Nýárs-halastjarnan Tuttle

 

 Þessi fallega mynd af halastjörnunni 8P/Tuttle er fengin að láni hjá www.spaceweather.com

 

Annað slagið birtast halastjörnur á himninum. Stundum koma þær óvænt, en stundum koma þær aftur og aftur, jafnvel með áratuga millibili. Alltaf ríkir þó óvissa um hve mikilfenglegar þær verða.

Nú er halastjarnan 8P/Tuttle á stjörnuhimninum. Hún er þó á mörkum þess að sjást með berum augum, en sést með handsjónauka, þ.e. ef vel viðrar. Það er þó ekkert síðra að skoða myndir sem teknar hafa verið af henni  undanfarna daga, en þær eru margar hverjar einstaklega fallegar. Á vefsíðunni  www.spaceweather.com eru einmitt fjölmargar slíkar myndir. Þar er einnig að finna upplýsingar um hvar halastjarnan er í dag.

Stjörnuþokan á myndinni er  M33 Triangulum.

 

Krækjur:

Myndasafn með myndum af Tuttle halastjörnunni á spaceweather.com

Vísindavefurinn: Hvernig verða halastjörnur til?

McNaught halastjarnan. Blogg með myndum frá janúar 2007.

Athugasemdir

[Gunnar Th. Gunnarsson, 4.1.2008 kl. 03:19]

Ég rakst á athyglisverða grein: Scientists: Time Itself May Be Slowing Down Það væri gaman ef þú sæir þér fært að gera hana betur skiljanlega fyrir svona tuskuhaus eins og mig . Mögnuð mynd sem fylgir greininni sem ég setti reyndar inn á bloggið mitt.

[Ásgeir Kristinn Lárusson, 4.1.2008 kl. 10:41]

Orðlaus! Takk fyrir.

[Marinó Már Marinósson, 4.1.2008 kl. 13:54]

Sæll og Gleðilegt ár.

Mjög gaman að lesa þetta hjá þér.  Þú ert mjög fróður um þetta allt.   Ætla að leyfa mér að senda linkinn þinn á bróður minn sem er forfallinn stjörnuáhugamaður og er duglegur að miðla efni tengt þessu til nemenda sinna.

[Ágúst H Bjarnason, 4.1.2008 kl. 16:11]

Sæll Gunnar.  Þetta eru pælingar sem eru fyrir ofan minn skilning, að minnsta kosti enn sem komið er.  Það er þó alltaf gaman af svona löguðu og hver veit nema maður eigi eftir skilja eitthvað í þessu seinna.

Þangð til, þá er hér fjallað um hvernig lengja megi tímann http://agbjarn.blog.is/blog/agbjarn/entry/393052  svona í gríni.

[Sævar Helgi Bragason (IP-tala skráð) 4.1.2008 kl. 20:27]

Ég hef ekki getað séð þessa halastjörnu hingað til vegna veðurs. Við hjá Stjörnuskoðunarfélaginu munum reyna að sýna fólki þessa halastjörnu á stjörnuskoðunarnámskeiðunum okkar nú í janúar og febrúar. Sjá á http://www.astro.is

Gaman að þessu bloggi þínu Ágúst, ég vonast svo til að sjá þig á fundum í vetur!

[Ágúst H Bjarnason, 4.1.2008 kl. 23:55]

Sæll Sævar Helgi. Gaman að fá kveðju frá formanni Stjörnuskoðunarfélagsins www.astro.is  

[Ásdís Sigurðardóttir, 5.1.2008 kl. 13:15]

yndisleg mynd, stal henni :):)  hafðu það gott í stjörnugeimi, ég hef rosalega gaman af færslunum þinum.  Sjáumst