Varúð. Ekki fyrir flughrædda.

 

 

Flughræddum er eindregið ráðlagt að horfa ekki á myndbandið.

Airbus A320 var að reyna lendingu í stífum hliðarvindi í Hamborg síðastliðinn laugardag. Ekki munaði miklu að illa færi. 

Snarræði flugmannsins forðaði stórslysi. Vængendinn (vænglingurinn eða winglet) skemmdist þegar vængurinn snerti brautina, svo greinilegt er að þarna munaði aðeins hársbreidd.

Stækkið myndirna hér fyrir ofan með því að smella á hana tvisvar. Hún opanst þá stór í nýjum glugga. 

Vindhraðinn var 35 hnútar (18m/s) með gustum í 55 hnúta (28m/s). Hámarks hliðarvindur fyrir A320 er 33 hnútar (17m/s) með gustum í 38 hnúta (20 m/s). 

 

 

Betra myndskeið hér

  

Athugasemdir

[Júlíus Valsson, 3.3.2008 kl. 13:02]

Greinilega sterk og góð vél. 
Eins gott að hún sló ekki vinstri vængnum í jörðina.
Svona á að gera þetta: Sjá hlekk.

[Rúna Guðfinnsdóttir, 3.3.2008 kl. 14:12]

Úfff...eins gott að ég var ekki farþegi. Ég hugsa ég hefði dáið.

[Sigurður Þór Guðjónsson, 3.3.2008 kl. 14:21]

Þegar ég les svona viðvörun horfi ég einmitt alltaf þó ég sé flughræddur. Og var ekki leikurinn einmitt til þess gerður?

[Marinó Már Marinósson, 3.3.2008 kl. 15:51]

Þetta er svakaleg mynd hér að ofan.  Var ekki svona atvik fyrir ári síðan á Keflavíkurflugvelli? Alla veganna var frændi minn farþegi í Flugleiðavél sem kom svona inn og hann sagði að það hefðu verið nokkrir sentímetrar í völlinn frá vængnum.  Flugstjórinn reif vélina upp og þurfti að gera aðra tilraun.

[Einar Örn Ólafsson (IP-tala skráð) 3.3.2008 kl. 16:06]

Er ekki ástæða fyrir því að flugbrautir eru lagðar í kross...til að forðast að þurfa að lenda í hliðarvindi?

[Ágúst H Bjarnason, 3.3.2008 kl. 16:39]

Um borð í flugi LH 044 voru 131 farþegar sem sjálfsagt hefur brugið verulega.   Hér  og hér er fjallað um atvikið á þýsku. 

[Sævar Helgason, 3.3.2008 kl. 21:11]

Var ekki í raun ófært að lenda og tekur flugstjórinn ekki gífurlega áhættu ?

Ég sé ekki að það sé hægt að hæla honum mikið fyrir fifldirfskuna 

[Ásdís Sigurðardóttir, 3.3.2008 kl. 23:03]

Sá þetta í kvöld, þvílíkt og annað eins. Frábærir flugmenn.

[Aron Smári, 4.3.2008 kl. 13:13]

Ég spyr bara hvar kjarkurinn hafi verið til að hætta við áður en þetta gerist, það er svo ótrúlega margt sem þeir gera vitlaust áður en þetta gerist og á endanum misstu þeir vélina. En næs save eftir að hafa komið sér í nett djúpan skít, allavega eitthvað gott í þessu hjá þeim...

[Kolbrún Baldursdóttir, 4.3.2008 kl. 22:55]

Úff, ég held ég láti þessar myndir duga.

Mér er aldrei vel við að fljúga innanlands svo mikið er víst. Það skárra að fara milli landa.

En svo er þetta náttúrulega þrælöruggur ferðamáti. 

[Ágúst H Bjarnason, 5.3.2008 kl. 08:06]

Mynd af vængendanum sem snerti brautina:

 

[Marinó Már Marinósson, 5.3.2008 kl. 11:21]

Vandamálið við flugið að það þýðir yfirleitt ekkert fyrir flugmenn að læra af eigin mistökum.  

[Ágúst H Bjarnason, 5.3.2008 kl. 11:30]

Marinó. Það er ein gerð flugmanna sem getur lært af eigin mistökum. Það eru þeir sem fljúga flugvélum eins og sjást hér.

[gudni.is, 5.3.2008 kl. 12:15]

Í flugnámi var mér margoft kennt að það þýddi ekkert að ætla bara að læra af eigin mistökum. Flugmenn lifa ekki nógu lengi til að læra bara af sínum mistökum. Þeir þurfa því líka að læra af mistökum annara...   = Lesa og kynna sér skýrslur og rannsóknir um flugatvik og flugslys. Það er mikilvægt fyrir flugmenn að gera slíkt til að læra hvað fór úrskeiðis og koma í veg fyrir að slys endurtaki sig.

Góður punktur samt hjá þér Ágúst með Módel-Flugmenn   Þeir mega gera nóg af mistökum.

[Einar Þór Strand, 6.3.2008 kl. 08:34]

Frábærir flugmenn!!!!!  eða!!!   Eftir að hefa horft á myndbandið þá er ég sammála því að það er flugmanninum tekst vel upp og er heppinn eftir eftir að þetta er orðið klúður.  En hann getur mest sjálfum sér um kennt að þetta fer svona því miðað við aðflugið þá átti að hætta við mun fyrr þar sem hiliðarvindur (crosswind component) var of mikill fyrir vélina.

[Ágúst H Bjarnason, 6.3.2008 kl. 15:46]

Flugmaðurinn var 24 ára gömul stúlka segir í frétt Vísis hér.

Í frétt Vísis segir:

"Milljónir manna út um allan heim sáu myndir af frækilegu afreki flugmanns á flugvellinum í Hamburg í vikunni. Nú hefur komið í ljós að það var aðstoðarflugmaðurinn sem var við stjórnvölinn.

137 manneskjur sluppu eftir snarræði flugstjórans og var hinn 37 ára gamli Oliver A. talinn hafa unnið mikið afrek. Hann virtist hafa afstýrt stórslysi á síðustu stundu. „Aðflugið var skelfilegt en í lendingunni vorum við með allt á hreinu,"

Aðstoðarflugmaðurinn var hinsvegar undir stýri en það var hin 24 ára gamla Maxi J.

Því er réttara að eigna henni heiðurinn af afrekinu frekar en Oliver, sem þó stóð sig vel í flugferðinni.

Sjá myndbandið hér."

[Birna Dis Vilbertsdóttir (IP-tala skráð) 8.3.2008 kl. 12:32]

Úff