Sólmyrkvinn að morgni 1. ágúst 2008.


 

Á myndinni má sjá hvernig sólmyrkvinn næstkomandi föstudag 1. ágúst mun líta út frá Reykjavík og nokkrum öðrum stöðum. Takið eftir tímaskalanum neðst til vinstri. Myndin er frá vefsíðunni shadowandsubstance.com, en þar eru fleiri frábærar hreyfimyndir.

Deildamyrkvinn verður í hámarki séð frá Íslandi klukkan 9:11 að morgni og skyggir máninn þá á tæplega 60% af skífu sólarinnar. Almyrkvi á sólu verður sýnilegur í norðurhluta Kanada, Grænlandi, Síberíu, Mongólíu og Kína.

Varúð: Alls ekki má horfa beint í sólina. Það er hægt að njóta myrkvans á ýmsan hátt þrátt fyrir það. 

 

solecl8


Hafi maður sjónauka við hendina er hægt að nota hann til að varpa mynd á hvítt spjald.

 

 

solecl4


Ekki er nauðsynlegt að nota sjónauka. Það er hægt að búa til myndavél með því að gera lítið gat á pappír og og láta sólina skína þar í gegn á sléttan flöt. Þá sést mynd af sólinni. Gatið verður að vera lítið.

 

 

 

 Svo er hægt að smíða myndavél úr gömlum kassa eins og myndin sýnir.

 

 

Hundur og sólmyrkvi

 

Þegar sólin skín í gegn um trjákrónur má oft sjá litlar mydir af henni á jörðinni eða á ólíklegustu stöðum. Takið eftir deildarmyrkvanum á hundinum!

 

 

 

Sólmyrkvi 1999

 

 Myndina tók bloggarinn af deildarmyrkvanum 1999. Myndin er tekin í gegn um rafsuðugler. 

 

 

 

 

 


Félagsmenn í Stjörnuskoðunarfélagi Seltjarnarness standa væntanlega fyrir sólskoðun á Austurvelli í Reykjavík á föstudagsmorgun verði veðrið hagstætt. Þá gefst gestum og gangandi kjörið tækifæri til þess að skoða sólina á öruggan hátt í gegnum búnað í eigu félagsmanna.

 

 

sun-sorry

 

 Góða skemmtun, en farið varlega. Alls ekki horfa beint í sólina!  

 

 

 

 

 

 


« Síðasta færsla | Næsta færsla »

Athugasemdir

1 Smámynd: Ásdís Sigurðardóttir

Alltaf hægt að treysta á fróðleik frá þér minn kæri.  Má ekki horfa á sólina gegnum glugga heldur??  ÉG ætla að fylgjast með en hef engar græjur til að setja fyrir augun, hvað á ég helst að gera??

Ásdís Sigurðardóttir, 30.7.2008 kl. 14:00

2 Smámynd: Ágúst H Bjarnason

Ásdís. Hér eru góðar upplýsingar um sólskoðun: http://www.stjornuskodun.is/vefur/stjornuskodun/solskodun.html

 Ef þú veist um einhvern sem á rafsuðugler eins og notað er í rafsuðuhjálm, þá er það nokkuð öruggt. Annars getur þú útbúið "Pin hole camera" með því að gera lítið gat á pappaspjald eins og sýnt er hér að ofan.

Ágúst H Bjarnason, 30.7.2008 kl. 16:02

3 Smámynd: Ásdís Sigurðardóttir

Þegar þú nefnir rafsuðu þá veit ég hvað ég geri, læt húsbandið redda þessu, hann á svona græjur.  Takk

Ásdís Sigurðardóttir, 30.7.2008 kl. 16:32

4 Smámynd: Rúna Guðfinnsdóttir

Klukkan hvað verður hann hér á Ströndinni???? Tek rafsuðuhjám bóndans.....

Rúna Guðfinnsdóttir, 31.7.2008 kl. 20:31

5 Smámynd: Ágúst H Bjarnason

Rúna. Væntanlega verður hann í hámarki á Ströndinni á svipuðum tíma og í Höfuðborginni, eða um klukkan 9:11 í fyrramálið. Vonandi einnig hér í Tungunum.

Ágúst H Bjarnason, 31.7.2008 kl. 20:38

6 Smámynd: Ásdís Sigurðardóttir

ÉG ætla líka að nota rafsuðuhjálm en mig langar að vita hvort ég má taka mynd upp í sólina.??

