Enn er svalt í heimi hér...

 

Á myndinni má sjá þróun lofthita jarðar frá janúar 1979 til og með júní 2008. Mælingar með gervihnetti og úrvinnsla gagna hjá UAH.  Kæliáhrif eldgossins í Pinatubo hafa verið merkt inn á myndina svo og hlýnunaráhrif El-Nino 1998. Getur verið að kólnunin síðustu mánuði hafi stafað af La-Nina í Kyrrahafinu, eða er um eitthvað annað að ræða?  La-Nina er gengið til baka, en ...  Fróðlegt verður að fylgjast með næstu mánuði.

(Fyrirsögnin er reyndar aðeins villandi. Lofthitinn hefur haldist hár undanfarinn áratug, þannig að varla er rétt að tala um að enn sé svalt, nema átt sé við síðustu mánuði).

 

UAH_LT_since_1979-700w

 


« Síðasta færsla | Næsta færsla »

Athugasemdir

1 Smámynd: Ásdís Sigurðardóttir

Ég ætla ekki að henda lopapeysunni minni og er fegin á meðan sumarið varir í 3 mán. 

Ásdís Sigurðardóttir, 12.7.2008 kl. 22:08

2 Smámynd: Ágúst H Bjarnason

Það er ekki bara peysan ...

Sjá:

"Global Warming Out, Global Cooling In"

"Four  scientists, four scenarios, four more or less similar conclusions without actually saying it outright -- the global warming trend is done, and a cooling trend is about to kick in. The implication: Future energy price response is likely to be significant.

Late last month, some leading climatologists and meteorologists met in New York at the Energy Business Watch Climate and Hurricane Forum. The theme of the forum strongly suggested that a period of global cooling is about emerge, though possible concerns for a political backlash kept it from being spelled out.

However, the message was loud and clear, a cyclical global warming trend may be coming to an end for a variety of reasons, and a new cooling cycle could impact the energy markets in a big way.,,,,,,,,"

Ágúst H Bjarnason, 12.7.2008 kl. 22:17

3 Smámynd: Brjánn Guðjónsson

svo þá er 'global warming' tískan á undanhaldi og 'global cooling' kemur sterkar inn. semsagt sóknarfæri fyrir íslenska lopapeysuframleiðendur

Brjánn Guðjónsson, 13.7.2008 kl. 00:22

4 identicon

Sæll Ágúst. Vísindamennirnir, sem vitnað er til í greininni, sem þú vísar til, eru nánast fullvissir um að veðurfar fari kólnandi á næstu árum. Eflaust munu birtast andmæli við þessari skoðun frá öðrum jafn virtum vísindamönnum bráðlega. En eru þessar hitasveiflur einhver ný tíðindi þegar jarðsagan er skoðuð? Við lifum á svokölluðum kvartertíma, sem er talinn hefjast fyrir ca. 3 milljónum ára. Meirihluta þessa tímabils hefur ríkt ísöld á norðurhveli jarðar með stuttum hlýskeiðum, sem hafa sum verið miklu hlýrri en það sem nú stendur yfir. Jarðlög með leifum af suðrænum gróðri, sem fundist hafa á Íslandi, sem gæti ekki vaxið  hér núna sanna þetta. Svokallaður nútími hófst fyrir 10 til 11 þúsund árum og ef ég man rétt er talið að verið hafi mun hlýrra stundum á þessu tímabili en nú er. Hvað olli þessum ísöldum? Breytt hnattstaða vegna landreks er kannski hluti skýringarinnar en eitthvað fleira hlýtur að koma til. Böndin berast að sólinni, sem er eini varmagjafi Jarðar. Örlítill varmi úr iðrum Jarðar skiftir varla máli. Þegar hugsað er til þess hvað ísaldaskeiðin hafa verið miklu lengri en hlýskeiðin, þá virðast   lágmarks virkniskeið  sólar vera margfalt lengri en hámarksvirkniskeiðin. Sjálfsagt má taka með í reikninginn áhrif langvarandi eldgosa og jafnvel loftsteinaárekstra. Stundum hefur hvarflað að mér að Sólin á sinni miklu hraðferð um geiminn með pláneturnar í eftirdragi lendi stundum í geimryksþokum, sem deyfi skin hennar með þessum afleiðingum. Ég sendi þér þessa miðnæturþanka að gamni mínu.

