Lífrænir OLED flatskjáir eru betri en LCD og Plasma!

Allir þekkja flatskjána vinsælu, ýmist Plasma eða LCD. Þeir þykja ofur glæsilegir, enda ekki nema nokkrir sentímetrar á þykkt. Getur verið að þeir séu að vera úreltir? Líklega.

Ný tækni er að ryðja sér til rúms. Í skjáinn eru notaðar "lífrænar" ljósdíóður  svokallaða OLED = Organic Light Emitting Diode. Sjónvörp sem nota þessa tækni kallast því OLED-TV, eða "sjónvörp með lífrænum ljósdíóðum".

Kostir: Lítil til aflnotkun, björt mynd, kontrast-hlutfall 1.000.000 : 1, (1000 sinnum meira en LCD), og sjónarhorn er miklu víðara en á venjulegum flatskjám. Þeir eru næfurþunnir, svo þunnir að jafnvel má rúlla þeim upp, eins og sjá má á myndinni. Þeir eru um 10 sinnum þynnri en hefðbundnir flatskjár, þ.e. þegar þeir eru komnir bak við gler í ramma.  Upplausn á að geta verið þrefalt betri en á LCD skjám, þeir eru hraðvirkari og þeir eru ódýrari í framleiðslu. 

Líftími OLED hefur verið vandamál, en nú eru menn vonandi að ná tökum á því. Þess vegna megum við búast við að sjá þessa nýju tækni bráðlega í farsímum, fartölvum og næfurþunnum sjónvörpum. Á sýningunni International CES 2008 mátti sjá nokkra raunverulega flatskjái sem frumgerðir (sjá myndskeið hér fyrir neðan) sem fara vonandi í framleiðslu innan skamms.

Mun bók framtíðarinnar líta út eins og á myndinni hér til hliðar? OLED skjánum er rúllað af hólknum sem inniheldur þúsundir bókatitla í minni sínu? Papyrus kefli Egypta hinna fornu koma óneitanlega í hugann... Þau voru vissulega lífræn

 

Nú er það spurning. Er rétt að bíða? Eitt er víst, OLED sjónvörp eru að koma á markaðinn. Sjálfsagt líða fáein ár þar til verðið verður samkeppnishæft við LCD  skjái, en tíminn er undur fljótur að líða. Gefum okkur 5 ár þar til þau koma á markaðinn í ýmsum stærðum og önnur 5 þar til þau verða ódýrari en þau sem við þekkjum í dag....

Gamla feita góða Grundig 28" sjónvarp bloggarans verður látið duga þar til OLED verður komið á markaðinn og verðið viðráðanlegt.... 

Við lifum svo sannarlega á spennandi tímum. Lífræn sjónvörp, sem eru miklu betri en LCD og Plasma, verða stöðutáknið innan fárra ára ...

 

Hér er tækninni lýst.

123

 

27" flatskjárinn er ekki nema 3 mm á þykkt! Frá sýningunni CES 2008.

 

 

 

Hér er lesning um OLED tæknina á Wikipedia 

 

Cnet júní 2007 (spáir 3-6 ára bið): Should you wait for an OLED TV? 

 

Hér má sjá litgæðin í 27" OLED flatskjánum frá Sony.

 

 

Athugasemdir

[Ásdís Sigurðardóttir, 24.2.2008 kl. 13:52]

Ég á LCD, keypti þannig sjónvarp þegar mitt gamla gaf upp öndina.  Vona að þetta nýja dugi þangað til við verðum lífraun. Forvitnilegt, hafði ekki heyrt umþetta. 

[Ágúst H Bjarnason, 24.2.2008 kl. 13:54]

Anna. Tæknin er þegar fyrir hendi og fyrstu skjáirnir um það bil að koma á markað. 

Sjá nýja fréttir:  OLED-TV Display/Monitor Technology News

Þar kemur m.a fram að Sony er að setja fyrstu gerðina á markað á þessu ári. 

[Ágúst H Bjarnason, 24.2.2008 kl. 14:00]

Sigurður Helgi: Lífrænt sjónvarp hljómar vissulega eins og bull, en OLED = Organic Light Emitting Diode tæknin sem notuð er í skjáina er staðreynd. Í þessa skjái eru notuð lífræn efni, og þaðan kemur nafnið. Þess vegna kallast þessi sjónvörp að jafnaði OLED-TV, eða "sjónvörp með lífrænum ljósdíóðum".

Á Wikipedia segir: "An organic light-emitting diode (OLED), also Light Emitting Polymer (LEP) and Organic Electro-Luminescence (OEL), is any light-emitting diode (LED) whose emissive electroluminescent layer is composed of a film of organic compounds. The layer usually contains a polymer substance that allows suitable organic compounds to be deposited. They are deposited in rows and columns onto a flat carrier by a simple "printing" process. The resulting matrix of pixels can emit light of different colors...."

