Venus og Máninn dansa tangó á Gamlárskvöld ...

 

 

Reikistjarnan Venus er langbjartasta stjarnan á kvöldhimninum þessar vikurnar. Á gamlárskvöld má búast við skemmtilegri sjón skömmu eftir sólarlag, en þá verða Venus og Tunglið í návígi á suð-vestur himninum.

Myndin er úr Starry Night Pro og sýnir hvernig staðan verður um klukkan 18 á gamlárskvöld séð frá Íslandi.

Þessi danssýning Venusar og karlsins í Tunglinu  stendur aðeins yfir í skamma stund eftir sólarlag. Skötuhjúin munu síðan draga sig í hlé í skjóli nætur og svo ...   og svo ...

 

Máninn hátt á himni skín,

hrímfölur og grár.

Líf og tími líður

og liðið er nú ár.

 

Bregðum blysum á loft,

bleika lýsum grund.

Glottir tungl og hrín við hrönn

og hratt flýr stund.

 

Kyndla vora hefjum hátt,

horfið kveðjum ár.

Dátt við dansinn stígum

dunar ísinn grár.

 

Bregðum blysum á loft, ...

 

Nú er veður næsta frítt,

nóttin er svo blíð.

Blaktir blys í vindi

blaktir líf í tíð.

 

Bregðum blysum á loft, ...

                                                       Jón Ólafsson

 

 

 

 Fæðing Venusar. Botticelli Sandro 1482-86.

 

 Það er engin furða að Máninn skuli vera í návígi við Venus á nýársnótt

 

 

 

Gleðilegt ár !

Takk fyrir árið sem er að líða í aldanna skaut… 

 

 

 

 

 Svona litu skötuhjúin út klukkan 17 á Gamlársdag
Þau eiga eftir að færast nær hvort öðru þegar líður á kvöldið...

 

 

www.spaceweather.com

www.stjornuskodun.is

www.astro.is

 

 

Athugasemdir

[Heimir Tómasson, 31.12.2008 kl. 16:36]

Gleðilegt ár. Takk fyrir marga stórkostlega pistla.

[Ásgeir Kristinn Lárusson, 31.12.2008 kl. 18:54]

Ef Venus settist í kjöltu Karlsins í Tunglinu, þá myndi það óneitanlega minna á tákn Islam :)

Gleðilegt nýtt ár.

[Björgvin R. Leifsson, 31.12.2008 kl. 20:30]

Venus var óvenju falleg kvöldstjarna í fyrrakvöld hér á Húsavík séð í suðri eða jafnvel aðeihns vestan við suður. Mjög óvenjulegt.

[Þorvaldur Ágústsson (IP-tala skráð) 31.12.2008 kl. 21:06]

         Sæll Ágúst.

              Stóð úti góða stund milli kl. 6 og sjö í kvöld og naut þessarar sýnar á vesturhimni í kyrru og fögru veðri.       Óska þér góðs og gjöfuls nýs árs.          

                                    Kveðja. Þorvaldur Ágústsson.

[Ágúst H Bjarnason, 1.1.2009 kl. 02:30]

Gleðilegt ár !

Myndin er fengin að láni hjá  www.spaceweather.com

[Hrönn Sigurðardóttir, 1.1.2009 kl. 21:47]

Ég sá tunglið og Venus um áttaleytið á gamlárskvöld! Sérstök og falleg sjón.

Gleðilegt nýtt ár! 

[Þorsteinn Briem, 2.1.2009 kl. 15:17]

Gangi þér allt í haginn á nýja árinu, Ágúst minn!