                    Kveðja. Þorvaldur Ágústsson
 

Þorvaldur Ágústsson (IP-tala skráð) 13.7.2008 kl. 01:38

5 Smámynd: Ágúst H Bjarnason

Sæll Þorvaldur.
Það er alltaf gaman að fá athugasemdir frá þér því þær eru yfirleitt fullar af fróðleik.

Hér er skemmtileg tilgáta Nir Shaviv sem gæti skýrt 150 milljón ára sveiflu í hitafari jarðar (icehouse-hothouse sveiflan), en Nir skýrir þetta með ferðalagi sólar um spíralarma Vetrarbrautarinnar. Sjá hér http://www.sciencebits.com/ice-ages

Aðrir skýra þessar langtímabreytingar með flekahreyfingum jarðar, skilst mér. Í febrúar 2007 hlustaði ég á mjög áhugaverðan fyrirlestur hjá Ólafi Ingólfssyni prófessor í fyrirlestraröðinni Undur veraldar. Í kynningu fyrirlestrarins segir: "Rannsóknir á veðurfarssögu jarðar síðustu 650 milljón ára sýna að hitafar á heimsmælikvarða sveiflast milli tveggja öfga: annars vegar eru löng tímabil þar sem mjög hlýtt er um jörðina, og hins vegar eru styttri tímabil fimbulkaldra ísalda. Hlýju tímabilin einkennast af gróskumiklu lífi og hárri sjávarstöðu, meðan ísaldirnar markast af minni lífauðgi og mikilli útbreiðslu jökla, sérstaklega á háum og miðlægum breiddargráðum. Í erindinu verður skýrt frá helstu gögnum sem endurspegla veðurfarssögu jarðar. Orsakir þessara öfgakenndu sveifla frá funheitu gróðurhúsaloftslagi til brunagadds ísalda verða skýrðar. Leidd verða rök að því að núverandi hlýskeið líði mót lokum og nýtt jökulskeið sé handan sjóndeildarhringsins".

Svo er það spurning hvort sé ráðandi, Milankovitch eða geimrykið varðandi 100.000 ára sveifluna. Sjá grein í New Scientist Does spacedust make the Earth blow hot and cold?

 Mynd úr grein Nir Shaviv:

 

The top panel describes our passages through galactic spiral arms. The second panel describes the predicted cosmic ray flux and the predicted occurrence of ice-age epochs. The third panel describes the actual occurrence of ice-age epochs. The fourth panel indirectly describes the variable cosmic ray flux. Due to the fact that the cosmic ray flux is the "clock" used to exposure date meteorites, the meteoritic ages are predicted to cluster around periods when the "clock" ticks slower, which is when the cosmic ray flux was lowest, as is seen in the data.

Svo er hér að lokum mynd sem á að sýna hitafar jarðar síðsatliðin  5000 ár. Hlý tímabil eins og við njótum þessi árin virðast koma nokkuð reglulega.

 http://agbjarn.blog.is/users/fa/agbjarn/img/warm_periods_600551.jpg

Ágúst H Bjarnason, 13.7.2008 kl. 08:34

6 Smámynd: Guðný Anna Arnþórsdóttir

Það er alltaf bæði gaman og fræðandi að kíkja hér inn. Ætla að kvitta svona einu sinni fyrir innlitið!

Guðný Anna Arnþórsdóttir, 13.7.2008 kl. 23:12

7 Smámynd: Lilja Guðrún Þorvaldsdóttir

Ég þakka innilega fyrir allan þennan fróðleik Ágúst.

Lilja Guðrún Þorvaldsdóttir, 13.7.2008 kl. 23:28

8 Smámynd: Ágúst H Bjarnason

Kristinn.  Þú ættir að tala við Helga Björnsson (hb (at) raunvis.hi.is) á Jarðvísindastofnum HÍ. Hann er allra manna fróðastur um jökla á Íslandi. Hugsanlega á hann eitthvað svona kort í fórum sínum.

