Glitský eru ákaflega fögur marglit ský - mynd...

 

 

 

Glitský eru ákaflega fögur marglit ský sem myndast í heiðhvolfinu, oft í um 15 - 30 km hæð. Glitský sjást helst um miðjan vetur, um sólarlag eða við sólaruppkomu. Litadýrð þeirra er mjög greinileg því þau eru böðuð sólskini, þótt rökkvað sé eða jafnvel aldimmt við jörð. Litadýrðin þykir minna á þá liti sem sjá má í hvítu lagi sem er innan á sumum skeljum (svonefnt perlumóðurlag í perluskeljum), og eru þau því nefnd perlumóðurský (enska, nacreous clouds) á ýmsum tungumálum.

 

Engu líkara en olíubrák sé á sjónum, en auðvitað er það bara glitskýið sem speglast þar.

 

Smella tvisvar á mynd til að stækka.

Myndin er tekin klukkan 08:37  18. febrúar 2005 frá Grandagarði á Canon 300D myndavél.

 

Sjá umfjöllun um glitský á  Vísindavefnum

 

 

 

Perlumóðir - Nacre

 

Athugasemdir

[Emil Hannes Valgeirsson, 11.11.2009 kl. 09:34]

Flott mynd - ég man einmitt eftir þessu skýi.

[Höskuldur Búi Jónsson, 11.11.2009 kl. 12:58]

Mjög flott mynd, þú ert listamyndasmiður.