Borgaryfirvöld í Feneyjum töldu framlag Íslands og Islams ógn við öryggið...

 

 

 

fr_20150430_013809_2

 

Eru Íslendingar stundum kjánar?    

Ekki er laust við það.  Stundum meira segja miklir kjánar.

Þessi mál eru gríðarlega viðkvæm og eldfim á meginlandinu. Það er erfitt að átta sg á afleiðingum þess að ögra, þó það sé ekki ætlunin.      

Stundum skammast maður sín fyrir að vera Íslendingur.

 

 

Af vef Ríkisútvarpsins:

Töldu framlag Íslands „ógn við öryggið“

06.05.2015 - 23:26

http://www.ruv.is/node/896183

"Borgaryfirvöld í Feneyjum sendu Kynningarmiðstöð íslenskrar myndlistar bréf þar sem fram kom að lögreglan teldi framlag Íslands á Feneyjatvíæringinum „ógn við öryggið.“ Þetta kemur fram í úttekt New York Times um mosku Christoph Büchel sem nú rís í Feneyjum.
 

New York Times hefur bréfið undir höndum. Þar segir að lögreglan í Feneyjum hafi meðal annars gert athugasemdir við staðsetningu moskunnar og talið að hún væri mikill hausverkur. 

Moskan stendur nærri göngubrú við síki. Lögreglan í Feneyjum taldi að erfitt yrði að hafa mikla öryggisgæslu á þessu svæði - það væri nauðsynlegt í ljósi þeirrar hryðjuverkaógnar sem stafaði frá öfgatrúarhópum.

New York Times fullyrðir enn fremur að forsvarsmenn Feneyjatvíæringsins hafi sem minnst viljað vita af framlagi Íslands. Enginn frá listahátíðinni svaraði skilaboðum blaðsins þegar leitað var eftir viðbrögðum.

Fram kemur í umfjöllun New York Times að Büchel og Nína Magnúsdóttir, sýningarstjóri sýningarinnar, hafi eftir þetta bréf ráðfært sig við lögfræðinga. Eftir fundarhöld hafi verið ákveðið að halda áfram með verkið.

Hamad Mahamed, sem á að stýra bænastarfi moskunnar, segir í samtali við New York Times að moskan sé mikilvægt verkefni fyrir samfélag múslima. „Þarna gefst okkur tækifæri til að sýna fólki hvað íslam snýst raunverulega um - það eru ekki myndirnar sem sýndar eru í fjölmiðlum.“

Fram kom í tilkynningu Kynningarmiðstöðvarinnar í síðasta mánuði að moskan verði í yfirgefinni kirkju frá 10. öld. Þetta er fyrsta moskan í Feneyjum en hún er unnin í nánu samstarfi við samfélög múslima á Íslandi og í Feneyjum.

New York Times segir að Büchel hafi leitað mánuðum saman að samstarfsaðila í Feneyjum. Þegar hann hafi loksins fundið kirkjuna hafi borgaryfirvöld bannað honum að breyta henni að utan.  Hann hafi til að mynda ekki mátt setja upp lágmynd með orðunum Allahu akbar eða „Allah er mikill“. 

Büchel hefur sjálfur sagt að hann vilji með verkinu vekja athygli á pólitískri „stofnanavæðingu aðskilnaðar og fordóma, hvar sem er í heiminum.“   "

 

 

 

Myndin efst á síðunni er af vef RÚV þar sem fjallað er um málið.

 

 

 

 


Skrár tengdar þessari bloggfærslu:

« Síðasta færsla | Næsta færsla »

Athugasemdir

1 Smámynd: Jón Þórhallsson

Sjálfur myndi ég vilja banna allar moskur og múslima starfsemi ef að ég fengi að ráða en ég vil minna á; að það er minnst á SÁTTMÁLSÖRKINA Í NÝJA-TESTAMENNTINU SEM ER MÁLGAGN KRISTINNA MANNA:

http://thjodarskutan.blog.is/blog/gudspekifelag_s/#entry-1304253

Jón Þórhallsson, 7.5.2015 kl. 07:48

2 Smámynd: Jón Valur Jensson

Tek hjartanlega undir orð þín, Ágúst, þykir dýrmætt, að svo marktækur, yfirvegaður álitsgjafi tekur þessa afstöðu í málinu.

Nú var þetta fréttar-efni á Bylgjunni líka í hádeginu og sagt frá þessum viðbrögðum borgaryfirvalda í Feneyjum, en ekki rætt við neina gagnrýna aðila, aðeins aðstandendur íslenzks hluta sýningarinnar, sem þóttust ekkert skilja í gagnrýninni. Þeir hafa þá sennilega ekki vitað af því, að Feneyja-lýðveldið átti um aldir í varnarstríðum við veldi islams og útþenslustefnu þess. Um það sjáið þið ýmsar fróðlegar staðreyndir í Wikipediu-grein, sem ég vitna til í innleggi mínu hér 2. þ.m.: http://valdimarjohannesson.blog.is/blog/valdimarjohannesson/entry/1722530/#comment3570412

Í fréttinni í hádeginu kom fram, að Sverrir Agnarsson, form. Félags múslima á Íslandi, hefði átt þátt í þessu máli -- fráleitu máli að mínu mati og ögrun við bæði Feneyinga og kaþólsku kirkjuna, því að verið er að breyta gamalli, en fagurri kirkju í mosku!

