Nauðsynlegt tæki fyrir bankastofnanir og bloggara...

Bloggarinn frétti á skotspónum að fjármálastofnun ein sé að fjárfesta í svona tækjum fyrir starfsmenn sína til að halda þeim í góðri líkamlegri þjálfun. Þetta kvað vera hugsað til að mæta hinu gríðarlega álagi á starfsmennina sem þróunin á fjármálamörkuðum hefur valdið undanfarið. Kemur í veg fyrir að þeir sofni í vinnunni eftir andvökunætur þar sem þá dreymir skuldatryggingaálag, stýrivexti og verðbólgudrauginn. Viðskiptavinir munu taka eftir að starfsmennirnir verða mun líflegri og starfssemin mun iða öll eftir að þessi nýja tækni verður tekin í notkun. 

Af samkeppnisástæðum má að sjálfsögðu ekki upplýsa meira um málið, en þetta ætti allavega að hrissssta aðeins upp í fólki. 

Er þinn vinnustaður að hugleiða fjárfestingu í svona búnaði?  

Svo væri auðvitað gráupplagt fyrir bloggara að ná sér í svona heilsuræktartæki

Nánari upplýsingar um undratækið eru hér.  Kostar $290.   Ég yrði nú örugglega fljótt sjóveikur

 

 

Fyrst hélt ég þetta hlyti að vera grín, en svo virðist ekki vera

 

 

 

Það er allavega ekkert grín að sitja í svona stól

Athugasemdir

[Rúna Guðfinnsdóttir, 21.2.2008 kl. 10:01]

Ætlar verkfræðingurinn að fá sér einn??

Ég verð nú að segja að þetta hlýtur að vera óþægilegt...þ.e. að vinna í þessu...eða hvað

[Ágúst H Bjarnason, 21.2.2008 kl. 10:49]

Minn snúningstóll í vinnunni er alltaf á iði, jafnvel þó enginn mótor sé í honum

[Guðríður Pétursdóttir, 21.2.2008 kl. 12:16]

maður á að geta slakað á þegar maður situr, það er pointið í því að sitja... að slaka á.. maður slakar lítið á í þessum stól

[Ágúst H Bjarnason, 21.2.2008 kl. 12:20]

Guðríður, ég hef nú aldrei skilið Ameríkana, en þetta virðist vera fúlasta alvara hjá  http://www.hawaiichair.com 

[Rúna Guðfinnsdóttir, 21.2.2008 kl. 16:05]

Gústi...þeir eru líka eitthvað svo voðalega ammrískir....

[Ásgeir Kristinn Lárusson, 21.2.2008 kl. 17:37]

Þetta er jafn fyndið og það er sorglegt - maður er ekki alveg að átta sig á þeirri hnignun, er á sér stað í bandarísku samfélagi. Er það matarræðið og allur flúorinn í drykkjarvatninu eða e-ð annað? ;)

[Marta B Helgadóttir, 21.2.2008 kl. 18:00]

....af hverju bankastofnanir? ...eru e-ð feitari rassarnir þar en annarsstaðar?

[Ágúst H Bjarnason, 21.2.2008 kl. 18:24]

He He Marta. Nú veit ég ekki, en ég fékk þetta sent frá starfsmanni slíkrar stofnunar...  Líklega eitthvað innanhússgrín.

Þar sem ég þekki til eru bankamenn öðru fólki glæsilegra

[Fjarki , 21.2.2008 kl. 20:35]

Stórkostlegt.

Af hverju datt mér bláa fótanuddtækið í hug?

[Ágúst H Bjarnason, 21.2.2008 kl. 20:37]

Fjarki.    Mér datt það líka í hug!     Merkilegt

[Marta B Helgadóttir, 22.2.2008 kl. 12:22]

Það er bara einn karl og ca 15 konur sem auglýsa þarna. Hvurslags kynjamisrétti er þetta eiginlega? Eiga bara konur að vera flottar? Á mínum vinnustað eru margir karlar ansi hreint mjúkir um miðjuna hefur mér sýnst

[Ágúst H Bjarnason, 22.2.2008 kl. 14:11]

Marta. Ég get nú ekki verið annað en sammála þér sem gamall bankamaður, en einu sinni vann ég á endurskoðundardeild LÍ í Austurstræti. Mér er maturinn í mötuneyti bankans minnisstæður, man ekki betur en það hafi verið sunnudagssteik flesta daga. Ég veit ekki  hvernig farið hefði fyrir mér ef ég hefði ílenst þarna. Sjálfsagt væri ég orðinn mjúkur um miðjuna og jafnvel víðar