Snögg kólnun jarðar í janúar

London 1814.

 

Hefðbundnar mælingar á meðalhita lofthjúps jarðar sýna að janúar hefur verið mjög kaldur. Skýrir það væntanlega kuldakastið sem frést hefur af víða um heim.  Kaldasti mánuður síðan 1995. Ferillinn hér fyrir neðan er teiknaður samkvæmt þessum gögnum frá NASA GISS. Sama er upp á teningnum þegar mæligögn frá gervihnöttum eru skoðuð. Myndin sýnir mánaðameðaltöl frá árinu 1978.

 

Takið eftir hvernig ferillinn steypist niður við hægri jaðar myndarinnar.  Fróðlegt verður að sjá hvernig framhaldið verður. Vafalítið stafar þetta hitafall af fyrirbærinu La Niña í Kyrrahafinu. Frá árinu 1995, þegar kaldari mánuður en sl. janúar mældist, hafa verið þrjú La Niña tímabil; 1995-1996, 1998-2000 og 2000-2001.

 

Vonandi er þetta ekki fyrirboði þess að langtíma kólnun sé framundan. Það er eðli El Níño og La Niña fyrirbæranna að þau geta ekki staðið yfir nema tiltölulega fáeina mánuði (eða sárafá ár) í senn. Til eru náttúrulegar sveiflur í hitafari jarðar sem standa yfir í mörg ár eða áratugi. Vel þekkt eru kuldatímabil sem komu á meðan á "Litlu ísöldinni" stóð og eru tvö þeirra kennd við lágmörk í virkni sólar sem nefnd eru Maunder minimum (1645-1715) og Dalton minimum (1790-1830).  Myndin efst á síðunni er einmitt frá London meðan á Dalton minimum kuldatímabilinu stóð.

 

Þegar er farið að spá svona lágmarki í virkni sólar á næstu áratugum og hafa sumir tímastett lágmarkið árið 2030. Þetta eru auðvitað fyrst og fremst stjarneðlisfræðingar sem telja sig þekkja dynti sólar. Þeim kemur þó ekki saman um hvort því muni svipa til Maunder eða Dalton, en mun kaldara var meðan á því fyrrnefnda stóð.

 

Sólsveifla #24 er um það bil að sjá dagsins ljós. Þó ekki byrjuð. Sólin er búin að vera undur friðsæl undanfarið og lengd sólsveiflu #23 þegar komin ár fram yfir meðaltalið sem 10,7 ár. Miðað við söguna getur það bent til hratt minnkandi virkni sólar á næstu árum. Enginn veit þó hvað verður, en einn þeira sem spáði fyrir um lágmark árið 2030, Dr. Theodor Landscheidt (1927-2004) sagði aðspurður í tölvupósti til undirritaðs um aldamótin að væntanlega yrðum við orðin vör við kólnun áður en þessi áratugur er liðinn. Sjá vangaveltur hér og hér. Sumir eru virkilega farnir að hafa áhyggjur. Sjá hér.

 

Gamalt blogg í svipuðum dúr: Mun sólin kæla okkur svo um munar innan fárra ára?

 

Við skulum vona að þetta sé bara La Niña í Kyrrahafinu sem er að stríða okkur. Það er lang líklegast.

 

 

 Hitaferill GISS frá desember 1978 til janúar 2008.

Takið eftir hitafallinu lengst til hægri. 

 

 

 

Willie Soon og  Steven H Yaskell: Year Without a Summer. Góð grein.

 

David Archibald: The Past and Future of Climate. PowerPoint. 

 

Athugasemdir

[Guðríður Pétursdóttir, 14.2.2008 kl. 11:20]

[Emil Hannes Valgeirsson, 14.2.2008 kl. 12:32]

Sæll, Ágúst. Ég held að það sé nokkuð ljóst að þessir Kyrrahafsstraumar hafa talsverð áhrif á skammtímasveiflur í hitafari jarðar. Það vill reyndar svo til að ég var að skrifa um þetta líka og bar saman hvernig El Ninjo og La Ninja hafa haft áhrif á hitafarið síðan 1950 og þar virðist vera talsverð fylgni. En þetta La Ninja tímabil virðist vera það öflugasta frá 1995 a.m.k. Það getur jú sennilega líka haft áhrif á hitafarið að við höfum verið á milli sólarsveiflna undanfarið.

[Sigurjón Þórðarson, 14.2.2008 kl. 12:58]

Það verður fróðlegt að fylgjast með framvindu mála en ég hef miklar efasemdir eins og fram hefur áður komið að hægt sé að kenna CO2 um allar breytingar á veðrinum.

[Ágúst H Bjarnason, 14.2.2008 kl. 17:15]

Það er fróðlegt að sjá hve veðurstöðvum sem notaðar eru til að meta breytingar í hitafari jarðar fer fækkandi með árunum. Hvaða áhrif skyldi það hafa á áreiðanleika mælinga?   Sjá hér.

[Ágúst H Bjarnason, 14.2.2008 kl. 17:21]

Menn eru farnir að furða sig á hve mikil værð hefur færst yfir sólina undanfarið. Sjá : Where have all the sunspots gone?

Þar segir m.a:

"..... Given the current quietness of the sun and it’s magnetic field, combined with the late start to cycle 24 with even possibly a false start, it appears that the sun has slowed it’s internal dynamo to a similar level such as was seen during the Dalton Minimum. One of the things about the Dalton Minimum was that it started with a skipped solar cycle, which also coincided with a very long solar cycle 4 from 1784-1799. The longer our current cycle 23 lasts before we see a true ramp up of cycle 24, the greater chance it seems then that cycle 24 will be a low one.

No wonder there is so much talk recently about global cooling. I certainly hope that’s wrong, because a Dalton type solar minimum would be very bad for our world economy and agriculture. NASA GISS published a release back in 2003 that agrees with the commonly accepted idea that long period trends in solar activity do affect our climate by changing the Total Solar Irradiance (TSI).

Some say it is no coincidence that 2008 has seen a drop in global temperature as indicated by several respected temperature indexes compared to 2007, and that our sun is also quiet and still not kick starting its internal magentic dynamo".

[Sigurgeir Orri Sigurgeirsson, 14.2.2008 kl. 22:51]

Vildi að ég kynni að gera svona hjarta eins og hún Guðríður, en verð að láta mér nægja hrós fyrir virkilega áhugaverða grein.

[Ásdís Sigurðardóttir, 15.2.2008 kl. 01:05]

Frábær grein, mér er kalt  brrrr     

[Ágúst H Bjarnason, 18.2.2008 kl. 22:32]

Sjá umsögn Dr. Roy Spencer um þróun mála undanfarið. Hann birtir hitaferil sem gerður er úr mæligögnum frá gervihnetti hér .    

[Ágúst H Bjarnason, 19.2.2008 kl. 22:41]

Þetta er myndin frá Roy Spencer.  Í textanum bendir hann á að ef búið er að fjarlægja áhrif Mt. Pinatubo eldgossins og El-Nino (merkt inn á myndina), að þá sé hægt að ímynda sér stöðugan hita frá 1990 til 2000, síðan hlýnun frá 2000 til 2002, og þar næst því sem næst stöðugan hita frá 2002 til 2007.  Nánar hér.

Satellite-measured monthly globally averaged lower atmospheric temperature variations since 1990. When one considers that the cooling from the 1991 eruption of Mt. Pinatubo and the warming from the 1997-98 El Nino were not part of any underlying trend, one can imagine a period of roughly steady temperatures from 1990 to 2000, then warming until 2002, then roughly steady temperatures again from 2002 through 2007.