Ásdís Sigurðardóttir, 31.7.2008 kl. 20:39

7 Smámynd: Ágúst H Bjarnason

Þegar ég tók myndina hér fyrir ofan 1999 notaði ég einmitt rafsuðugler og tók myndina í gegn um það.

Þegar ég tók þessa mynd http://agbjarn.blog.is/album/Stjornumyndir/image/448786/ af Venus fyrir framan sólina hafði ég ekkert dökkt gler við hendina, en var svo heppinn að hæfilega dökk skýjahula var fyrir framan sólina. Annars hefði myndin verið yfirlýst.

Ágúst H Bjarnason, 31.7.2008 kl. 20:48

8 Smámynd: Rúna Guðfinnsdóttir

Venusarmyndin er æðisleg, ég hef nú séð hana áður.

Rúna Guðfinnsdóttir, 31.7.2008 kl. 21:16

9 Smámynd: Ásdís Sigurðardóttir

Heyrðu Ágúst, má ekki nota digital vél og horfa bara á vélina ekki í gegnum gatið eða beint á sólina. ??

Ásdís Sigurðardóttir, 31.7.2008 kl. 21:38

10 Smámynd: Ágúst H Bjarnason

Ásdís. Það sakar ekki að prófa, en ég er hræddur um að myndin geti orðið allt of yfirlýst.

Ágúst H Bjarnason, 31.7.2008 kl. 21:55

11 identicon

Sæll Ágúst.

       Tímamunur á milli Reykjavíkur og Skálholts er -6 mínútur og á milli Reykjavíkur og Selfoss -4 mínútur.

       Myrkvinn er þá í hámarki kl. 9:05 í fyrramálið í Biskupstungum. Hér við ströndina ca. kl. 9:07.
       Vonandi verður bjart veður svo að við getum notið þessa viðburðar.

          Kv. Þorvaldur Ágústsson.
 

Þorvaldur Ágústsson (IP-tala skráð) 31.7.2008 kl. 22:00

12 Smámynd: Einar Indriðason

Ásdís... með digital myndavél... ég mæli ekki með því, þú getur skemmt vélina, þegar sensorinn fær inn á sig allt of mikið af ljósi, í allt of langan tíma.

Einar Indriðason, 31.7.2008 kl. 22:19

13 Smámynd: Ágúst H Bjarnason

Þorvaldur. Takk fyrir upplýsingarnar.

Hér efst í uppsveitunum er núna klukkan tæplega hálf níu næstum alskýjað. Sólin hefur verið að gægjast fram stöku sinnum. Ég prófaði að smella af mynd í gegn um þunna skýjaslæðu og virtist það takast nokkuð vel. Skýin drógu hæfilega mikið úr ljósinu. Ég er líka með til taks gamlan sólfilter sem er Mylar plastþynna með álhúð.

Ágúst H Bjarnason, 1.8.2008 kl. 08:24

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Ágúst H Bjarnason
Ágúst H Bjarnason

Verkfr. hjá Verkís.
agbjarn-hjá-gmail.com

Audiatur et altera pars

Aðeins málefnalegar athugasemdir, sem eiga ótvíætt við efni viðkomandi pistils, og skrifaðar án skætings og neikvæðni í garð annarra, og að jafnaði undir fullu nafni, verða birtar. 

Um bloggið

Ginnungagap

Ýmislegt

Loftslag

Click to get your own widget

Teljari

free counters

Álverð

http://metalprices.com/PubCharts/PublicCharts.aspx?metal=al&type=L&weight=t&days=12&size=M&bg=&cs=1011&cid=0

Sólin í dag:

(Smella á mynd)

.

Vinnan mín:

Olíuverðið í dag:

Heimsóknir

Flettingar

  • Í dag (26.2.): 19
  • Sl. sólarhring: 24
  • Sl. viku: 175
  • Frá upphafi: 740644

Annað

  • Innlit í dag: 14
  • Innlit sl. viku: 117
  • Gestir í dag: 14
  • IP-tölur í dag: 14

Uppfært á 3 mín. fresti.
Skýringar

Eldri færslur

Feb. 2021
S M Þ M F F L
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28            

Innskráning

Ath. Vinsamlegast kveikið á Javascript til að hefja innskráningu.

Hafðu samband