Lúpínufuglar...

 

Lúpína

 

Lúpínufuglar er nafn á grein sem birtist 4. janúar á vef Landgræðslu ríkisins. Greinin fjallar um rannsóknir Brynju Davíðsdóttur á fuglum og smádýrum.

Sumarið 2011 fór fram viðamikil rannsókn á fuglum og smádýrum á 26 landgræðslusvæðum víðsvegar um land. Bornar voru saman þrjár landgerðir, óuppgrædd svæði, lúpínubreiður og endurheimt mólendi. 

Niðurstaðan var að bæði fuglar og smádýr reyndust flest í lúpínubreiðum.

 

Greinin á vef Landgræðslu ríkisins er afrituð hér fyrir neðan:

 

Sumarið 2011 fór fram viðamikil rannsókn á fuglum og smádýrum á 26 landgræðslusvæðum víðsvegar um land. Þessi rannsókn er meistaraverkefni Brynju Davíðsdóttur við Landbúnaðarháskóla Íslands.

Bornar voru saman þrjár landgerðir, óuppgrædd svæði, lúpínubreiður og endurheimt mólendi. Fuglar reyndust vera flestir í lúpínubreiðum; 6,3 á hektara, næstflestir í endurheimtu mólendi; 3,4 á hektara og fæstir á óuppgræddu landi; 0,3 á hektara. Meðalfjöldi tegunda var mestur í mólendi; 0,5 tegundir á hektara, lítið eitt minni í lúpínu og minnstur á óuppgræddum svæðum; 0,1 tegund á hektara.

Í lúpínu voru þúfutittlingur og hrossagaukur langalgengustu tegundirnar og komu fyrir í 96% og 77% tilvika. Í mólendi voru þúfutittlingur, heiðlóa, spói og lóuþræll algengastir og komu fyrir í 81%, 77%, 73% og 65% tilvika. Fáir fuglar fundust á ógrónum svæðum. Tegundafjölbreytni fugla var mest í mólendi en þar fundust alls 16 tegundir fugla, 14 í lúpínu og 10 á óuppgræddu landi. Ekki var marktækur munur á tegundafjölda í mólendi og í lúpínu en tegundafjöldi var marktækt lægri á lítt grónu landi en í hinum vistgerðunum. Fjölbreytileikastuðull Shannon var reiknaður fyrir vistgerðirnar en hann tekur tillit til þess hversu mikið finnst af hverri tegund ásamt fjölda tegunda. Stuðullinn var hæstur fyrir endurheimt mólendi, þá lúpínu og lægstur fyrir óuppgrætt land. Stuðullinn var marktækt hærri fyrir mólendi en óuppgrætt land en ekki var marktækur munur milli mólendis og lúpínu.

Smádýr voru veidd í háf á öllum rannsóknarsvæðum en einnig í fallgildrur á völdum svæðum á Suðurlandi. Í báðum tilvikum reyndist fjöldi smádýra mestur í lúpínu, næstmestur í mólendi og minnstur í óuppgræddu landi. Sterk fylgni var á milli fjölda dýra sem veiddust í háf og í fallgildrur. Marktæk fylgni var á milli heildarfjölda smádýra sem veiddust í háf og heildarfjölda fugla.

Þetta er fyrstu heildarrannsóknir á áhrifum landgræðsluaðgerða á fuglalíf hér á landi, en árið 2008 rannsökuðu Guðný H. Indriðadóttir og Tómas G. Gunnarsson áhrif landgræðslu á fuglalíf á Mýrdals- og Skógasandi. Niðurstöður þessara rannsókna eru mikilvægt innlegg í þekkingu á áhrifum landgræðslu og endurheimtar vistkerfa á fuglalíf á Íslandi.

 

Greinina má lesa hér á vef Landgræðslu ríkisins. 

 

Sem sagt, það eru 20 sinnum fleiri fuglar í lúpínubreiðum en óuppgræddu landi.   Við vitum að lúpínubreiður vaxa fyrst og fremst upp úr ógrónu landi þannig að niðurstaða Brynju er mikið gleðiefni.

 

 Vinir lúpínunnar á Fésbók

 

Lúpínufugl

 Vinur lúpínunnar

 

 


« Síðasta færsla | Næsta færsla »

Athugasemdir

1 Smámynd: Gunnar Th. Gunnarsson

Öfga-umhverfisverndarfólk hefur farið með ofstopa gegn þessari frábæru landgræðslujurt og vilja leggja í kostnaðarsama útrýmingarherferð gegn henni. Sumir úr þessum hópi vilja líka útrýma því sem þeir kalla framandi trjágróður úr íslenskri náttúru og eiga þá við greni, furu, ösp, lerki ofl. sem ekki á uppruna sinn hér.

Svandís Svavarsdóttir, umhverfisráðherra, hyggst banna útplöntun þessara trjátegunda, nema með sérstök leyfi hennar.

Gunnar Th. Gunnarsson, 6.1.2012 kl. 19:52

2 Smámynd: Ágúst H Bjarnason

Gunnar

Það gleymist stundum að eitt sinn óx sumt af þessum "framandi" gróðri hér á landi. Þá var hann alls ekki framandi heldur íslenskur, þó svo að landið hafi ekki fengið núverandi nafn þá.   Mér þykir þessi gróður því alls ekki framandi.

