Hitabylgja í uppsveitum í gær. Sumarið er komið.

Þriðjudagur, 13. maí 2008

Hitabylgja í uppsveitum í gær. Sumarið er komið.

Um hádegið í gær fór hitinn í 21 gráðu við sumarbústað sem er ekki fjarri Geysi. Myndin af mælinum sem er í skugga norðan megin við húsið var tekin klukkan 13:50.

Í byrjun dags og fram eftir morgni var veðrið sæmilegt og hitinn aðeins um 12 gráður en rauk mjög hratt upp um hádegið.

Sjálfvirkur hitamælir Vegagerðarinnar sem kenndur er við Gullfoss, en er í reynd við Kjóastaði, fór þó aldrei hærra en í 15 gráður. Líklega er sá mælir í aðeins 3ja km fjarlægð, þannig að þessi hitabóla hefur verið staðbundin.

Veðrið annan í hvítasunnu var sannkallað sumarveður. Sól, logn og hiti yfir tuttugu gráður. Sumarið er komið!

Meginflokkur: Vísindi og fræði | Aukaflokkar: Lífstíll, Stjórnmál og samfélag, Vinir og fjölskylda | Facebook

Athugasemdir

Já, nú er sumarið að detta í hlaðið, bara gaman. Kveðja til þín og þinna.

Ásdís Sigurðardóttir, 13.5.2008 kl. 15:29

Var ekki geislun á mælinum þó hann hafi verið í skugga?

Sigurður Þór Guðjónsson, 13.5.2008 kl. 18:08

Sæll Sigurður. Sjálfsagt hefur verið einhver geislun á mælinum, en hún kom frá fjalli, lyngmóa og himninum. Sjálfsagt ekki truflað mikið.

Mælirinn var auðvitað ekki í hvítum Stevenson kassa, heldur á húsvegg. Innan veggjar er óupphituð geymsla. Ég var líka með færanlegan kvikasilfursmæli sem ætlaður er fyrir rannsóknarstofur. Líklega sæmilega réttur. Mælunum bar saman.

Á vefsíðunni SurfaceStations.org er fjallað um slæman frágang á hitamælum á veðurstöðvum. Sums staðar allsendis ómögulegan. Fróðleg lesning. Það er greinilega margt sem þarf að varast í þessum málum.

Ágúst H Bjarnason, 13.5.2008 kl. 19:35

Hitinn fór yfir 30 gráður á móti sól á pallinum hjá okkur í Úthlíð. ´Fólk var á stuttbuxum og bol á golfvellinum. Dýrð sé Guði í uppsveitum!

Þorsteinn Sverrisson, 13.5.2008 kl. 21:29

Boðar ekki hlýr maí kaldara áframhald??? Eða hvað????

Rúna Guðfinnsdóttir, 13.5.2008 kl. 22:18

Rúna, ég er viss um að Sigurður Þór Guðjónsson getur svarað þessu

Ágúst H Bjarnason, 13.5.2008 kl. 22:24

Var ekki verið að spá hlýju og votasömu sumri. - Æ, ég vona að við fáum langt, hlýtt og sólríkt sumar.

Lilja Guðrún Þorvaldsdóttir, 14.5.2008 kl. 22:56

Oftar en ekki boðar hlýr maí hlýtt áframhald og öfugt. Í sumar fáum við loksins 40 stiga hitann!

Sigurður Þór Guðjónsson, 15.5.2008 kl. 11:22

Hey, nimbus er 16% áberandi á færslunni sem þú vísar til!

Sigurður Þór Guðjónsson, 15.5.2008 kl. 11:26

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Ágúst H Bjarnason

Verkfr. hjá Verkís.
agbjarn-hjá-gmail.com

Audiatur et altera pars

Aðeins málefnalegar athugasemdir, sem eiga ótvíætt við efni viðkomandi pistils, og skrifaðar án skætings og neikvæðni í garð annarra, og að jafnaði undir fullu nafni, verða birtar.