Óveðrið um helgina í beinni - Prófaðu að fikta...!

 

 

 

Hér sést hvernig vindar blása við yfirborð jarðar og í flughæð millilandaflugvéla.   Kemur þú auga á óveðrið sem verður yfir landinu um helgina, mest seinnipart sunnudags?  

Myndirnar, sem eru ættaðar frá öfurtölvum (supercomputer), ættu að vera nokkurn vegin í rauntíma, en þær uppfærast á 3ja tíma fresti.

Nú er um að gera að fikta aðeins:

Prófið að benda á Ísland með músinni og dragið til hliðar.
Getið þið snúið hnettinum?
Getið þið skoðað þá hlið sem frá okkur snýr?

Prófið einnig að benda á myndina og snúa músarhjólinu.
Breytist stærðin á hnettinum?  Prófið að skoða nærmynd af landinu okkar.

Prófið krækjurnar neðst á síðunni.

Fylgist með annað slagið meðan óveðrið nálgast og gengur yfir.
(Muna eftir að endurræsamyndina).

 

                                                                                Vindur við yfirborð jarðar.
                                                                           Litur í bakgrunni sýnir lofthita.

 

 

 

 

 

**

 

                                               Skotvindur (röst, jet stream) í um það bil 10km (250 hPa) hæð

Snúðu jarðarkúlunni þannig að norðurskautið snúi upp og skoðaðu alla röstina. Snúðu síðan suðurskautinu upp og skoðaðu hvað er að gerast þar.

 

http://earth.nullschool.net/about.html

 

https://www.facebook.com/EarthWindMap

 

 

 

 


Skrár tengdar þessari bloggfærslu:

« Síðasta færsla | Næsta færsla »

Athugasemdir

1 Smámynd: Ívar Pálsson

Takk, Ágúst, maður verður heillaður af að horfa á skotvindinn og að gera sér grein fyrir smæð manns. Telur kolefnisfólkið að við ráðum þessu ferðalagi líka?

Ívar Pálsson, 29.11.2014 kl. 16:26

2 Smámynd: Halldór Jónsson

Getur það verið Gústi frændi að maður sé að sjá áhrif Holuhraunsgossin á vindafarinu í kringum landi? Hvað sýnist þér?

Halldór Jónsson, 29.11.2014 kl. 19:59

3 Smámynd: Ágúst H Bjarnason

 Halldór. Það finnst mér mjög ólíklegt.

Ágúst H Bjarnason, 29.11.2014 kl. 20:15

4 Smámynd: Ívar Pálsson

Halldór, okkur var sagt að SO2 hangi í efri lögum í 2-3 ár, að vísu eftir að hann spýttist upp í heiðhvolf í sprengigosi Eyjafjallajökuls. Ég hef fylgst með Reykjavíkursvæðinu eins og aðrir og tel mig hafa séð að skýjamyndanir eru þéttari og öðruvísi en þegar langt er frá gosi. En hvort vindar nái að verða kannski staðbundið öðruvísi en ella er fullflókið fyrirbæri. Þó, miðað við magn efna sem losna yfir Íslandi, þá hljóta einhver staðbundin áhrif að skjóta upp kollinum, ekki satt?

Ívar Pálsson, 29.11.2014 kl. 21:57

5 Smámynd: Ágúst H Bjarnason

Sælir

Ég setti inn krækju að grein sem ég rakst á sem fjallar um SO2 og skýjamyndun. Greinin er á vef sem tilheyrir Institute of Physics.
http://agbjarn.blog.is/users/fa/agbjarn/files/effect_of_solar_variations_on_particle_formation_and_cloud_condensation_nuclei.pdf

SO2 er einnig notað í skýjatilrauninni hjá CERN
http://adsabs.harvard.edu/abs/2014EGUGA..16.8297T

Hvernig SO2 hefur áhrif má kannski sjá af þessari grein:
http://www.atmos-chem-phys.net/12/3639/2012/acp-12-3639-2012.pdf


(Mér finnst stjórnborðið fyrir athugasemdir hafa versnað nýlega og orðið erfiðara að setja inn krækjur. Það er ekki heldur hægt að hafa mismunandi lit á texta.  Þetta hlýtur að vera svona hundleiðinlegt hjá fleirum en mér).