[Helgi Jónsson, 24.2.2008 kl. 17:34]

Gallinn við þessa tækni er ennþá sú, að líftíminn er takmarkaður og verðið er ennþá mjög hátt. Þetta er svo sannarlega framtíðin og ég spái því að innan 10 ára verði bæði líftími og verð ásættanlegt miðað við það sem er að gerast í dag.

[Marinó Már Marinósson, 24.2.2008 kl. 19:51]

Flott í flugsimmann

[Stjörnufræðivefurinn (www.stjornufraedi.is), 24.2.2008 kl. 20:40]

Það er reyndar líka komið plasmasjónvarp sem hefur sama eða jafnvel betri kontrast en OLED. Þó svo að OLED sé sennilegast framtíðin eru enn miklar framfarir í hinum tæknunum. LCD á þannig enn langt í land með að ná plasma að myndgæðum (alveg klárt mál) og plasmaskjáir eru sömuleiðis farnir að nota mun minni orku og munu, þegar svokölluð 10 lumen tækni kemst í notkun (ca. 2010), munu þau nota minni orku en hefðbundnir LCD skjáir, og álíka mikla og þeir LCD skjáir sem hafa LED lýsingu, jafnvel þótt tækin séu 50 til 60 tommur. Nýr Pioneer plasmaskjár er 9mm að þykkt, þynnri en nokkur LCD skjár á markaðnum og hefur ómælanlegan kontrast. Ég nenni annars ekkert að fara að rökræða plasma vs. LCD og vísa bara í svör mín um muninn á þessu á Vísindavefnum. 

[Ágúst H Bjarnason, 24.2.2008 kl. 20:53]

Sæll Sævar. Þakka þér fyrir fróðlegar upplýsingar.  Ég veit að þú þekkir þessi mál vel

[Halldór Jónsson, 24.2.2008 kl. 21:06]

Makalaust frændi. Það er kannske betra að kaupa hlutabréf í Organic Display Systems en Kaupþingi ? Hvaða kaup skyldi stjórnarformaðurinn hafa í þessu félagi ?

[Guðríður Pétursdóttir, 25.2.2008 kl. 01:11]

ómægod, fer maður þá bráðum að sjá svona eins og í harry potter, hreyfimyndir á dagblöðunum?

[Ágúst H Bjarnason, 25.2.2008 kl. 07:10]

Halldór: Á vefsíðu All Business er grein sem nefnist OLED, Paper-like Display Market to Reach $10.2B by 2011. Sjá hér.

[Ágúst H Bjarnason, 25.2.2008 kl. 07:24]

Hér er greinin:

"OLEDs and paper-like display combined sales are expected to reach $10.2 billion by 2011 and $14.7 billion by 2013, according to Glen Allen, Va.-based market research firm NanoMarkets LC.

The firm noted roll-to-roll production processes for display production are becoming increasingly viable to make the manufacturing process much more efficient. Also advances in both inks and equipment are enabling OLED displays to be printed, significantly reducing the capital costs associated with display manufacturing. These factors, the report says, will drive down the total cost of displays, a key element for this market’s growth prospects.

Furthermore, paper-like displays are transforming signage to offer the visual clarity, cost points and networking capabilities to enable retailers to continuously update product information. This capability is one of the main reasons that shelf-edge displays will be the biggest opportunity for the paper-like display business in the next few years, generating $1.2 billion in annual revenues by 2011, according to NanoMarkets.

The firm also predicts the OLED televisions will reach $2.2 billion in revenues in 2011 and will take a slice out of the LCD television business, as OLED will soon have color quality and resolution necessary to compete in the television market.

New forms of flexible displays are also increasing the utility of mobile phones, PDAs and other consumer electronic devices and predicts that by 2011, flexible displays will account for $1.7 billion in revenues, the firm concluded".

[Rúna Guðfinnsdóttir, 25.2.2008 kl. 18:48]

Erum við að tala íslensku??????? Ég er ofuránægð með mitt 8 ára gamla Sony 28" túbu tæki...I LOVE IT

[Ágúst H Bjarnason, 25.2.2008 kl. 19:31]

Rúna. Ég held að mitt gamla 28" Grundig lampatæki sé komið vel á annan áratuginn. Það hefur þjónað mér vel hingað til og er jafn gott og nýtt. Enginn áhugi á að endurnýja það...

[Gunnar Th. Gunnarsson, 25.2.2008 kl. 23:36]

Mig minnir að líftími 42" LCD skjásins míns sé 60. þús klt. sem er tæp sjö ár samfleytt í gangi. Þegar þessi eðalskjár hefur gengið í 60 þús. klt. þá kaupi ég nýtt sjónvarp. Kei sera sera!

[Auður H Ingólfsdóttir (IP-tala skráð) 26.2.2008 kl. 19:33]

Ég sem keypti mér sjónvarp með flatskjá rétt áður en ég flutti til útlanda - það verður kannski bara orðið úrelt þegar ég kem heim aftur og get byrjað að nota það.....