VERKÍS verkfræðistofa með samfellda reynslu frá 1932 og um 350 starfsmenn...

 

 

Verkfræðistofurnar VST-Rafteikning, Fjarhitun, RT-Rafagnatækni og Fjölhönnun sameinast formlega í dag 21. nóvember. 

Nafn verkfræðistofunnar er VERKÍS.

www.verkis.is

 

Allar stofurnar eru rótgrónar og eiga að baki farsælan feril á verkfræðimarkaðnum. VST-Rafteikning varð til vorið 2008 við sameiningu Verkfræðistofu Sigurðar Thoroddsen sem var stofnuð árið 1932 og Rafteikningar sem stofnuð var árið 1965. RT-Rafagnatækni hefur starfað frá árinu 1961, Fjarhitun frá árinu 1962 og Fjölhönnun frá árinu 1970.

Með samruna þessara fyrirtækja, sem samtals hafa starfað í 250 ár, verður til leiðandi og öflug verkfræðistofa með um 350 starfsmenn.

VERKÍS mun veita alhliða ráðgjöf á flestum sviðum verkfræði.  Samruninn mun styrkja innviði, gera vinnustaðinn eftirsóknarverðari, auka faglega hæfni og breidd, styrkja fagþekkingu og efla sókn á erlenda markaði. Samskipti við viðskiptavini verða áfram persónuleg og þjónusta verður styrkt með fjölbreyttari lausnum og víðtækari ráðgjöf sem unnin er samkvæmt vottuðu gæðakerfi.  

 

 

 

• 1932:  VST - Verkfræðistofa Sigurðar Thoroddsen
• 1961:  RT - Rafagnatækni
• 1962:  Fjarhitun
• 1965:  Rafteikning
• 1970:  Fjölhönnun

Samanlagður aldur verkfræðistofanna sem sameinast er 250 ár.

Fjöldi starfsmanna er 350.

 

 

 

 >>> Það eru vitmenn hjá Verkís <<<

  Til hamingju með daginn Verkís  

 

Athugasemdir

[Ásgeir Kristinn Lárusson, 21.11.2008 kl. 21:22]

Til lukku með samrunann - það er jú framtíðin :) Hvernig er annars eignarhaldi háttað? Á starfsfólkið fyrirtækið?

[Ágúst H Bjarnason, 21.11.2008 kl. 23:23]

Sæll Ásgeir. Um þriðjungur starfsmanna á fyrirtækið. Allir eiga nánast jafnan hlut.

[Jón Steinar Ragnarsson, 22.11.2008 kl. 12:00]

Til hamingju með þetta Ágúst. Þetta er frábært fyrirtækjamódel og ætti að vera öðrum til fyrirmyndar. Ég er heillaður af því þegar hugvit og skynsemi fara saman. Ég er líka viss um að þetta fyrirtæki getur getið af sér fjölda annarra fyrirtækja með lausnum sínum og þjónustu.  Hef ákveðna hluti í huga í því samhengi.

Annars langar mig að benda þér á einn kall, af því að þú hefur áhuga á orkumálum og höfuðgjaldmiðli heimsins Olíunni. Ég hef áhuga á stærra samhengi hlutanna, sem stundum ergir marga, en þessi maður Lindsey Williams er einn þeirra sem meira og meira er hlustað á vegna þess hve hann hefur virst vita nákvæmlega hver þróunin er í þessum málum í talsvert langan tíma. Margir kölluðu hann crackpot, en nú renna tvær grímur á menn. Hér er fyrirlestur í 9 hlutum minnir mig.  Bækur hans eru líka verðar lesturs.

[Jón Steinar Ragnarsson, 22.11.2008 kl. 12:11]

Hér er bók hans The energy non crisis.

[Guðjón Baldursson, 22.11.2008 kl. 12:28]

Þetta er heillaskref hjá ykkur.  Gangi ykkur vel. Örugglega samlegðaráhrif.

[Jón Steinar Ragnarsson, 22.11.2008 kl. 13:48]

Stikkorðin í þessu sem ég nefni eru Prudhoe Bay og Gull Island í Alaska.

[Kjartan Pétur Sigurðsson, 22.11.2008 kl. 14:20]

Það eru naumast sameiningar. Er eitthvað orðið eftir nema örfáar stórar stofur? En annars til hamingjum.

[Halldór Jónsson, 23.11.2008 kl. 23:56]

Til hamingju með þetta frændi. Vantar nokkuð teiknara ?

[Sverrir (IP-tala skráð) 24.11.2008 kl. 10:03]

Til hamingju  :-)