Ágúst H Bjarnason, 30.11.2014 kl. 09:41

6 Smámynd: Ágúst H Bjarnason

...En myndirnar hér að ofan koma úr tölvulíkönum sem eru örgglega tengdar skýjamyndum frá gervihnöttum, svo hver veit...?

Ágúst H Bjarnason, 30.11.2014 kl. 09:44

7 Smámynd: Ívar Pálsson

Takk, Ágúst, þessir tenglar eru með texta sem er með alþyngsta móti en þó athyglisverður. Þessar setningar benda t.d. á tengslin:

Recent models have shown (Merikanto et al. 2009) that aerosol nucleation is one of the biggest sources of low level cloud condensation nuclei. Still, aerosol nucleation and growth are not fully understood. The driving force of nucleation and growth is sulfuric acid.

One of the most important species involved in secondary particle formation is sulphuric acid, mainly due to its high water affinity...  The predominant source of atmospheric sulphuric acid is the well known UV light induced oxidation of SO2

Ég hef séð vellþykk skýin sem myndast í brennisteinsloftinu og hef tekið myndir af þeim. Tek það saman ef ég hef tíma. Móðan er alltaf fyrir hendi, en þegar rokið blæs rakanum í þessa móðu þá verða til þessi þettu ský sem eru vel aðgreind frá öðrum eins og eldingaský og rigningin frá þeim er „útlandaleg“. Þetta minnir mig á flug til South Shields í Norður-Englandi fyrir um 30 árum. Þá var drullumóðan yfir öllu svæðinu, flugvélin dembdi sér niður í hana, en síðan voru þétt ský utan um hvern bæ með strompi. Þar getur þó kolabruninn hafa skipt verulegu máli. En brennisteins- tvíildið var samt á fullu þar. 

Ívar Pálsson, 30.11.2014 kl. 17:24

8 Smámynd: Jónas Gunnlaugsson

Stórkostlegt sjónarspil.

Vindar og hitakerfi JARÐARINNAR.

Ágúst H. Bjarnason er enn og aftur, að að vekja athygli okkar á þessum fróðleik.

Við þökkum kennsluna.

Egilsstaðir, 01.12.2014  Jónas Gunnlaugsson

Jónas Gunnlaugsson, 1.12.2014 kl. 00:23

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Ágúst H Bjarnason
Ágúst H Bjarnason

Verkfr. hjá Verkís.
agbjarn-hjá-gmail.com

Audiatur et altera pars

Aðeins málefnalegar athugasemdir, sem eiga ótvíætt við efni viðkomandi pistils, og skrifaðar án skætings og neikvæðni í garð annarra, og að jafnaði undir fullu nafni, verða birtar. 

Um bloggið

Ginnungagap

Ýmislegt

Loftslag

Click to get your own widget

Teljari

free counters

Álverð

http://metalprices.com/PubCharts/PublicCharts.aspx?metal=al&type=L&weight=t&days=12&size=M&bg=&cs=1011&cid=0

Sólin í dag:

(Smella á mynd)

.

Vinnan mín:

Olíuverðið í dag:

Heimsóknir

Flettingar

  • Í dag (17.6.): 16
  • Sl. sólarhring: 46
  • Sl. viku: 179
  • Frá upphafi: 722981

Annað

  • Innlit í dag: 7
  • Innlit sl. viku: 149
  • Gestir í dag: 7
  • IP-tölur í dag: 7

Uppfært á 3 mín. fresti.
Skýringar

Eldri færslur

Júní 2019
S M Þ M F F L
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            

Innskráning

Ath. Vinsamlegast kveikið á Javascript til að hefja innskráningu.

Hafðu samband