Ég leyfi mér að efast hér eftir algerlega um dómgreind Illuga Gunnarssonar í málum, m.a. öllum málum sem snerta múslima og meinta fjölmenningu, og ljæ honum engan stuðning héðan í frá.

Þetta er í raun mál, sem ríkisstjórn Íslands ætti að sjá sóma sinn í að afturkalla -- yfir tuttugu milljóna framlag íslenzka ríkisins í þessa ögrun við Feneyinga! Og enginn skyldi vanmeta reiðina, sem þetta getur valdið meðal Ítala, enda umtalað nú báðum megin Atlantshafs.

Já, glæfralega idíótískt mál okkar fávísu bjartsýnisglópa. Þeir auka ekki réttlætið í heiminum með þessu hneyksli.

Jón Valur Jensson, 7.5.2015 kl. 12:27

3 Smámynd: Anna Sigríður Guðmundsdóttir

Ég þakka almættinu algóða fyrir að hafa lært að milliliðalausa og alvitra/algóða guðsorkan eina ekta góða orkan, er ekta orka. Sú góða Guðsorkutenging þarf ekki einu sinni trúarbrögð/trúarbragðahúsnæði.

Ókeypis og beintengd almættisorka þarf ekki peningakerfi Mammon-djöflakerfisins. Páfinn í Vatíkaninu ætti kannski að íhuga þá staðreynd?

Hugarorkan kærleiksríka er eina orkan sem færir okkur öllum heimsfriðsamlegar leiðbeiningar.

Ég ætla engum að skilja hvað ég er að reyna að segja, en ég lifi sjálf áfram samkvæmt minni frelsis-lífsýn á kærleiksskilyrtri tilveru allra jafnra á jörðinni.

Ég á mjög erfitt með að verja rétt einstaklinga á Íslandi, án þess að gera mér grein fyrir að réttur allra annarra á jörðinni eiga sama rétt til sanngirni, eins og Íslandsbúar.

Líklega er ég þroskaheftur hálfviti, samkvæmt réttlætis-lagaklækjum valdaklíku-veraldarinnar. Það verður þá bara að hafa það, að ég sé vitlaus þroskaheftur hálfviti. Ég verð þá bara að lifa/deyja með þeirri þroskahaftagreiningu siðblindu stjórnsýsluvalda-aflanna.

M.b.kv.

Anna Sigríður Guðmundsdóttir, 7.5.2015 kl. 12:59

4 Smámynd: Heimir Lárusson Fjeldsted

Hver ber kostnaðinn?

Heimir Lárusson Fjeldsted, 7.5.2015 kl. 16:28

5 Smámynd: Jón Valur Jensson

ÞÚ, Heimir minn, þú og ég og aðrir ísl. skattgreiðendur!

Flott hjá okkur að vera svona meðvirkir og þolgóðir, ekki satt?

Jón Valur Jensson, 7.5.2015 kl. 17:11

6 Smámynd: Eyjólfur Jónsson

Ojú Anna Sigríður! ég hef góðan skilning á þinni lífssýn, hún er sú sama og við höfum úr barnamessu séra Svavars í kapellunni við Sjómannaskólann 1950!

Eyjólfur Jónsson, 7.5.2015 kl. 19:41

7 Smámynd: Gunnar Th. Gunnarsson

Skattfé Íslendinga fer í þetta en listamaðurinn er frá Sviss. Hélt að Svisslendingar gætu kynnt sína listamenn með sínu skattfé en ekki okkar.

Gunnar Th. Gunnarsson, 8.5.2015 kl. 00:41

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Ágúst H Bjarnason
Ágúst H Bjarnason

Verkfr. hjá Verkís.
agbjarn-hjá-gmail.com

Audiatur et altera pars

Aðeins málefnalegar athugasemdir, sem eiga ótvíætt við efni viðkomandi pistils, og skrifaðar án skætings og neikvæðni í garð annarra, og að jafnaði undir fullu nafni, verða birtar. 

Um bloggið

Ginnungagap

Ýmislegt

Loftslag

Click to get your own widget

Teljari

free counters

Álverð

http://metalprices.com/PubCharts/PublicCharts.aspx?metal=al&type=L&weight=t&days=12&size=M&bg=&cs=1011&cid=0

Sólin í dag:

(Smella á mynd)

.

Vinnan mín:

Olíuverðið í dag:

Heimsóknir

Flettingar

  • Í dag (17.6.): 16
  • Sl. sólarhring: 46
  • Sl. viku: 179
  • Frá upphafi: 722981

Annað

  • Innlit í dag: 7
  • Innlit sl. viku: 149
  • Gestir í dag: 7
  • IP-tölur í dag: 7

Uppfært á 3 mín. fresti.
Skýringar

Eldri færslur

Júní 2019
S M Þ M F F L
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            

Innskráning

Ath. Vinsamlegast kveikið á Javascript til að hefja innskráningu.

Hafðu samband