Íslenska Eldflaugafélagið mun skjóta á loft 2ja þrepa eldflaug í sumar

Félagið AIR eða  Amateur Icelandic  Rocketry   stefnir að því að skjóta á loft tveggja þrepa eldflaug síðar á árinu.  Flaugin mun fara  í allt að 5000 metra hæð og ná  allt að  1500 km/klst hraða, sem er vel yfir hljóðhraða.

Fyrir rúmu ári, eða 18. nóvember 2006 var fyrstu eldflaug félagsins skotið á loft á Vigdísarvöllum. Flaugin var 203 cm á hæð og vóg 5,1 kg. Hún fór í 1080 metra hæð og náði 590 km/klst hraða.  

Í samstarfi við félagið hefur Háskólinn í Reykjavík sett á laggirnar nám í eldflaugafræðum.  Þetta er sex eininga kúrs á vorönn sem endar væntanlega á að skotið verður á loft eldflaug sem nemendur og kennarar eru að hanna.

 

Fréttablað félagsins var að koma út. Þetta áhugaverða blað er prýtt fjölda ljósmynda  og er hægt að nálgast það ókeypis hér. Þar er mikinn fróðleik að finna um þetta áhugaverða félag, eldflaugarnar, eldsneyti þeirra, námið í eldflaugafræðum, fyrirhugað eldflaugaskot, o.fl.

 

Félagið er með tvær vefsíður, íslenska www.eldflaug.com og enska www.AIRrocketry.com. 

 

Að félaginu standa Magnús Már Guðnason og Smári Freyr Smárason. 

 
Árin 1964 og 1965 voru hér á landi franskir vísindamenn sem skutu nokkrum eldflaugum  út í geim, eða í yfir 400 km hæð. Myndir af þeim atburði eru hér.

Athugasemdir

[Rúna Guðfinnsdóttir, 8.2.2008 kl. 13:01]

Það hlýtur að vera gaman að vinna við þetta og afar spennandi.

[Þórir Kjartansson, 8.2.2008 kl. 16:06]

Gangi ykkur vel með þetta frábæra verkefni.

[Ágúst H Bjarnason, 8.2.2008 kl. 16:37]

Ég er reyndar ekki sjálfur í þessu félagi, en hef fylgst vel með frábæru framtaki þeirra.

[Ásdís Sigurðardóttir, 8.2.2008 kl. 22:34]

Þetta verður örugglega spennandi. Helgarkveðja til þín Ágúst.

[Magnús Már Guðnason (IP-tala skráð) 8.2.2008 kl. 23:08]

Sæll Ágúst,

Takk fyrir að pósta þessu á bloggið þitt, alltaf gaman að leyfa öðrum að vera memm :) 

Ég læt þig vita þegar eitthvað spennandi er í gangi.

kv,

Magnús Már Guðnason 

[Marinó Már Marinósson, 8.2.2008 kl. 23:29]

Þurfa þeir ekki flugtaksheimild fyrir svona mikla hæð?       Mjög fróðlegt hjá þér Ágúst og gaman að lesa.

[Ágúst H Bjarnason, 8.2.2008 kl. 23:30]

Marinó, ég er viss um að Flugmálastjórn er höfð með í ráðum

[Ágúst H Bjarnason, 8.2.2008 kl. 23:41]

Sæll Magnús. Gaman að sjá höfuðpaurinn mættan á staðinn

[Þorsteinn Valur Baldvinsson, 9.2.2008 kl. 00:30]

Stefnir í gervihnött

[Haukur Nikulásson, 9.2.2008 kl. 11:12]

Stórskemmtileg vefsíðan þín Gústi. Greinin um geimskotið aldeilis frábær. Skil ekki að ég hafi ekki séð hana fyrr. Takk fyrir þetta.