Uppfært 18:00 >>> Iceland-1 flöskuskeytið er komið í fjöruna á eyjunni Tiree...

 

Uppfært klukkan 18:00

Samkvæmt skeyti sem kom klukkan 17:20 er skeytið komið upp í fjöru á eyjunni Tiree.

 

 

 

 

 

Uppfært. Ný staðsetning kom 13:20. 

 Annað flöskuskeytanna, Iceland-1, er rétt í þann mund að taka land á
Suðureyjum (Hebrides) við Skotland.

Stefnan er annað hvort á Eyjuna Coll eða Tiree, en smáeyjan Gunna þar á milli virðist bíða spennt.

Uppfært 13:30

Skeyti barst fá flöskunni klukkan 13:20.
Nú er nokkuð öruggt að hún mun lenda eftir nokkrar mínútur á eyjunni Tiree
sem er næsta eyja fyrir sunnan Gunnarseyju.
Þar er byggð og jafnvel flugvöllur.
https://en.wikipedia.org/wiki/Tiree

Næsta skeyti mun berast 17:20.

Smella á mynd til að stækka og sjá betur.

Síðasta skeyti barst klukkan 13:20 og er næsta skeyti væntanlegt 17:20.

 

 Hér sést ferðalag skeytanna frá því í janúar 2016

 

 

 Skeytið Iceland-1 stefnir á smáeyjuna Gunna

 

 

  Smáeyjan Gunna

 Gunna er aðeins 69 hektarar.
Á Gelísku hetir hún Gunnaigh, en það þýðir Gunnaeyja eða eyjan hans Gunna,
eða Gunnarseyja.

 

Flöskuskeytin tvö hafa undanfarna mánuði ferðast frá Íslandi áleiðis til Grænlands og síðan suður meðfram ísjaðrinum við austurströnd Grænlands í miklum vindi og sjógangi.  Fyrir sunnan Grænland snérist þeim hugur og tóku stefnuna til austurs og norðurs langleiðina að Íslandi. Aftur snérist þeim hugur og héldu nú áleiðis til Grænlands, suður með austurströndinni og norður með vesturströndinni fram hjá hinni fornu byggð norrænna manna. Síðan héldu þau áleiðis til Vínlands, en fengu ekki góðan byr... Eftir að hafa þvælst um í hafinu vestan Grænlands í nokkurn tíma tóku þau stefnuna hratt í suðausturog huga nú að landtöku á Suðureyjum við Skotland. Landnámsmenn sóttu sínar konur á þessar slóðir eins og flesti vita...

Flöskuskeytin hafa nú ferðast um 15.000 kílómetra síðan þau voru sjósett í janúar fyrir einu ári um 40 km sunnan við Reykjanesvita. Flöskuskeytin hafa staðist þessa þolraun og senda enn skeyti um gervihnetti með nákvæmum staðsetningarupplýsingum.

Myndin neðst á síðunni er beintengd við líkanið sem sýnir hvar flöskuskeytin eru stödd. Með því að smella á blöðrurnar er hægt að kalla fram upplýsingaglugga eins og er á efstu myndinni. Með músarbendlinum er hægt að færa kortið.

 

 

Skoðið nánar á þessum vefsíðum:

Vefsíða Ævars vísindamanns:

http://krakkaruv.is/floskuskeyti

 

Stórt kort sem sýnir ferðalag flöskuskeytanna:

gps.verkis.is

 

Bloggsíða með fjölda mynda og kortum, en þar má lesa um aðdraganda ævintýrisins og sjá hvernig flöskuskeytin líta út:

Ævar vísindamaður og flöskuskeytið frábæra með gervihnattatengingu...

agbjarn.blog.is/blog/agbjarn/entry/2163995

 

 

Verkfræðistofan Verkís hannaði og smíðaði flöskuskeytin á eigin kostnað, enda telja starfsmenn Verkís að Ævar vísindamaður vinni gott starf í þágu barna og unglinga.
Vísindin efla alla dáð!

 

 

 

 

 

 Beintengd mynd sem sýnir hvar flöskuskeytin eru stödd núna.

Prófið að draga til kortið með músinni og nota músarhjólið.

 

 

 

Líkan sem sýnir vindakerfið akkúrat núna.

https://www.windytv.com

 

 

 

 

 

 

www.visindamadur.com

 

 

 

www.verkis.is

 

Athugasemdir

[Kolbrún Hilmars, 15.1.2017 kl. 21:32]

Athyglisvert.  Ekki síst að skeytið næði yfirleitt landi einhvers staðar og það eftir 14000 km ferðalag.  Er vitað hvort það voru hafstraumar eða vindar sem réðu ferðinni?

[Ágúst H Bjarnason, 15.1.2017 kl. 22:00]

Það er einhver blanda af hafstraumum og vindum sem ráða ferðinni.

Til lengri tíma ráða hafstraumar væntanlega, en vindar til skemmri tíma.

Flöskurnar eru tiltölulega léttar miðað við rúmtak og gulu frauðplast hálfkúlurnar sem eru á endunum gera það að verkum að flaskan ristir grunnt og tekur mikið á sig vind. Vindurinn hefur því mikil áhrif.

Eftir á að hyggja hefði verið fróðlegt að hafa rekakkeri á öðru flöskuskeytanna til þess að hafstraumarnir hefðu meiri áhrif.  Rekakkeri er einfaldlega eins kona poki sem hangir niður frá hylkinu í bandspotta.

Þá hefðum við séð betur muninn á áhrifum vinda og strauma.

[Ágúst H Bjarnason, 15.1.2017 kl. 22:39]

Flöskuskeytið verður væntanlega sótt á morgun.  

Fróðleikur um Tiree eyju:  http://www.isleoftiree.com/