Þetta veist þú væntanlega betur en ég, enda fagmaður á þessu sviði.

Sjá Vísindavefinn hér.

 http://agbjarn.blog.is/users/fa/agbjarn/img/forn_flora_500w.jpg

"Líkan af plöntusamfélögum í Selárdal, Botni og við Ketilseyri fyrir 15-13,5 milljónum ára. Í elstu íslensku gróðurfélögunum ber mikið á plöntum sem eru náskyldar núlifandi plöntum á heittempruðum miðjarðarsvæðum".

Ágúst H Bjarnason, 6.1.2012 kl. 20:34

3 Smámynd: Vilhjálmur Eyþórsson

Raunar þarf ekki að fara aftur á tertíertíma fyrir meira en þrem milljónum ára til að finna hlýviðrisjurtir hér. Þegar Ísland var að kalla jöklalaust, t.d. á dögum Forn- Egypta, uxu hér margar jurtir, sem nú geta ekki þrifist vegna kulda. Í mógröfum má sjá, að enn síðar, t.d. á dögum Grikkja og Rómverja var hér hávaxinn skógur. En lúpínan er mikil blessun fyrir allt lífríkið hér og þetta tal um „útrýmingu“ á henni er í hæsta máta undarlegt, þótt ekki sé dýpra í árina tekið.

Vilhjálmur Eyþórsson, 6.1.2012 kl. 20:45

4 Smámynd: Aðalsteinn Agnarsson

Skyldu ekki gilda sömu lögmál á hafsbotni,(fiskimiðum Íslendinga) en miðin eru að

gefa þjóðinni aðeins 1/3 af eðlilegum afla vegna notkunar á dregnum veiðarfærum

sem brjóta og slétta út botninn.

Sæust svona aðferðir á grónu landi, yrði því líkt við stórkostlegar náttúruhamfarir.

Aðalsteinn Agnarsson, 6.1.2012 kl. 20:50

5 Smámynd: Gunnar Th. Gunnarsson

Já... og svo vill þetta fólk hafa vit fyrir þeim sem nýta svartfuglinn í landinu, vit fyrir fólkinu sem einmitt er best treystandi til þess að hafa nýtinguna sjálfbæra. Frekar vilja þeir efla eftirlitsiðnaðinn til að farið sé eftir lögunum og bönnunum sem þeir koma á.

Gunnar Th. Gunnarsson, 6.1.2012 kl. 22:28

6 Smámynd: Ágúst H Bjarnason

 Morgunblaðið
 

LÚPÍNAN - ÖFLUGT UPPGRÆÐSLUTÆKI

 
SVEINN Runólfsson landgræðslustjóri hefur mikið haft með lúpínu að gera í sínu starfi. Mér líkar illa þessi neikvæða umræða sem hefur spunnist um alaskalúpínuna sem landgræðslujurt," sagði Sveinn í samtali við blaðamann Morgunblaðsins. Lúpínan er hvorki góð né vond, hún er bara jurt.

LÚPÍNAN - ÖFLUGT UPPGRÆÐSLUTÆKI

SVEINN Runólfsson landgræðslu stjóri hefur mikið haft með lúpínu að gera í sínu starfi. Mér líkar illa þessi neikvæða umræða sem hefur spunnist um alaskalúpínuna sem landgræðslujurt," sagði Sveinn í samtali við blaðamann Morgunblaðsins. Lúpínan er hvorki góð né vond, hún er bara jurt. Hún er notuð til landgræðslu af því að hún framleiðir sinn eigin áburð og er kröftugur landnemi sem gerir hana að ódýrasta og öflugasta uppgræðslutæki sem við höfum í dag. Nýting lúpínu til ýmissa annarra nota býður upp á geysilega möguleika og við eigum að nýta okkur eiginleika lúpínunnar....

MEIRA hér

Ágúst H Bjarnason, 17.1.2012 kl. 18:01

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Ágúst H Bjarnason
Ágúst H Bjarnason

Verkfr. hjá Verkís.
agbjarn-hjá-gmail.com

Audiatur et altera pars

Aðeins málefnalegar athugasemdir, sem eiga ótvíætt við efni viðkomandi pistils, og skrifaðar án skætings og neikvæðni í garð annarra, og að jafnaði undir fullu nafni, verða birtar. 

Um bloggið

Ginnungagap

Ýmislegt

Loftslag

Click to get your own widget

Teljari

free counters

Álverð

http://metalprices.com/PubCharts/PublicCharts.aspx?metal=al&type=L&weight=t&days=12&size=M&bg=&cs=1011&cid=0

Sólin í dag:

(Smella á mynd)

.

Vinnan mín:

Olíuverðið í dag:

Heimsóknir

Flettingar

  • Í dag (3.10.): 9
  • Sl. sólarhring: 9
  • Sl. viku: 94
  • Frá upphafi: 751933

Annað

  • Innlit í dag: 6
  • Innlit sl. viku: 66
  • Gestir í dag: 6
  • IP-tölur í dag: 6

Uppfært á 3 mín. fresti.
Skýringar

Eldri færslur

Okt. 2022
S M Þ M F F L
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Innskráning

Ath. Vinsamlegast kveikið á Javascript til að hefja innskráningu.

Hafðu samband