ja ára meðaltal, og græna beina línan sýnir meðalgildi tímabilsins 1979-1998, en lóðréttu ásarnir sýna einmitt frávik frá því meðaltali. Rauði depillinn lengst til hægri er svo meðaltal nóvembermánaðar sem nýliðinn er.

Er þetta eitthvað sem ástæða er til að hafa áhyggjur af? Varla. Náttúran er bara söm við sig. Stundum reikar lofthitinn upp á við og stundum sígur hann aftur. Það er bara þannig og þannig hefur það alltaf verið og þannig mun það alltaf verða.

 

Gleymið ekki tunglmyrkvanum á morgun, laugardag.  Góð grein um hann á bloggi Stjörnufræðivefsins hér.

Hitaferilinn má sjá í betri upplausn hér, en mæligögnin eru hér og upplýsingar um mæliaðferðina eru hér.

 

Góða helgi ...

 

Skrár tengdar þessari bloggfærslu:

• Tíbet síðastliðin 2485 ár
• solheim-nov-2011.pdf

Athugasemdir

[Sveinn Atli Gunnarsson, 9.12.2011 kl. 21:26]

Best að endurnýta bara athugasemdina við færslu þína síðan í júní um svipað efni, og hafði þá verið endurnýtt frá annarri svipaðri færslu þar á undan - þetta er farið að verða nokkuð fyrirsjáanlegt:

---

Eins og flestum ætti að vera ljóst þá gerist þetta "flökt" reglulega, eins og þú kemur inn á Ágúst, og er þetta, eins og þú réttilega kemur inn á, vegna náttúrulegs breytileika, m.a. vegna El Nino og La Nina. Hitt er svo annað mál að hækkun hitastigs sést vel á þessum ferlum, þrátt fyrir hið náttúrulega flökt, bara til að benda á þá staðreynd. Bendi einnig á að svipað gerðist samkvæmt þessu gagnasafni (UAH) árið 2008, ekkert fréttnæmt í sjálfu sér við þetta eins og þú kemur réttilega inn á Ágúst. Mæligögn hitastig við jörðu sveiflast ekki eins mikið og þessi gervihnattagögn sem þú ert að skoða hérna Ágúst, en hvað um það, fróðlegt er þetta engu að síður, ekki síður að skoða hvernig hitastig hefur hækkað á ekki styttra tíma en þeim síðan að gervihnattamælingar hófust árið 1979...og leitnin virðist að mestu leiti halda sínu striki upp á við, þrátt fyrir náttúrulega flökt.

---

Góða helgi :)

[Gunnar Th. Gunnarsson, 10.12.2011 kl. 12:38]

Er það bara ég sem sé kómikina við athugasemdir Svatla?  Það er eins og honum verði órótt þegar kólnar

[Ágúst H Bjarnason, 10.12.2011 kl. 12:47]

Það getur ekki verið Gunnar að Sveini sé órótt þegar kólnar.    Auðvitað er það þvert á móti.   Hann hefur jú áhyggjur af hlýnun.

Það er frekar að mér sé órótt þegar kólnar, enda líkar mér betur við hita en kulda

En svona er lífið. Það er erfitt að gera öllum til geðs...

[Emil Hannes Valgeirsson, 10.12.2011 kl. 13:07]

Ég hjó aðallega eftir því í textanum hjá þér Ágúst að þú segir að hitinn sé með lægra móti um þessar mundir á sama tíma og hann er rétt yfir meðallagi. Þetta sýnir kannski best hversu hlýtt hefur verið á jörðinni undanfarin ár.

En hvar eru annars tölurnar hans Roy Spencer? Það bólar ekkert á nóvemberuppgjöri UAH.

[Ágúst H Bjarnason, 10.12.2011 kl. 13:15]

Mæligögn hans Roys lentu í hremmingum þegar sæstrengur slitnaði í lok nóvember.    Hann skýrir frá þessu á vefsíðu sinni:

"An undersea telecommunications cable used to transmit about half of the huge volume of data coming from the Aqua satellite was cut in late November off the coast of the Netherlands, delaying receipt of that data. While there were redundant data transmission capabilities, apparently both failed...."

