Ölvaður og óður flugmaður? --- Myndband... :-)

Takið eftir manninum sem kemur hlaupandi yfir girðinguna með bjórdós í hendinni. Hann virðist viti sínu fjær. Gaurinn hleypur að flugvél sem verið er að gera klára fyrir flug, stekkur um borð, gangsetur vélina og tekur á loft. Það er ekki að sjá að hann hafi nokkurn tíman lært flug...   

Úfff... 

Hvað finnst ykkur um svona hegðun? Ætli maðurinn hafi verið allsgáður? Þyrfti ekki að senda hann í flugskóla?  Eða...

 

 

Ég óska ykkur gleðilegs árs og þakka fyrir kynnin á árinu sem er að líða.

Vonandi ganga allir hægt um gleðinnar dyr í kvöld og láta nægja að skjóta á loft rakettum, en sleppi svona flugkúnstum...  

 

    

 

 

 

Flug-gaurinn í myndbandinu heitir víst Kyle Franklin. Fleri myndbönd þar sem tekist hefur að mynda þennan óða mann má sjá hér

 

Máninn hátt á himni skín,

hrímfölur og grár.

Líf og tími líður

og liðið er nú ár.

 

Bregðum blysum á loft,

bleika lýsum grund.

Glottir tungl og hrín við hrönn

og hratt flýr stund.

 

Kyndla vora hefjum hátt,

horfið kveðjum ár.

Dátt við dansinn stígum

dunar ísinn grár.

 

Bregðum blysum á loft, ...

 

Nú er veður næsta frítt,

nóttin er svo blíð.

Blaktir blys í vindi

blaktir líf í tíð.

 

Bregðum blysum á loft, ...

                                                       Jón Ólafsson

 

 

 

 

 

 

 Er þetta Tívolíbomba eða eitthvað annað?    Svarið er hér.

Athugasemdir

[Rauða Ljónið, 31.12.2009 kl. 15:13]

Sæll. Flott myndband. Gleðilegt ár þekka afar góð skrif á liðnu ári megi gjæfan vera með þér og þínum á komandi ári.

Kv. Sigurjon Vigfússon

[Gunnar Th. Gunnarsson, 31.12.2009 kl. 21:24]

Ótrúlega snjall náungi

[Karl Jóhann Guðnason, 1.1.2010 kl. 01:49]

Ótrúlegt vídeo.  Glæfralegt en maðurinn sýnist mér vera allsgáður. Gleðilegt ár.

[Marinó Már Marinósson, 1.1.2010 kl. 13:22]

Flott. Gleðilegt ár.

[Halldór Jónsson, 1.1.2010 kl. 14:07]

Með betri flugtriðum sem ég hef séð. Sá kann að fljúga !. Sigurður Jónsson hafði einhverja svona sýningu á Reykjavíkurflugvelli einhverntímann í stríðslok, ég held að það sé til á kvikmynd.