Ef þú ferð í myndaalbúmið sem kallast Ruslakistan og er vinstra megin á síðunni, þá ættir þú að finna tvö kort sem sýna útbreiðslu jökla á Íslandi fyrir 1000 og 2500 árum. Smelltu þrisvar á myndina til að sjá stóra útgáfu.

Ágúst H Bjarnason, 14.7.2008 kl. 08:26

9 Smámynd: Ágúst H Bjarnason

Takk fyrir kveðjurnar Guðný Anna og Lilja Guðrún.

Ágúst H Bjarnason, 14.7.2008 kl. 08:26

10 Smámynd: Ágúst H Bjarnason

Varðandi 5000 ára hitaferilinn í athugasemd #5, þá er ekki um eiginlegan hitaferil að ræða, heldur feril sem sýnir frávik í magni súrefnissamsætunnar (isotope ratio) O18 eða 18O.    Sjá skýringar hér á Wikipedia.  Þungu súrefnissamsætuna 18O má nota sem mælikvarða á loftslagsbreytingar þúsundir eða milljónir ára aftur í tímann.

Ágúst H Bjarnason, 14.7.2008 kl. 08:48

11 identicon

Ágúst, þakka vinsamleg ummæli í minn garð en fróðleikurinn kemur nú allur frá þér. Tilgáta Nir Shaviv er mjög áhugaverð ég las hana í fljótheitum en ætla að lesa hana betur. Ítarefnið sem þú vísar til er svo yfirgripsmikið að það gæti verið fullt starf að kynna sér það allt. Þá er ekki síður merkileg samsvörunin milli hækkandi hita og aukningar co2 þar, sem hitinn hækkar fyrst og co2 magniið fylgir á eftir, sem þýðir þá að hafið losar co2 við hækkandi hita.

Það má því spyrja eins og forðum, hvort kom á undan, eggið eða hænan?.

Er ekki orðið tímabært að haldin verði ráðstefna þar, sem fylkingar mætist, beri saman gögn með og á móti og rökræði án allra trúarbragða. Það þarf að hafa hemil á heimsendaspámönnum, sem hika ekki við að hagræða sannleikanum sér í hag.

Kv. Þorvaldur Ágústsson.

Þorvaldur Ágústsson (IP-tala skráð) 14.7.2008 kl. 22:24

12 Smámynd: Marta B Helgadóttir

Mjög fróðlegt. Takk fyrir mig.

Marta B Helgadóttir, 15.7.2008 kl. 20:28

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Ágúst H Bjarnason
Ágúst H Bjarnason

Verkfr. hjá Verkís.
agbjarn-hjá-gmail.com

Audiatur et altera pars

Aðeins málefnalegar athugasemdir, sem eiga ótvíætt við efni viðkomandi pistils, og skrifaðar án skætings og neikvæðni í garð annarra, og að jafnaði undir fullu nafni, verða birtar. 

Um bloggið

Ginnungagap

Ýmislegt

Loftslag

Click to get your own widget

Teljari

free counters

Álverð

http://metalprices.com/PubCharts/PublicCharts.aspx?metal=al&type=L&weight=t&days=12&size=M&bg=&cs=1011&cid=0

Sólin í dag:

(Smella á mynd)

.

Vinnan mín:

Olíuverðið í dag:

Heimsóknir

Flettingar

  • Í dag (26.2.): 19
  • Sl. sólarhring: 24
  • Sl. viku: 175
  • Frá upphafi: 740644

Annað

  • Innlit í dag: 14
  • Innlit sl. viku: 117
  • Gestir í dag: 14
  • IP-tölur í dag: 14

Uppfært á 3 mín. fresti.
Skýringar

Eldri færslur

Feb. 2021
S M Þ M F F L
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28            

Innskráning

Ath. Vinsamlegast kveikið á Javascript til að hefja innskráningu.

Hafðu samband