Svo var hann líka að verða afi í fyrsta sinn, eins og hann lætur fljóta með tilkynningunni  

Sjá:

November Global Temperature Update Delayed

[Gunnar Th. Gunnarsson, 10.12.2011 kl. 14:04]

Þetta er rétt Ágúst, mótsögnin er kómísk

[Hermundur Sigurðsson (IP-tala skráð) 10.12.2011 kl. 15:43]

Hlýnun jarðar er hlykkjótt en ekki bein lína. Náttúrulegar sveiflur eins og El Nino og sólvirkni valda því að hlýnunin er ekki bein lína. La Nina er nú í hámarki og sólin í náttúrulegri lægð. Um leið og El Nino tekur við sér þá hefst næsta skref í hlýnun jarðar. Loftslagsspár spá því að líkt og á plíósen(þegar að jörðin var í svipaðri stöðu gagnvart sólu og nú, og CO2 var um 450ppm) verði í framtíðinni viðvarandi El Nino og er þá hlýnunin komin á fullt skrið.

[Höskuldur Búi Jónsson, 10.12.2011 kl. 15:48]

Annars er áhugavert til þess að vita að árið í ár stefnir að verða heitasta La Nina ár síðan mælingar hófust, þrátt fyrir að La Nina í ár sé talið með þeim sterkari síðastliðin 60 ár - sjá 2011 – hið heita La Nina ár

[Ágúst H Bjarnason, 10.12.2011 kl. 17:16]

Ég held að UAH og RSS notist við mismunandi meðaltöl þegar þeir birta ferla sína.

UAH: 1981-2010 og RSS: 1979-1998.  Þess vegna ber þeim ekki alveg saman.

Þetta er held ég alla vega nokkurn vegin, þó ég sé ekki nákvæmlega viss um ártölin.

Ég gerði tilraun til að reikna meðaltöl áranna 1981-2010 úr RSS gögnunum  og setja inn á myndina sem bláa strikaða línu.
(Línan hefði átt að vera agnarögn hærra eða nánast við +0,1 en ekki ca +0,95 eins og á myndinni. Vona að þetta sé þó nærri lagi).

 

[Ágúst H Bjarnason, 10.12.2011 kl. 17:27]

 Hér fyrir ofan átti að standa:

(Línan hefði átt að vera agnarögn hærra eða nánast við +0,1 en ekki ca +0,095 eins og á myndinni. Vona að þetta sé þó nærri lagi).

[Sigurður Þór Guðjónsson, 10.12.2011 kl. 18:01]

Með þessu áframahaldi fer senn að frjósa í helvíti!

[Ágúst H Bjarnason, 10.12.2011 kl. 18:30]

Hver veit nema það fari að frjósa í helvíti Sigurður.

Þú hefur kannski gaman af að glugga í grein sem var að koma út í blaði kínversku vísindaakademíunnar.

Þar stendur í samantektinni: http://csb.scichina.com:8080/kxtbe/EN/abstract/abstract504775.shtml

Abstract：

Amplitudes, rates, periodicities, causes and future trends of temperature variations based on tree rings for the past 2485 years on the central-eastern Tibetan Plateau were analyzed. The results showed that extreme climatic events on the Plateau, such as the Medieval Warm Period, Little Ice Age and 20th Century Warming appeared synchronously with those in other places worldwide. The largest amplitude and rate of temperature change occurred during the Eastern Jin Event (343-425 AD), and not in the late 20th century. There were significant cycles of 1324 a, 800 a, 199 a, 110 a and 2-3 a in the 2485-year temperature series. The 1324 a, 800 a, 199 a and 110 a cycles are associated with solar activity, which greatly affects the Earth surface temperature. The long-term trends (>1000 a) of temperature were controlled by the millennium-scale cycle, and amplitudes were dominated by multi-century cycles. Moreover, cold intervals corresponded to sunspot minimums. The prediction indicated that the temperature will decrease in the future until to 2068 AD and then increase again.

Greinina alla má sækja með því að smella hér.

Kínverjarnir láta sér ekki nægja að skoða hitafarið í Tíbet síðastliðin 2485 ár, heldur skoða þeir í kaffibolla og spá fyrir um næstu áratugi/aldir.

Ég veit ekki hvort Íslandsvinurinn sem var að spá í Grímsstaði á Fjöllum hafi kynnt sér efni greinarinnar...